କନକ ବ୍ୟୁରୋ : କଟକ ଦୋଳମୁଣ୍ଡାଇ ସ୍ଥିତ ଏକ ସୁନା ଦୋକାନରୁ ଲୁଟ୍ । ଏନେଇ କଟକ ପୁରୀଘାଟ ଥାନାରେ ଅଭିଯୋଗ ହୋଇଥିବା ବେଳେ ପୁଲିସ ତଦନ୍ତ ଆରମ୍ଭ କରିଛି । ମିଳିଥିବା ସୂଚନା ଅନୁସାରେ, ଗତକାଲି ସଂଧ୍ୟାରେ ଦୁଇ ଜଣ ଗ୍ରାହକ ଦୋକାନକୁ ଆସିଥିଲେ । ସେମାନେ ବିଭିନ୍ନ ସୁନାଗହଣା ଦେଖୁଥିବା ବେଳେ କିଛି ସମୟ ପରେ ଦୋକାନୀର ଅନ୍ୟମନସ୍କତାର ସୁଯୋଗ ନେଇ ବାହାରକୁ ଚାଲିଯାଇଥିଲେ । ପରେ ହିସାବରୁ ଦୋକାନୀ ଜାଣିପାରିଲେ ଯେ, ତାଙ୍କର ଗହଣା ଲୁଟ୍ ହୋଇଛି । ଅଭିଯୋଗ ପରେ ପୁଲିସ ତନାଘନା ଆରମ୍ଭ କରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଦୋଳମୁଣ୍ତାଇ ଛକରେ ଥିବା ଜଗନ୍ନାଥ ଜୁଏଲାରୀକୁ ଆଜି ଅପରାହ୍ନ ପ୍ରାୟ ୪ଟା ୩୦ ବେଳେ ଦୁଇ ଜଣ ଲୁଟେରା ଏକ ବାଇକରେ ଆସିଥିଲେ । ଜଣେ ବାହାରେ ଛିଡ଼ା ହୋଇଥିବାବେଳେ ଅନ୍ୟ ଜଣେ ଦୋକାନ ଭିତରକୁ ଆସିଥିଲା। ଉଭୟ ମୁହଁରେ ମାସ୍କ ପିନ୍ଧିଥିଲେ । ଦୋକାନ ଭିତରକୁ ଆସିଥିବା ଲୁଟେରା ଜଣକ ଅଳଙ୍କାର କିଣିବାକୁ କହିବାରୁ ଦୋକାନ ମାଲିକ ଡ୍ର ରୁ ଅଳଙ୍କାର କାଢ଼ି ଦେଖାଇଥିଲେ । ଏକାଧିକ ଡିଜାଇନର ଅଳଙ୍କାର ଦେଖାଇବାକୁ କହି ଦୋକାନୀଙ୍କୁ ଅନ୍ୟମନସ୍କ କରାଇଥିଲା ଲୁଟେରା । ଦୋକାନୀଙ୍କ ଅନ୍ୟମନସ୍କତାର ସୁଯୋଗ ନେଇ ଏକ ବ୍ୟାଗ୍ରେ ଥିବା ୧୫୦ ଗ୍ରାମ ଓଜନର ଅଳଙ୍କାର ଲୁଟି ନେଇଥିଲେ ।
ଦୋକାନ ମାଲିକ ଜାଣିପାରିବା ପରେ ଦୁଇ ଦୁର୍ବୃତ୍ତଙ୍କୁ ଗୋଡ଼ାଇ ଧରିବାକୁ ଉଦ୍ୟମ କରିଥିଲେ । କିନ୍ତୁ ସେମାନେ ତାଙ୍କୁ ଧକ୍କା ମାରି ଝୋଲାସାହି ଆଡ଼କୁ ଫେରାର ହୋଇଯାଇଥିଲେ । ମୁହଁରେ ମାସ୍କ ପିନ୍ଧିଥିବାରୁ ଚେହେରା ସ୍ପଷ୍ଟ ହେଉନଥିବା ବେଳେ ସେମାନଙ୍କ ବୟସ ୩୦ ପାଖାପାଖି ହେବ ବୋଲି ପୁଲିସ ଅନୁମାନ କରୁଛି । ଦୋଳମୁଣ୍ତାଇ ଭଳି ଜନଗହଳିପୂର୍ଣ୍ଣ ଅଞ୍ଚଳରେ ଏଭଳି ଢ˚ଗରେ ଅଳଙ୍କାର ଦୋକାନରୁ ଲୁଟ୍ ଘଟଣା ସାଧାରଣ ଲୋକଙ୍କୁ ଚକିତ କରିଛି ।