କନକ ବ୍ୟୁରୋ: ବିହାରରେ ରେଳ ଇଞ୍ଜିନ୍ ଓ ମୋବାଇଲ ଟାୱାର ପରେ ଏବେ ରେଳ ଲାଇନକୁ ନେଇଗଲେଣି ଚୋର । ଏଭଳି ଘଟଣା ଘଟିଛି ସମସ୍ତିପୁରରେ । ଏଠାରେ ୨ କିଲୋମିଟର ଯାଏଁ ରେଲୱେ ଟ୍ରାକ୍ ଗାଏବ ହୋଇଯାଇଛି । ଏହା ସୂଚନା ମିଳିବା ମାତ୍ରେ ହଇଚଇ ସୃଷ୍ଟି ହୋଇଛି । ଏହାସହ ଏହି ମାମଲାରେ ୨ କର୍ମଚାରୀଙ୍କୁ ନିଲମ୍ବନ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବିହାରରେ ରେଲୱେ ସ୍କ୍ରାପ ବିକିବା ବିବାଦ ଥମିନଥିବାବେଳେ ଏବେ ପୁଣି ରେଳ ଲାଇନ୍ ଚୋରୀ ହେଇଯିବା ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । କହିରଖୁଁ, ସମସ୍ତିପୁର ରେଳମଣ୍ଡଳର ପଣ୍ଡୌଲଷ୍ଟେସନରୁ ଲୋହଟ ଚିନି ମିଲ ପାଇଁ ନିର୍ମାଣ ହୋଇଥିବା ଏହି ରେଲୱେ ଟ୍ରାକ ଚୋରୀ ହୋଇଯିବା ପରେ ରେଳ ଚଳାଚଳ ବାଧାପ୍ରାପ୍ତ ହୋଇଛି ।