କରୋନା ଟିକା ନେଲେ ଆମେରିକାର ନବ ନିର୍ବାଚିତ ରାଷ୍ଟ୍ରପତି : ଫାଇଜର ଦ୍ୱାରା ପ୍ରସ୍ତୁତ ଟିକା ନେଲେ ୭୮ ବର୍ଷୀୟ ଜୋ ବାଇଡେନ
କହିଲେ, କାର୍ଯ୍ୟଭାର ଗ୍ରହଣ କରିବା ପରେ କରୋନା ବିରୋଧରେ ଲଢ଼େଇ ରହିବ ପ୍ରାଥମିକତା
କନକ ବ୍ୟୁରୋ : କରୋନା ଟିକା ନେଲେ ଆମେରିକାର ନବ ନିର୍ବାଚିତ ରାଷ୍ଟ୍ରପତି ଜୋ ବାଇଡେନ୍ । ଫାଇଜର ଦ୍ୱାରା ପ୍ରସ୍ତୁତ ଟିକା ନେଇଛନ୍ତି ୭୮ ବର୍ଷୀୟ ବାଇଡେନ । ନୂଆବର୍ଷରୁ ଆମେରିକାରେ ବ୍ୟାପକ ଟିକାକରଣ ପାଇଁ ଯୋଜନା ରହିଛି । ଲୋକଙ୍କ ମନରେ ଟିକା ପ୍ରତି ବିଶ୍ୱାସ ବଢ଼ାଇବାକୁ ବାଇଡେନ ନିଜେ ଟିକା ଗ୍ରହଣ କରିଥିବା କହିଛନ୍ତି । ବାଇଡେନଙ୍କ ସହ ତାଙ୍କ ପତ୍ନୀ ଜିଲ ମଧ୍ୟ ଟିକା ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜାନୁଆରୀ ୨୦ରେ ରାଷ୍ଟ୍ରପତି ଭାବେ କାର୍ଯ୍ୟଭାର ଗ୍ରହଣ କରିବା ପରେ, କରୋନା ବିରୋଧରେ ଲଢ଼ିବା ପ୍ରଥମ ଗୁରୁତ୍ୱ ହେବ ବୋଲି ବାଇଡେନ କହିସାରିଛନ୍ତି । କରୋନାରେ ଆମେରିକା ସବୁଠୁ ପ୍ରଭାବିତ ହୋଇଛି । ଏଠାରେ ପ୍ରାୟ ଏକ କୋଟି ୭୫ ଲକ୍ଷ ଲୋକ ସଂକ୍ରମଣର ଶୀକାର ହୋଇଥିବା ବେଳେ କରୋନା ୩ ଲକ୍ଷ ୧୫ ହଜାରରୁ ଅଧିକ ଜୀବନ ନେଇ ସାରିଛି ।