କନକ ବ୍ୟୁରୋ: ଦିନେ ଗୋଲାପ ଫୁଲ ଚାଷ କରି ସଫଳ ଚାଷୀ ଭାବେ ପାଲଟି ଯାଇଥିଲେ ରୋଜ ବୟ । ତେବେ ବ୍ୟବସାୟ ଠିକ୍ଠାକ୍ ଚାଲିଥିଲା ହଠାତ କରୋନା ସବୁ ବିଗାଡି ଦେଲା । ରୁଣ ଭାର ଓ ପରିବାର ପ୍ରତିପୋଷଣ ପାଇଁ ପୁଣି ଥରେ ଉଜୁଡି ଯାଇଥିବା ଚାଷକୁ ନୁଆ ଜିବନ ଦେଇଛନ୍ତି ସମ୍ବଲପୁର କୁଚିଣ୍ଡା ଉପଖଣ୍ଡ ବାମରା ବ୍ଲକର ସୌଭାଗ୍ୟ ନାଏକ । ଫୁଲ ପରିବର୍ତେ ପନି ପରିବା ଚାଷ କରି ବେଶ ସଫଳତା ଅର୍ଜନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସିମଲା ଲଙ୍କା.. ତଥା କ୍ୟାପ୍ସିକମ୍ ଚାଷ କରି ସଫଳ ହୋଇଛନ୍ତି ସମ୍ବଲପୁର ନିକ୍ତିମାଲ ଗାଁର ଚାଷୀ ସୋଭାଗ୍ୟ ନାୟକ । ଖାଲି ସିମଲା ଲଙ୍କା ନୁହେଁ ତାଙ୍କ ପଲିହାଉସରେ ତରଭୁଜ, କାକୁଡ଼ି ଚାଷ ମଧ୍ୟ ହୋଇଛି । ଦୁଇ ବର୍ଷ ପୁର୍ବେ ବ୍ୟାଙ୍କରୁ ଲୋନ କରି ପଲ୍ଲୀ ହାଉସ ମାଧ୍ୟମରେ ଗୋଲାପ ଫୁଲ ଚାଷ କରିଥିଲେ । ବ୍ୟବସାୟ ଠିକ ଠାକ ଚାଲିଥିଲା । ତେବେ ହଠାତ କରୋନା ସବୁକିଛି ବିଗାଡି ଦେଲା । ଗାଡି ମଟର ବନ୍ଦ ହୋଇଯିବା ଫଳରେ ଫୁଲ ବ୍ୟବସାୟ ବନ୍ଦ ହୋଇଗଲା । ରୁଣଭାର ଓ ପରିବାର ପ୍ରତିପୋଷଣର ବୋଝ ତାଙ୍କୁ ବ୍ୟତିବ୍ୟସ୍ତ କରିପକାଇଥିଲା । ଶେଷରେ ଚିନ୍ତା କଲେ ହାରିନଯାଇ ସେଇ ପଲ୍ଲୀ ହାଉସରେ ପନି ପରିବା ଚାଷ କରିବେ । ଦୁଇ ଏକର ପରିମିତ ଯାଗାରେ ଏବେ ଶିମଲା ଲଙ୍କା ଚାଷ କରି ବେଶ ଲାଭବାନ ହୋଇଛନ୍ତି । ପ୍ରତିନଦିନ କ୍ୱିଟାଂଲ କ୍ୱିଟାଂଲ ଶିମଲା ଲଙ୍କା ଉତ୍ପାଦନ କରି ଅଂଚଳରେ ବେଶ ଖ୍ୟାତିଲାଭ କରିଛନ୍ତି ।
ଗଛ ଗୁଡ଼ିକ ଦେଖିବାକୁ ଯେତିକି ସୁନ୍ଦର ହୋଇଛି ଫଳ ମଧ୍ୟ ସେଇଭଳି ଫଳିଛି । ଶିମଲା ଲଙ୍କା ସହିତ କାକୁଡି, ତରଭୁଜ ମଧ୍ୟ ଚାଷ ହୋଇଛି ତାଙ୍କୁ ଖୁବ୍ ଲାଭବନ କରୁଛି । ନିଜେ ପରିଶ୍ରମ କରିବା ସହ ବଗିଚାରେ କାମ କରିବା ପାଇଁ ୧୦ ଜଣ ଲୋକଙ୍କୁ ମଧ୍ୟ ନିଯୁକ୍ତି ଦେଇଛନ୍ତି । ବାଡିରୁ ଉତ୍ପାଦିତ ହେଉଥିବା ପନିପରିବା ଗୁଡ଼ିକୁ ବ୍ୟବସାୟୀ ମାନେ ଆସି କିଣିନେଉଥିବା ବେଳେ ଏହାକୁ ବିକ୍ରୟ କରି ବେଶ ଲାଭବାନ ହେଉଛନ୍ତି ସଫଳ ଚାଷୀ ସୋଭାଗ୍ୟ ।
କଥାରେ ଅଛି କଠନ ପରିଶ୍ରମ ହିଁ ସଫଳତା ଆଣି ଦେଇଥାଏ । ଆଉ ଏହି କଥା ବାସ୍ତବରେ ପରିଣତ କରିଛନ୍ତି ସମ୍ବଲପୁର ଅଂଚଳର ସଫଳ ଚାଷୀ ସୋଭାଗ୍ୟ ନାଏକ । ସିମଲା ଲଙ୍କା ଚାଷ କରି ମାସିକ ଲକ୍ଷାଧିକ ଟଙ୍କା ଆୟ କରୁଥିବା ବେଳେ ଅନ୍ୟ ମାନଙ୍କ ପାଇଁ ସାଜିଛନ୍ତି ଉଦାହରଣ ।