ନଈ ନେଇଗଲା ଜୀବନ । ବାଙ୍କୁଆଳ କୁଆଖାଇରୁ ଉଦ୍ଧାର ନାବାଳକ, କ୍ୟାପିଟାଲ ହସ୍ପିଟାଲରେ ମୃତ୍ୟୁ, ୪ବନ୍ଧୁ ସାଙ୍ଗ ହୋଇ ଗାଧୋଇବା ବେଳେ ବୁଡି ଯାଇଥିଲେ ନାବାଳକ ।
କନକ ବ୍ୟୁରୋ : ମୃତ୍ୟୁ କାହାପାଇଁ କେତେ ବେଳେ କେମିତି ଆସେ ତାହା କହିବା ମୁସକିଲ । ଯାହା ଘଟିଛି ବାଙ୍କୁଆଳର କୁଆଖାଇରେ । ଲକ୍ଷ୍ମୀସାଗର ଅଂଚଳର ୪ ଜଣ ସାଙ୍ଗ ଆଜି କୁଆଖାଇରେ ଗାଧୋଇବାକୁ ଯାଇଥିଲେ । ସମସ୍ତେ ସାଙ୍ଗ ହୋଇ ନଦୀ ପାର ହେଉଥିବାବେଳେ ଜଣେ ନାବାଳକ ଅଚାନକ ବୁଡି ଯାଇଥିଲେ । ଅନ୍ୟ ସାଥୀମାନେ ତାଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ ମଧ୍ୟ ଏଥିରେ ସଫଳ ହୋଇନଥିଲେ । ବାଲିଅନ୍ତା ଅଗ୍ନିଶମ ବାହିନୀ ବହୁ ଖୋଜାଖୋଜି କରିବା ପରେ ଶେଷରେ ବୁଡିଯାଇଥିବା ନାବାଳକକୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ନାବାଳକକୁ ମୃତ ଘୋଷଣା କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ବାଙ୍କୁଆଳ କୁଆଖାଇ ନଦୀରେ ବୁଡିଯିବା ପରେ ମହେଶ୍ୱର ପୃଷ୍ଟି ନାମକ ଯୁବକଙ୍କୁ ଉଦ୍ଧାର କରାଯାଇ ବଞ୍ଚାଇବାକୁ ଚେଷ୍ଟା କରାଯାଇଥିଲା । ପୁଅକୁ ବଂଚାଇବା ପାଇଁ କାନ୍ଦି କାନ୍ଦି ନିବେଦନ କରୁଥିଲେ ଭଉଣୀ । ଉଦ୍ଧାର କରାଯିବା ପରେ ସଙ୍ଗେ ସଙ୍ଗେ ମହେଶ୍ୱରଙ୍କୁ ହସ୍ପିଟାଲ ନିଆଯାଇଥିଲା । କିନ୍ତୁ ସବୁଦିନ ପାଇଁ ନିରବିଗଲେ ମହେଶ୍ୱର ।
ବାଙ୍କୁଆଳ କୁଆଖାଇକୁ ମହେଶ୍ୱର ଓ ତାର ୩ବନ୍ଧୁ ସାଙ୍ଗ ହୋଇ ଗାଧୋଇବାକୁ ଯାଇଥିଲେ । ସମସ୍ତେ ସାଙ୍ଗ ହୋଇ ନଦୀ ପାର ହେଉଥିଲେ । ହେଲେ ମହେଶ୍ୱର ପୃଷ୍ଟି ନାମକ ଜଣେ ନାବାଳକ ଅଚାନକ ବୁଡି ଯାଇଥିଲେ । ସେ ବୁଡି ଯାଉଥିବା ଦେଖି ଅନ୍ୟ ସାଥୀମାନେ ତାଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ । ହେଲେ ସଫଳ ହୋଇନଥିଲେ ।
ଖବର ପାଇ ଘଟଣାସ୍ଥଳରେ ପହଞ୍ଚିଥିଲା ବାଲିଅନ୍ତା ଅଗ୍ନିଶମ ବାହିନୀ । ବହୁ ଖୋଜାଖୋଜି ପରେ ଶେଷରେ ବୁଡିଯାଇଥିବା ନାବାଳକ ମହେଶ୍ୱରକୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଥିଲେ ମଧ୍ୟ ତାକୁ ବଂଚାଇବା ଡାକ୍ତରଙ୍କ ପକ୍ଷରେ ସମ୍ଭବ ହୋଇନଥିଲା ।