ମାହାଙ୍ଗା ଡବଲ ମର୍ଡର ମାମଲାର ମୁଖ୍ୟ ଅଭିଯୁକ୍ତଙ୍କ ମୃତ୍ୟୁ ଘଟଣା : ମୃତକଙ୍କ ପୁଅ ରମାକାନ୍ତଙ୍କୁ ଫୋନ କରି କ’ଣ କହିଥିଲେ ଅଭିଯୁକ୍ତ ? ଥାନାରେ ମାମଲା ରୁଜୁ
ଜଣେ ପ୍ରଭାବଶାଳୀ ଫସାଇଦେଇଥିବା ଫୋନରେ କହିଥିଲେ ଅଭିଯୁକ୍ତ
କନକ ବ୍ୟୁରୋ : ମାହାଙ୍ଗା ବ୍ଲକର ପୂର୍ବତନ ଅଧ୍ୟକ୍ଷ କୁଳମଣୀ ବରାଳଙ୍କ ପୁଅ ରମାକାନ୍ତ ବରାଳ ମାହାଙ୍ଗା ଥାନାରେ ଏକ ଏଫଆଇଆର ଦେଇଛନ୍ତି । ତାଙ୍କ ବାପାଙ୍କ ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ଥିବା ପ୍ରଫୁଲ୍ଲ ବିଶ୍ୱାଳ, ମୃତ୍ୟୁ ପୂର୍ବରୁ ତାଙ୍କୁ ଫୋନ୍ କରିଥିଲେ । ପ୍ରାୟ ୧ ମିଟର ୪୦ ସେକେଣ୍ଡ ଧରି କଣ କଥା ହୋଇଥିଲେ, ସେ ବାବଦରେ ଏହି ଏଫଆଇଆରରେ ଉଲ୍ଲେଖ କରିଛନ୍ତି ରମାକାନ୍ତ । ତାଙ୍କୁ ଫୋନ୍ କରି ପ୍ରଫୁଲ୍ଲ ବିଶ୍ୱାଳ କହିଥିଲେ ସେ କାବୁଆ କହୁଛନ୍ତି । ତାଙ୍କର ଏବଂ ତାଙ୍କ ସାନଭାଇଙ୍କ ପିଲାମାନେ ରମାକାନ୍ତଙ୍କୁ ଲାଗିଲେ ଏବଂ ଜଗନ୍ନାଥଙ୍କ ରାଣ ଖାଇ କହିଥିଲେ ଜଣେ ପ୍ରଭାବଶାଳୀ ବ୍ୟକ୍ତି ତାଙ୍କୁ ଫସାଇ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହି ପ୍ରଭାବଶାଳୀ ବ୍ୟକ୍ତିଙ୍କ ପାଇଁ ସେ ତିନି ତିନିଟି ହତ୍ୟାକାଣ୍ଡରେ ସାମିଲ ହେଲେ ବୋଲି ଫୋନ୍ କରି ରମାକାନ୍ତଙ୍କୁ ଜଣାଇଥିବା ଏଫଆଇଆରରେ ଉଲ୍ଲେଖ ରହିଛି । ଏପରିକି ଫୋନ୍ ଆସିବା ପରେ ସାଲେପୁର ଏସଡିପିଓଙ୍କୁ ତୁରନ୍ତ ଫୋନ୍ କରି ଏ ବାବଦରେ ଜଣାଇଥିଲେ ରମାକାନ୍ତ ବରାଳ । ଏସପଡିଓଙ୍କ ସହ କଥା ହେଲାବେଳେ ପୁଣି ସେହି ନଂବରରୁ ଫୋନ୍ ଆସିଥିଲା ବୋଲି ରମାକାନ୍ତ ଲେଖିଛନ୍ତି । ଏପରିକି ଫୋନ୍ ଆସିଥିବା ମୋବାଇଲ୍ ନଂବର ମଧ୍ୟ ଏଫଆଇଆରରେ ଦିଆଯାଇଛି ।