ଭିଡିଓ କନଫରେନ୍ସିଂରେ କଟକର ସୁବାସ ମହାନ୍ତିଙ୍କ ସହ କଥା ହେଲେ ମୋଦି ! ଓଜନ କମାଅ, ଭଲ କାମ କରିବା ସହ ସୁସ୍ଥ ରହିବାକୁ ଦେଲେ ପରାମର୍ଶ
କନକ ବ୍ୟୁରୋ: ମୋଦିଙ୍କ ସହ ସିଧାସଳଖ କଥା ହୋଇଛନ୍ତି କଟକର ସୁବାସ ମହାନ୍ତି । ଗୁରୁବାର ଭିଡିଓକନଫରେନ୍ସିଂ ଜରିଆରେ କଥା ହୋଇଛନ୍ତି ସୁବାସ । ପ୍ରଧାନମନ୍ତ୍ରୀ ଜନୌଷଧି କେନ୍ଦ୍ର ଦ୍ୱାରା ସୁବାସ କେତେ ଉପକୃତ ହୋଇଛନ୍ତି ସେ ନେଇ ପଚାରି ବୁଝିଛନ୍ତି ମୋଦି । ସୁବାସଙ୍କ ସହ ପାଖାପାଖି ୧୦ମିନିଟ୍ କଥା ହୋଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସ୍ୱାସ୍ଥ୍ୟବସ୍ଥା କଥା ପଚାରି ବୁଝିବା ସହ ଜନୌଷଧି କେନ୍ଦ୍ରରୁ ଔଷଧ କିଣିବା ସହଜ ହେଉଛି କି ନାହିଁ ପଚାରି ବୁଝିଥିଲେ ପ୍ରଧାନମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ସୁବାସ କହିଥିଲେ, ଜନୌଷଧି କେନ୍ଦ୍ରରୁ ଔଷଧ କିଣିବା ଦ୍ୱାରା ପ୍ରତିମାସରେ ତାଙ୍କର ୨ହଜାରରୁ ଅଢ଼େଇ ହଜାର ଟଙ୍କା ପର୍ଯ୍ୟନ୍ତ ସୁବିଧା ପାଉଛନ୍ତି । ସେ ଓ ତାଙ୍କ ପତ୍ନୀ ମଧୁମେହ ରୋଗରେ ପୀଡିତ ଥିବାରୁ ପୂର୍ବରୁ ପ୍ରତିମାସରେ ୨ରୁ ୩ହଜାର ଟଙ୍କାର ମେଡିସିନ୍ ଖାଉଥିଲେ । କିନ୍ତୁ ଏବେ ସେହି ମେଡିସିନକୁ ଜନୌଷଧି କେନ୍ଦ୍ରରୁ ମାତ୍ର ୫ଶହ ଟଙ୍କାରେ କିଣିପାରୁଛନ୍ତି । ଜନୌଷଧି କେନ୍ଦ୍ର ଦ୍ୱାରା ଦେଶବାସୀ କେମିତି ଉପକୃତ ହୋଇଛନ୍ତି ସେ ନେଇ ଗୁରୁବାର ପ୍ରଧାନମନ୍ତ୍ରୀ ଦେଶର ବିଭିନ୍ନ ପ୍ରାନ୍ତର ଲୋକଙ୍କ ସହ ସିଧାସଳଖ କଥା ହୋଇଥିଲେ ।
ଓଡିଶାର ସୁବାସଙ୍କ ସହ କଥା ହୋଇଥିଲେ । ମୋଦିଙ୍କ ସହ କଥା ହେବା ପରେ ସୁବାସ କହିଛନ୍ତି ସେହି ୧୦ମିନିଟ୍ ତାଙ୍କର ସାରାଜୀବନ ମନେରହିବ । ଏବଂ ଦେଶର ପ୍ରତି ବ୍ଲକରେ ଏହି କେନ୍ଦ୍ର ଖୋଲାଗଲେ ତାଙ୍କ ଭଳି ଅନେକ ଲୋକ ଉପକୃତ ହୋଇପାରିବେ ।