ବିବାହ ବେଦିରୁ ଉଠିଗଲା କନ୍ୟା, ବେଦିକୁ ଆସିଲାନି ବର । କୋଟିଏ ଟଙ୍କା ଯୌତୁକ ଦାବିରେ ଭାଙ୍ଗିଗଲା ବାହାଘର ।
କନକ ବ୍ୟୁରୋ : ଅନୁଗୁଳରେ ଏକ ବିବାହ ଘର ଭାଙ୍ଗିଯିବା ଚର୍ଚ୍ଚାର ବିଷୟ ହୋଇଛି । କୋଟିଏ ଟଙ୍କା ପାଇଁ ଭାଙ୍ଗିଗଲା ବାହାଘର । ବେଦୀକୁ ଆସିଲେନି ବର । ଥାନାରେ ଏଭଳି ଏକ ସଙ୍ଗୀନ ଅଭିଯୋଗ ଆଣିଛନ୍ତି ମଙ୍ଗୁଳା କନିଆ । ସାଜସଜ୍ଜାରେ ଚମକୁ ଥିଲା ମଣ୍ଡପ । କନ୍ୟା ବେଶରେ ସଜେଇ ହୋଇ ବର ଅପେକ୍ଷାରେ ଥିଲା ମଙ୍ଗୁଳା ଝିଅ । ବରଯାତ୍ରୀ ବି ବାହାରିପଡିଥିଲା । ଆଉ କିଛି ସମୟ ପରେ ହୋଇଥାନ୍ତା ବାହାଘର ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ସବୁ ଓଲଟପାଲଟ ହୋଇଯାଇଥିଲା । ଖବର ଅନୁସାରେ, ଢେଙ୍କାନାଳ ଜିଲ୍ଲା ଓଡାପଡା ବ୍ଲକ ଅଂଚଳର ଯୁବତୀଙ୍କ ସହ ଅନୁଗୁଳର ଶାନ୍ତି ସ୍ୱରୂପଙ୍କ ସହ ବାହାଘର ଠିକ୍ ହୋଇଥିଲା । ଉଭେୟ ସଫଟୱେର ଇଞ୍ଜିନିୟର ଭାବେ କାମ କରନ୍ତି । ଗତ ୨୧ ତାରିଖରେ ଏକ ହୋଟେଲରେ ଉଭୟଙ୍କ ନିର୍ବନ୍ଧ ହୋଇଥିଲା ଝିଅଘର ଲୋକେ ଶାନ୍ତିସ୍ୱରୂପଙ୍କୁ ୨୦ ଲକ୍ଷ ଦେଇଥିଲେ । କିନ୍ତୁ ଶାନ୍ତିସ୍ୱରୂପଙ୍କ ପରିବାର ଲୋକେ ଯୌତୁକ ବାବଦରେ ୧ କୋଟି ଟଙ୍କା ଦାବି କରିଥିଲେ । ଫଳରେ ବାହାଘର ଭାଙ୍ଗିଯାଇଛି । ମଙ୍ଗୁଳା କନିଆର ଏତଲାକୁ ଭିତିକରି ତଦନ୍ତ ଚାଲିଛି ।
ଏବେ ବି ଆମ ସମାଜରେ ରହିଛି ଯୌତୁକ ଭଳି ଘୃଣ୍ୟ ପ୍ରଥା । ମଣିଷ ଯେତେ ଶିକ୍ଷିତ, ସଭ୍ୟ ହେଉଛି ସେତିକି ବଶବର୍ତୀ ହେଉଛି ଅର୍ଥର । ଯାହାକୁ ନେଇ ବେଦିରୁ ଉଠିଯାଇଛି କନ୍ୟା । ଏହାକୁ ନେଇ ଅନୁଗୁଳରେ ଆଲୋଚନା ଜୋର ହେଉଛି । ଟଙ୍କା ପାଇଁ ମଣିଷ କେତେ ତଳକୁ ଯାଇପାରେ ତାର ଜ୍ୱଳନ୍ତ ଉଦାହାରଣ ଦେଖିବାକୁ ମିଳିଛି ଅନୁଗୁଳରେ ।