ବାଂଲାଦେଶରେ ଦୁର୍ଗା ମଣ୍ଡପ ଭାଙ୍ଗିବା ସହ ୩ ଜଣଙ୍କୁ ହତ୍ୟା ମାମଲା, ପ୍ରଧାନମନ୍ତ୍ରୀ ଶେଖ୍ ହସୀନା ଭାରତକୁ ଦେଲେ ଏମିତି ପରାମର୍ଶ
କନକ ବ୍ୟୁରୋ : ବୁଧବାର ଦିନ ବାଂଲାଦେଶର କୋମିଲ୍ଲା ଜିଲ୍ଲାରେ ଦୁର୍ଗାପୂଜା ସମାରୋହକୁ ବେଳେ ପ୍ୟାଣ୍ଡେଲରେ ଭଙ୍ଗାରୁଜା ଓ ହିନ୍ଦୁ ମନ୍ଦିର ଉପରେ ଆକ୍ରମଣ ସହ ୩ ଜଣ ହିନ୍ଦୁଙ୍କ ହତ୍ୟା କରାଯିବା ମାମଲାରେ ପ୍ରଧାନମନ୍ତ୍ରୀ ଶେଖ୍ ହସୀନା କଡା ନିନ୍ଦା କରିଛନ୍ତି । ହସୀନା ଚେତାବନୀ ଦେଇ କହିଛନ୍ତି ଯେ କେହି ବି ଏହି ମାମଲାରେ ସଂପୃକ୍ତ ସେମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଏହାସହ ହସୀନା ଭାରତକୁ ସତର୍କ ରହିବାକୁ କହିଛନ୍ତି । ଅନ୍ତର୍ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ସେ କହିଛନ୍ତି କି ବାଂଲାଦେଶରେ ଯାହା ଘଟିଲା ସେଭଳି ଭାରତରେ ନ ଘଟିବା ଦରକାର । ଭାରତରେ ଏଭଳି ଘଟିଲେ ତାହା ବାଂଲାଦେଶରେ ରହୁଥିବା ହିନ୍ଦୁଙ୍କ ଉପରେ ପ୍ରଭାବ ପକାଇବ ବୋଲି ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ବୁଧବାର ଦିନ ବାଂଲାଦେଶର ଚାନ୍ଦିପୁର ହାଜିଗଞ୍ଜ ଠାରେ ଦୁର୍ଗାପୂଜା ସମାରୋହ ଚାଲିଥିବା ବେଳେ ଧାର୍ମିକ ହିଂସା ଦେଖିବାକୁ ମିଳିଥିଲା । ଏହି ହିଂସାରେ ୩ ଜଣଙ୍କର ମୃତ୍ୟୁ ହୋଇଥିବା ବେଳେ ୬୦ ରୁ ଅଧିକ ଲୋକ ଆହତ ହୋଇଛନ୍ତି । ସୂଚନା ମୁତାବକ ସୋସିଆଲ ମିଡିଆରେ ଏକ ପୋଷ୍ଟ (କୋରାନୁ ୍ରଅପମାନ) କୁ ନେଇ ହିଂସା ଦେଖିବାକୁ ମିଳିଥିଲା । ଏହାପରେ କିଛି ଲୋକ ଦୁର୍ଗାପୂଜା ମଣ୍ଡପକୁ ଭଙ୍ଗାରୁଜା କରିଥିଲେ ।
ବାଂଲାଦେଶ ପ୍ରଧାନମନ୍ତ୍ରୀ ଶେଖ୍ ହସୀନା ଗୁରୁବାର ଦିନ ଭିଡିଓ କନଫରେନ୍ସିଂ ମାଧ୍ୟମରେ ଢାକାର ଢାକେଶ୍ୱରୀ ମନ୍ଦିରରେ ହୋଇଥିବା କାର୍ଯ୍ୟକ୍ରମରେ ଭାଗ ନେଇ ତାଙ୍କ ସମ୍ବୋନ୍ଧନରେ କହିଥିଲେ କି କୋମିଲା ଜିଲ୍ଲାରେ ହୋଇଥିବା ହିଂସାକୁ ନେଇ ତଦନ୍ତ ଆରମ୍ଭ ହୋଇଛି । ହିନ୍ଦୁ ମନ୍ଦିର ଦୁର୍ଗା ମଣ୍ଡପରେ ଯେଉଁମାନେ ଭଙ୍ଗାରୁଜା କରିଛନ୍ତି ସେମାନଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ କହିଛନ୍ତି ।