ଉଭୟ ଭାରତ ଓ ଚୀନ ସହ ଉତ୍ତମ ସଂପର୍କ ବଜାୟ ରଖିବ ନେପାଳ : ନେପାଳ ପ୍ରଧାନମନ୍ତ୍ରୀ
କନକ ବ୍ୟୁରୋ : ଉଭୟ ପଡୋଶୀ ଦେଶ ଭାରତ ଓ ଚୀନ ସହ ଉତ୍ତମ ସଂପର୍କ ବଜାୟ ରହିବ ବୋଲି ବିଦେଶ ଗସ୍ତରେ ଥିବା ନେପାଳ ପ୍ରଧାନମନ୍ତ୍ରୀ କେ.ପି ଓଲି କହିଛନ୍ତି । ସେ କହିଛନ୍ତି ଯେ, ଆମେ ସମସ୍ତଙ୍କ ସହ ଉତ୍ତମ ସଂପର୍କ ସ୍ଥାପନା କରିବା ସହ ସମସ୍ତଙ୍କୁ ଆମ ଦେଶରେ ନିଜ ଦେଶ ଭଳି ସ୍ୱାଧୀନତା ଦେବୁ । ୫ ଦିନିଆ ଚୀନ ଗସ୍ତରେ ଥିବା କେ.ପି ଓଲି ସେଠାକାର ଗଣମାଧ୍ୟମକୁ ଏହି ବାର୍ତ୍ତା ଦେଇଛନ୍ତି । ଏହାସହ ସେଠାରେ ଚୀନ ଓ ନେପାଲ ମଧ୍ୟରେ ଏକ ନୂତନ ରେଳ ପ୍ରକଳ୍ପର ଚୁକ୍ତି(ଏଏମୟୁ) ସ୍ୱାକ୍ଷର କରିଛନ୍ତି । ଏହି ପ୍ରକଳ୍ପଟି ନେପାଳର ରାଜଧାନୀ କାଠମାଣ୍ଡୁ ଓ ଚୀନର ତିଦ୍ଦତ ଅଞ୍ଚଳକୁ ଏହା ସଂଯୋଗ କରିବ । ଏହି ପ୍ରକଳ୍ପରେ ମୋଟ ୧୪ଟି ଦସ୍ତାବିତରେ ସ୍ୱାକ୍ଷର କରିଛନ୍ତି କେ.ପି ଓଲି ।
Kanak News is now on WhatsApp
Join and get latest news updates delivered to you via WhatsApp
କେ.ପି ଓଲି ଚୀନର ଚାଇନା ଗ୍ଲୋବାଲ ଟାଇମ୍ସକୁ ଏକ ସାକ୍ଷାତକାର ଦେବାବେଳେ କହିଛନ୍ତି ଯେ, ଆମ ଦେଶର ବିକାଶର ଆବଶ୍ୟକତା ରହିଛି । ତେଣୁ ଆମେ ସମସ୍ତ ଦେଶସହିତ ଉତ୍ତମ ସଂମ୍ପର୍କ ରକ୍ଷା କରିବୁ । ତେଣୁ ଆମେ ଦେଶର ବିକାଶ ଲାଗି ବିଦେଶୀ ନୀତି ଉତ୍ତମ ରହିବା ଆବଶ୍ୟକତା ରହିଛି ।
ତେବେ ତାଙ୍କୁ ପ୍ରଶ୍ନ କରାଯାଇଥିଲା ଭାରତ ଓ ଚୀନ ମଧ୍ୟରେ ନେପାଳ ମଧ୍ୟଦେଇ ଏକ ରାସ୍ତା ନିର୍ମାଣ କରାଯାଏ ତେବେ ଏହାକୁ ଆପଣ ସ୍ୱାଗତ କରିବେ କି ? ସମ୍ବାଦିକଙ୍କ ପ୍ରଶ୍ନର ଉତ୍ତରରେ ସେ କହିଛନ୍ତି ଯେ, ଭଭୟ ଦେଶ ମଧ୍ୟରେ ଯହି କୌଣସି ଏପରି ରାସ୍ତା ହୁଏ, ନେପାଳ ମଧ୍ୟ ଏହାକୁ ସ୍ୱାଗତ କରିବ । ଯଦି ଏହା ନେପାଳ ପ୍ରତି କୌଣସି କ୍ଷତି ପହଞ୍ଚାଉ ନଥିବ ତେବେ ଆମର କୌଣସି ଅସୁବିଧା ନାହିଁ ।
ଯଦି ଏହା ହୁଏ ତେବେ କେବଳ ଆମର ନୁହେଁ ବରଂ ୩ଟି ଦେଶର ବିକାଶ ହୋଇପାରିବ । ନେପାଳ ସବୁ ବେଳେ ଶାନ୍ତିରେ ରହିବୀ ସହ ତାହାର ପଡୋଶୀ ମାନେ କିପରି ଭାବରେ ଭଲରେ ରହିବେ ସେ କଥା ଚିନ୍ତା କରେ ଓ ବିକାଶକୁ ଅଧିକ ପ୍ରାଧାନ୍ୟ ଦିଏ । ରେଳ ଲାଇନ ନିର୍ମାଣ ହେଲେ ଚୀନ ଓ ନେପାଳର ଅନେକ ବିକାଶ ହୋଇପାରିବ ବୋଲି କେ. ପି ଓଲି କହିଛନ୍ତି । ଏହି ପ୍ରକଳ୍ପକୁ ଦୁଇ ଦେଶ ଅତ୍ୟନ୍ତ ଗୁରୁତର ସହ ନେଇଛନ୍ତି । ତେଣୁ ଏହାକୁ ଆମେ ସମସ୍ତେ ସ୍ୱାଗତ କରିବାର ଆବଶ୍ୟକତା ରହିଛି । ଚୀନ ନିଜ ସୀମାରେ ଯେଉଁ ରାସ୍ତା ନିର୍ମାଣ କରିଛି ଏହା ଦ୍ୱାରା ସମସ୍ତଙ୍କର ଜିବା ଆସିବାରେ ସୁବିଧା ହେବ ।
ଭାରତ ମଧ୍ୟ ନିଜ ସୀମାରେ ରାସ୍ତା ନିର୍ମାଣ କରୁଛି ତେବେ ତାହା ସାମାନ୍ୟ ବିବାଦ ହୋଇଛି କାରଣ ଭାରତ ଯେଉଁ ରାସ୍ତା ତିଆରି କରୁଛି ତାହା ପାକିସ୍ଥାନ ଅଧୀକୃତ କାଶ୍ମୀର ଅଞ୍ଚଳରେ ଆସୁଥିବାରୁ ସାମାନ୍ୟ ବିବାଦ ଦେଖାଯାଇଛି । ଏହା ଆଗକୁ ସମାଧାନ ହୋଇଯିବ ବୋଲି ଆମର ବିଶ୍ୱାସ ରଖିବା ଉଚିତ ବିଦେଶ ଗସ୍ତରେ ଥିବା ନେପାଳ ପ୍ରଧାନମନ୍ତ୍ରୀ କେ.ପି ଓଲି ସୂଚନା ଦେଇଛନ୍ତି ।