ପୁଣି ଏଲଏ ସି ବିବାଦ: ଭାରତ ଅଧିକୃତ ଡେମଚୋକରେ ଚୀନର ଟେଂଟ, ଆଦେଶ ପରେ ବି ଓହରିବାକୁ ନାରାଜ୍
କନକ ବ୍ୟୁରୋ : ଭାରତ ସୀମା ମଧ୍ୟରେ ଥିବା ଡେମଚୋକରେ ପୁଣି ଅନୁପ୍ରବେଶ କରିଛି ଚୀନ୍ । ଭାରତୀୟ ସେନାର ସୂଚନା ମୁତାବକ, ପୂର୍ବ ଲଦ୍ଦାଖର ଡେମଚୋକ୍ ଚାରଡୋଙ୍ଗ୍ ପାଖରେ ଚୀନ ସେନା ଟେଂଟ ଲଗାଇଛି । ଟେଂଟରେ ରହୁଥିବା ଲୋକେ ଚୀନର ନାଗରିକ ବୋଲି ଜାଣିବା ପରେ ସେ ସ୍ଥାନ ଛାଡି ଚାଲିଯିବାକୁ ନିର୍ଦ୍ଦେଶ ଦିଆଯାଇଥିଲେ ବି ସେମାନେ ଓହରିନଥିବା ସେନାଧିକାରୀଙ୍କ ପକ୍ଷରୁ କୁହାଯାଇଛି । ସୂଚନା ମୁତାବକ, ଏହା ପୂର୍ବରୁ ୧୯୯୦ଦଶକରେ ଚୀନ ଅନେକ ଥର ଡେମଚୋକକୁ ଅନୁପ୍ରବେଶ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ଏନେଇ ଦୁଇ ଦେଶ ମଧ୍ୟରେ ‘ଜଏଂଟ ୱାର୍କିଙ୍ଗ ଗ୍ରୁପ’ବୈଠକରେ ୧୦ଟି ସ୍ଥାନରେ ସୀମା ନିର୍ଦ୍ଧାରଣ କରାଯାଇଥିଲେ ହେଁ ଚୀନ ଏହି ନିୟମକୁ ବାରମ୍ବାର ଭାଙ୍ଗୁଛି । ଏନେି ଭାରତ ଅଭିଯୋଗ କରିବା ପରେ ବରିଷ୍ଠ କର୍ମଣ୍ଡର ସ୍ତରୀୟ ଏକ ବୈଠକ ସୋମାବାର କରିବାକୁ ଚୀନ ପ୍ରତିରକ୍ଷା ବିଭାଗ ପକ୍ଷରୁ କୁହାଯାଇଥିଲେ ବି ବିଜୟ ଦିବସ ଥିବାରୁ ବୈଠକକୁ ସ୍ଥଗିତ ରଖିଛି ଭାରତ । ଅନ୍ୟପଟେ ପୂର୍ବରୁ ଦୁଇ ଦେଶ ମଧ୍ୟରେ ଥିବା ବିବାଦୀୟ ପଏଂଟ ଗୁଡିକୁ ମୁକ୍ତ କରାଯିବା ପରେ ହିଁ ଭାରତ ଏ ସମ୍ପର୍କରେ ଅଲୋଚନା କରିବା ବୋଲି ପ୍ରତିରକ୍ଷା ଅଧିକାରୀ ସୂଚନା ଦେଇଛନ୍ତି ।