କନକ ବ୍ୟୁରୋ : କମିବ ପେଟ୍ରୋଲ, ଡିଜେଲ ଦର । ପେଟ୍ରୋଲିୟମ ମନ୍ତ୍ରୀ ହରଦୀପ ସିଂ ପୁରୀ ତୈଳ କମ୍ପାନୀଗୁଡିକୁ ଚିଠି ଲେଖି ତେଲ ଦର କମାଇବାକୁ କହିଛନ୍ତି । ଆନ୍ତର୍ଜାତୀୟ ବଜାରରେ ଅଶୌଧିତ ତେଲେ ଦର କମିଥିଲେ ବି ଦିର୍ଘ ୧୫ ମାସ ହେବ ପେଟ୍ରୋଲ ଏବଂ ଡିଜେଲ ଦର କମାଇନାହାଁନ୍ତି ତୈଳକମ୍ପାନୀମାନେ । ପୂର୍ବରୁ ତେଲ ଦର ବଢିଥିବା ସମୟରେ କ୍ଷତି ସହି ଗ୍ରାହକଙ୍କୁ କମ୍ ଦରରେ ତେଲ ଯୋଗାଇଥିଲେ । ଆଉ ଏବେ ହୋଇଥିବା କ୍ଷତିର ଭରଣା ହୋଇସାରିଥିବାରୁ ତେଲ ଦର କମାଇବାକୁ କହିଛନ୍ତି ପେଟ୍ରୋଲିୟମ ମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ତୈଳ କମ୍ପାନୀଗୁଡିକ ଲିଟର ପିଛା ୧୦ରୁ ୧୧ ଟଙ୍କା ଲାଭ କରୁଥିବା ବେଳେ ଏବେ ଏହା ୧୩ ଟଙ୍କା ଛୁଇଁଥିବା ସୂଚନା ମିଳିଛି । କମ ଦରରେ ତେଲ ବିକିବା ଯୋଗୁ ଗତ ଏପ୍ରିଲରୁ ସେପ୍ଟେମ୍ବର ମାସ ମଧ୍ୟରେ ତୈଳକମ୍ପାନୀଗୁଡିକୁ ପ୍ରାୟ ୨୨ ହଜାର କୋଟି ଟଙ୍କାର କ୍ଷତି ସହିବାକୁ ପଡିଥିଲା । ଏହି କ୍ଷତି ଟଙ୍କା ଆଦାୟ ହୋଇସାରିଥିଲେ ତେଳ ଦର କମାଯିବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ । ତେବେ ୨୦୨୪ ଲୋକସଭା ନିର୍ବାଚନ ଏବଂ ଏହାର ର୍ପୂବରୁ ହେବାକୁଥିବା ୯ ଟି ରାଜ୍ୟର ବିଧାନସଭା ନିର୍ବାଚନ ହେବାର ଅଛି । ତେଣୁ ଏହା ପୂର୍ବରୁ ତେଲ ଦରକମାଇ ଭୋଟ ହାତେଇବାକୁ ବିଜେପି ଚେଷ୍ଟା କରିବ ବୋଲି କୁହାଯାଉଛି ।