କନକ ବ୍ୟୁରୋ : ପିସି (ପର୍ସେଂଟେଜ୍) କାରବାର ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖିଲେ ବିରୋଧୀ ଦଳ ନେତା ନରସିଂହ ମିଶ୍ର । ପିସି ପ୍ରସଙ୍ଗରେ ଲୋକାୟୁକ୍ତ ଗଠନ ଦାବି କଲେ ବିରୋଧୀ ଦଳ ନେତା । ବ୍ଲକ କାର୍ଯ୍ୟାଳୟ ଦୁର୍ନୀତିର ଗନ୍ତାଘର ପାଲଟିଛି ତେବେ ସରକାର ଯଦି ଆନ୍ତରିକତାର ସହ ପିସି ବନ୍ଦ କରିବାକୁ ଚାହୁଁଥିବେ ତେବେ ତୁରନ୍ତ ଲୋକାୟୁକ୍ତ ଗଠନ କରନ୍ତୁ ବୋଲି ନରସିଂହ ମିଶ୍ର କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଲୋକାୟୁକ୍ତ ଗଠନ ପାଇଁ ରାଷ୍ଟ୍ରପତିଙ୍କ ଅନୁମୋଦନ ମିଳିଥିଲେ ବି ଦୀର୍ଘ ଦିନ ଧରି ଲୋକାୟୁକ୍ତ ଗଠନ କରାଯାଇନାହିଁ ବୋଲି ସେ ଚିଠିରେ ଉଲ୍ଲେଖ କରିଛନ୍ତି । ଏହାସହ ଲୋକାୟୁକ୍ତ ଗଠନ କରିବା ପାଇଁ ତୁରନ୍ତ ବିଜ୍ଞପ୍ତି ପ୍ରକାଶ କରନ୍ତୁ ବୋଲି ନରସିଂହ ମିଶ୍ର ଲେଖିଛନ୍ତି । ସରକାର ଏସବୁ ନକଲେ ପିସି ବନ୍ଦ ଆଦେଶ କେବଳ ଫମ୍ପା ପ୍ରଚାର ହୋଇ ରହିବ ବୋଲି ନରସିଂହ ମୁଖ୍ୟମନ୍ତ୍ରୀଙ୍କୁ ଦେଇଥିବା ଚିଠିରେ ଉଲ୍ଲେଖ କରିଛନ୍ତି ।
ଏହା ସହ ଦେଖନ୍ତୁ ଏହି ଭିଡିଓ –