ବିଧାନସଭାରେ ମଣ୍ଡି ଅବ୍ୟବସ୍ଥା ନେଇ ଆଲୋଚନା : ରାଜ୍ୟ ସରକାରଙ୍କୁ ବିଜେପିର ଟାଗେର୍ଟ; ସେପଟେ ଏଫସିଆଇ ଧାନ ଉଠାଉ ନଥିବା ଅଭିଯୋଗ କଲା ବିଜେଡ଼ି
ଟୋକନ ବ୍ୟବସ୍ଥା ସମ୍ପୁର୍ଣ୍ଣ ଉର୍ଚ୍ଚେଦ ନହେଲେ ସୋସାଇଟି ମାଧ୍ୟମରେ ଟୋକନ ଦେବାକୁ ବିଜେପିର ଦାବି
କନକ ବ୍ୟୁରୋ : ଚାଷୀ ସମସ୍ୟା ଓ ମଣ୍ଡି ଅବ୍ୟବସ୍ଥା ନେଇ ବିଧାନସଭାରେ ବିରୋଧୀଙ୍କ ହୋହାଲ୍ଲା ପରେ ପରେ ଆଜି ଗୃହରେ ମଣ୍ଡି ଅବ୍ୟବସ୍ଥା ନେଇ ଆଲୋଚନା ଚାଲିଛି । ମଣ୍ଡି ଅବ୍ୟବସ୍ଥା ନେଇ ରାଜ୍ୟସରକାରଙ୍କୁ ବିଜେପିର ଟାର୍ଗେଟ । ଟୋକନ ବ୍ୟବସ୍ଥା ସଂପୂର୍ଣ୍ଣ ଉଚ୍ଚେଦ ହେଉ ନହେଲେ ସୋସାଇଟି ମାଧ୍ୟମରେ ଟୋକନ ଦେବାକୁ ଦାବି କରିଛନ୍ତି । ଭୁବନେଶ୍ୱରରେ ଟୋକନ ବ୍ୟବସ୍ଥା ନିୟନ୍ତ୍ରିତ ନହେଉ । ଗୋଟିଏ କ୍ୱିଂଟାଲରେ ୧୨ କିଲୋ କଟାଯାଉଛି । ସୋସାଇଟି, ଜିଲ୍ଳାପାଳ, ରାଜ୍ୟସରକାର ଭାଗ ଏଥିରେ ରହୁଛି । ଧାନ କିଣାରେ ବ୍ୟାପକ ଦୁର୍ନିତ ହେଉଥିବା ବିଜେପି ବିଧାୟକ ଜୟନାରାୟଣ ମିଶ୍ର କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଧାନ କିଣା ପ୍ରସଙ୍ଗରେ କଂଗ୍ରେସ ଦୋହରା ନୀତି ଗ୍ରହଣ କରୁଥିବା ବିଜେଡି ବିଧାୟକ ପ୍ରତାପ ଦେବ କହିଛନ୍ତି । ଧାନ କିଣା ଟଙ୍କା କେନ୍ଦ୍ର ଦେଉନାହିଁ । ଧାନ ସବସିଡି ବାବଦକୁ ୭ ହଜାର ୩୪୮ କୋଟି ଟଙ୍କା ବାକି ଅଛି । ରାଜ୍ୟ ୧୦ ହାଜର କୋଟି ଋଣ କରିସାରିଲେଣି । ମିଲର ରାଜ୍ୟ ସରକାର ଏଜେଂଟ ନୁହଁନ୍ତି , ଏଫସିଆଇ କେନ୍ଦ୍ର ସରକାରଙ୍କ ଏଜେଂଟ । ଏଫଏକ୍ୟୁ ମାନ ନିର୍ଦ୍ଧାରଣ କଡାକଡି କରାଗଲେ ୩୦ ପ୍ରତିଶତ ଚାଷୀ ଧାନ ବିକ୍ରି କରିପାରିବେନି । ଏଫସିଆଇ ଗତ ବର୍ଷ ଲକ୍ଷ ୨୮ ମେଟ୍ରିକ ଟନ ଚାଉଳରୁ ୧୭ ଲକ୍ଷ ମେଟ୍ରିକ ଟନ ଉଠାଇଲେ ନାହିଁ । ମଣ୍ଡିକୁ ନେଇ କେବଳ ରାଜନୀତିକରଣ କରାଯାଉଛି । କିଛି ଜାଗାରେ ସମସ୍ୟା ଅଛି ଯାହା କେନ୍ଦ୍ର ପାଇ ହେଉଛି ବୋଲି କହିଛନ୍ତି ବିଜେଡି ବିଧାୟକ ପ୍ରତାପ ଦେବ ।