ଋଷର ମସ୍କୋରେ ଭାରତର ପ୍ରଥମ ଉର୍ଜା କାର୍ଯ୍ୟାଳୟ ଉଦଘାଟିତ । ଋଷର ରୋଜନେଫ୍ଟ ଭାରତରେ ୧୩ ବିଲିୟନ ଡଲାର କରିଛି ପୁଞ୍ଜିନିବେଶ ।
କନକ ବ୍ୟୁରୋ: ମସ୍କୋରେ ଉଦଘାଟିତ ହେଲା ଭାରତର ପ୍ରଥମ ଉର୍ଜା କାର୍ଯ୍ୟାଳୟ । ସୋମବାର କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପ୍ରଚେଷ୍ଟାରେ ପେଟ୍ରୋଲିୟମ ମନ୍ତ୍ରଣାଳୟର ସଚିବ ଓ ଋଷର ଡେପୁଟି ଉର୍ଜା ମନ୍ତ୍ରୀଙ୍କ ଦ୍ୱାରା ଏହା ଉଦଘାଟିତ ହୋଇଛି । ତୈଳ ରାଷ୍ଟ୍ର୍ାୟତ୍ତ ଉଦ୍ୟୋଗ ଯଥା ଇଣ୍ଡିଆନ୍ ଅଏଲ୍, ଓଏନଜିସି ବିଦେଶ, ଗେଲ୍ , ଅଏଲ ଇଣ୍ଡିଆ ଏବଂ ନବରତ୍ନ କମ୍ପାନି ଇଆଇଲର ମିଳିତ ସହଯୋଗରେ ଏହି ଉର୍ଜା କାର୍ଯ୍ୟାଳୟ ପ୍ରତିଷ୍ଠା କରାଯାଇଛି । ପ୍ରତ୍ୟେକ ରାଷ୍ଟ୍ରାୟତ୍ତଉଦ୍ୟୋଗ ବ୍ୟବସାୟିତ ସୁଯୋଗ ପାଇବା ପାଇଁ କାର୍ଯ୍ୟ କରିବା ନିମନ୍ତେ ମସ୍କୋରେ ଜଣେ ଲେଖାଏଁ ବରିଷ୍ଠ ଅଧିକାରୀଙ୍କୁ ନିଯୁକ୍ତ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମସ୍କୋରେ ଉର୍ଜା କାର୍ଯ୍ୟାଳୟ ସ୍ଥାପନ କରିବା ପାଇଁ ପ୍ରଥମ ଗୁରୁତ୍ୱାରୋପ କରିଥିଲେ । ଋଷର ବିଶାଲ ଉର୍ଜା କ୍ଷେତ୍ରରେ ଅଧିକ ସୁଯୋଗର ଅନ୍ୱେଷଣ ଯଥା, ଭାରତୀୟ ପ୍ରକଳ୍ପରେ ପୁଞ୍ଜିନିବେଶ ମିଳିବା. ପ୍ରଯୁକ୍ତି ବିଦ୍ୟାରେ ସହଯୋଗୀ ହେବା, ଦେଶର ଦକ୍ଷତାପୂର୍ଣ୍ଣ ମାନବ ସମ୍ବଳକାମ କରିବାର ସୁଯୋଗ ପାଇପାରିବା ଏହି କାର୍ୟ୍ୟାଳୟର ଲକ୍ଷ୍ୟ ଥିଲା । ମଙ୍ଗୋଲିଆରେ ଏକ ବିଶୋଧନାଗାର ନିର୍ମାଣ କରୁଥିବା ଇଆଇଏଲ ମଧ୍ୟ ଋଷରେ ଅନୁରୂପ ଭାବେ ପ୍ରକଳ୍ପ ପାଇବାର ସୁଯୋଗ ଲକ୍ଷ୍ୟରେ ଏହି କାର୍ୟ୍ୟାଳୟ ପ୍ରତିଷ୍ଠା କରିବା ଉପରେ ଗୁରୁତ୍ବ ଦିଆଯାଇଥିଲା ।
ଏହି ଉଦଘାଟନୀ କାର୍ୟ୍ୟକ୍ରମରେ ଋଷର ଭାରତୀୟ ରାଷ୍ଟ୍ରଦୂତ ଭାରତ-ଋଷ ମଧ୍ୟରେ ଦ୍ବିପାକ୍ଷିକ ଉର୍ଜା ସମ୍ପର୍କକୁ ମଜଭୁତ କରିବା ଉପରେ ପ୍ରଧାନମନ୍ତ୍ରୀ ମୋଦିଙ୍କ ଗୁରୁତ୍ୱକୁ କହିବା ସହ ସେପ୍ଟେମ୍ବରରେ ଭ୍ଲାଡିଭୋଷ୍ଟୋକ ଗ୍ରସ୍ତ ସମୟରେ ପ୍ରଧାନମନ୍ତ୍ରୀ ଦେଇଥିବା ନିର୍ଦ୍ଦେଶାନୁସାରେ ରୋଡମ୍ୟାପ୍ ତିଆରି ହେବା ଉଫରେ ନିଜର ମତ ରଖିଥିଲେ । ଋଷର ଏହି ଭାରତୀୟ ରାଷ୍ଟ୍ରଦୂତ ଋଷ ସହିତ ଉର୍ଜା ସହଯୋଗକୁ ପରିଚାଳନା କରିବା, ଉର୍ଜା କାର୍ୟ୍ୟାଳୟ ସ୍ଥାପନ କରିବାର ଆଇଡିଆ ଏବଂ ରେକର୍ଡ ସମୟରେ କାର୍ୟ୍ୟାଳୟ ଖୋଲିବାକୁ ଦୃଢ଼ ସହଯୋଗ ଦେଇଥିବାରୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଧନ୍ୟବାଦ ଦେଇଥିଲେ ।
ବିଗତ ୫ ବର୍ଷ ଭିତରେ ଭାରତର ତୈଳ ରାଷ୍ଟ୍ରାୟତ୍ତ ଉଦ୍ୟୋଗ ତୈଳ କ୍ଷେତ୍ରରେ ଆମେରିକୀୟ ଟଙ୍କାରେ ୫.୫ ବିଲିୟନ ଡଲାର ପୁଞ୍ଜିନିବେଶ କରିଥିବାବେଳେ ଋଷ କମ୍ପାନି ରୋଜନେଫ୍ଟ ଭାରତରେ ୧୩ ବିଲିୟନ ଡଲାର ପୁଞ୍ଜିନିବେଶ କରିଛି । ବିଶେଷ ଭାବେ ଭାରତର ସର୍ବବୃହତ ବିଦେଶୀ ପ୍ରତ୍ୟେକ୍ଷ ବିନିଯୋଗ ହୋଇଥିବା ଏସାର ରିଫାଇନାରୀକୁ ଭାରତକୁ ଆଣିବାକୁ ଅଧିକ ପୁଞ୍ଜିନିବେଶ କରିଛି ରୋଜନେଫ୍ଟ । ସୂଚନାଯୋଗ୍ୟ ଯେ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଭାରତ ଏବଂ ଋଷ ମଧ୍ୟରେ ତୈଳ, ଗ୍ୟାସ ଏବଂ ଇସ୍ପାତ ଦ୍ୱି-ପାକ୍ଷିକ ସହଯୋଗ ନିମନ୍ତେ ୨୦୧୯ ମସିହା ଅଗଷ୍ଟ ମାସରେ ଏବଂ ୨୦୨୦ ମସିହା ଅକ୍ଟୋବର ମାସରେ ଋଷ ଗ୍ରସ୍ତ କରିଥିଲେ ।