ସମ୍ବଲପୁର ଅଇଁଠାପାଲି ହାଜତ ମୃତ୍ୟୁର ଏଚଆରପିସି ଓ ଏସପି ତଦନ୍ତ ଆରମ୍ଭ : ଅବହେଳା ପାଇଁ ଥାନା ଅଧିକାରୀଙ୍କ ସମେତ ୩ ସସପେଣ୍ଡ
କନକ ବ୍ୟୁରୋ : ସମ୍ବଲପୁରରେ ଏଚଆରପିସିର ତିନି ଜଣିଆ ଟିମ୍ । ଆଜି ଅଇଁଠାପାଲି ଥାନା ହାଜତରେ ମୃତ୍ୟୁ ହୋଇଥିବା ଯୁବକଙ୍କ ପରିବାରକୁ ଭେଟିବେ । ଥାନାକୁ ଯାଇ ପଚରାଉଚରା କରିବେ । ସମ୍ବଲପୁର ହାଜତ ମୃତ୍ୟୁ ଘଟଣାରେ ପୋଲିସ ଡିଜିଙ୍କ ନିର୍ଦ୍ଦେଶ କ୍ରମେ ଏଚଆରପିସି ତଦନ୍ତ କରୁଛନ୍ତି । ଏଚଆରପିସିର ତିନି ଜଣିଆ ଟିମ ଘଟଣା ସ୍ଥଳରେ ପହଂଚି ଯାଂଚ ଆରମ୍ଭ କରିଛନ୍ତି । ଏଚଆରପିସିର ଗାଇଡଲାଇନ ଅନୁଯାୟୀ ଟିମ୍ ତଦନ୍ତ କରୁଛି । ତଦନ୍ତ ସମୟରେ ଘଟଣାର ବିଭିନ୍ନ ଦିଗକୁ ଗୁରୁତ୍ୱ ଦେଇ ଯାଂଚ କରାଯାଇ ୩ ଦିନ ଭିତରେ ରିପୋର୍ଟ ଦିଆଯିବ ବୋଲି କହିଛନ୍ତି ଏଚଆରପିସି ମୁଖ୍ୟ । ଥାନା ହାଜତରେ ଅଭିଯୁକ୍ତ ଯୁବକଙ୍କର ମୃତ୍ୟୁକୁ ନେଇ ସମ୍ବଲପୁରରେ ଲଙ୍କାକାଣ୍ଡ ହୋଇଥିଲା । ତାପରେ ଅଇଁଠାପାଲି ଥାନା ଅଧିକାରୀଙ୍କ ସମେତ ୩ଜଣଙ୍କୁ ନିଲମ୍ବିତ କରିଥିଲେ ପୁଲିସ୍ ଡିଜି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଗତକାଲି ସମ୍ବଲପୁର ଅଇଁଠାପାଲି ଥାନା ହାଜତରେ ଜଣେ ବ୍ୟକ୍ତିଙ୍କ ମୃତ୍ୟୁକୁ ନେଇ ଉତକ୍ଷିପ୍ତ ହୋଇ ଉଠିଥିଲେ ଜନତା । ପ୍ରତିବାଦ ଏତେ ତ୍ରୀବ ରୁପ ନେଇଥିବା ଯେ, ଥାନାରେ ନିଆଁ ଲାଗାଇ ଦେଲେ ଉତ୍ୟକ୍ତ ଲୋକ । ପୁଲିସ କର୍ମଚାରୀଙ୍କ ଉପରକୁ ଟେକା ପଥର ମାଡ ହୋଇଥିବା ବେଳେ ଆଇନଶୃଙ୍ଖଳା ପାଇଁ ୭ପ୍ଲାଟୁନ ଫୋର୍ସ ମୁତୟନ କରିବାକୁ ପଡ଼ିଲା । ହାଜତରେ ଅଭିଯୁକ୍ତଙ୍କ ମୃତ୍ୟୁ ଘଟଣାରେ ଅଇଁଠାପାଲି ଥାନା ଅଧିକାରୀଙ୍କ ସହ ଡିସିଓ ଏବଂ ସେଂଟ୍ରିଂଙ୍କୁ ନିଲମ୍ବିତ କରାଯାଇଛି । ହାଜତରେ ଅଭିଯୁକ୍ତର ମୃତ୍ୟୁ ପରେ ଅଶାନ୍ତ ହୋଇ ଉଠିଥିଲା ପଶ୍ଚିମ ଓଡିଶାର ଏହି ପ୍ରମୁଖ ସହର । ସଂଘର୍ଷ, ଲଙ୍କାକାଣ୍ଡ, ଧସ୍ତାଧସ୍ତି ଆଉ ଉତ୍ତେଜନା । ତିନି ଘଂଟା ଧରି ରଣକ୍ଷେତ୍ର ପାଲଟିଥିଲା ପୁରା ଅଂଚଳ । ପ୍ରଥମେ ସ୍ଥାନୀୟ ଅଂଚଳରେ ରାସ୍ତାରୋକ, ଆଉ ପରେ ମନରେ ଚପି ରହିଥିବା ଅସନ୍ତୋଷକୁ ଜାହିର କରିବାକୁ ଥାନାରେ ବ୍ୟାପକ ଭଙ୍ଗାରୁଜା । ନୀରବଦ୍ରଷ୍ଟା ସାଜିବା ଛଡା ପୋଲିସ ପାଖରେ ଆଉ କିଛି ଉପାୟ ନଥିଲା । ଥାନା ଭିତରେ ଲଙ୍କାକାଣ୍ଡ ଭିଆଇବା ସହ ଉତ୍ୟକ୍ତ ଲୋକେ ଯାହା ପାଇଥିଲେ ଭାଙ୍ଗିଥିଲେ ଆଉ ପୋଡିଥିଲେ ।