କରୋନା ମହାମାରୀ ବେଳେ ବିଗିଡିଥିବା ଅର୍ଥନୀତି, ଗରିବ ଦେଶ ମାନଙ୍କୁ ଟିକା ଉପଲବ୍ଧ କରାଇବା ନେଇ ହୋଇପାରେ ଆଲୋଚନା । ଅତିଥି ଭାବେ ଭାରତକୁ ନିମନ୍ତ୍ରଣ
କନକ ବ୍ରୁରୋ : ଶୁକ୍ରବାର ବ୍ରିଟେନ ପ୍ରଧାନମନ୍ତ୍ରୀ ବୋରିସ୍ ଜନସନଙ୍କ ଅଧ୍ୟକ୍ଷତାରେ ଜି-୭ ର ଭର୍ଚୁଆଲ ବୈଠକ ଅନୁଷ୍ଠିତ ହେବ । ଆସନ୍ତା ଜୁନ୍ ରେ ହେବାକୁ ଥିବା ଜି-୭ ବୈଠକରେ ଏହା ଏକ ଅଂଶ ବୋଲି କୁହାଯାଉଛି । ଏହି ବୈଠକରେ ଆମେରିକାର ରାଷ୍ଟ୍ରପତି ଜୋ-ବାଇଡେନ, ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସାମିଲ ହେବେ ବୋଲି ସୂଚନା ମିଳିଛି । ଏହି ବୈଠକରେ କରୋନା ମହାମାରୀ ବେଳେ ବିଶ୍ୱ ଅର୍ଥନୀତିର ସ୍ଥିତି, ଟିକା ଓ ବିଶ୍ୱ ସ୍ୱାସ୍ଥ୍ୟ ସଂଗଠନ ମାଧ୍ୟମରେ ଅବିକଶିତ ରାଷ୍ଟ୍ର ମାନଙ୍କୁ ଟିକା ଉପଲବ୍ଧ କରାଇବା ନେଇ ଆଲୋଚନା ହୋଇପାରେ ।
Kanak News is now on WhatsApp
Join and get latest news updates delivered to you via WhatsApp
ବିଶେଷ କରି କରୋନା ମହାମାରୀ ସମୟରେ ବିଶ୍ୱ ଅର୍ଥନୀତିର ବର୍ତ୍ତମାନ ସ୍ଥିତି ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଲୋଚନା କରିପାରନ୍ତି । ଏହି ବୈଠକରେ ଭାରତକୁ ଅତିଥି ଭାବେ ନିମନ୍ତ୍ରଣ କରାଯାଇଥିବା ବେଳେ ବିଶ୍ୱର ୭ ସମୃଦ୍ଧ ଦେଶର ଏହି ଗୋଷ୍ଠୀରୁ ଚୀନକୁ ବାଦ ଦିଆଯାଇଛି ।
ସେପଟେ ଏହି ବୈଠକରେ ଚୀନକୁ ସାମିଲ କରାଯାଇ ନ ଥିଲେ ବି ଏହି ବୈଠକ ଉପରେ ଚୀନ କଡା ନଜର ରଖିବ ବୋଲି ଆଶା କରାଯାଉଛି । କାରଣ ଦକ୍ଷିଣ ଚୀନ ସାଗର, ତାଇୱାନ ଓ ହଂକଂ ପ୍ରସଙ୍ଗରେ ଆମେରିକା ଓ ୟୁରୋପୀୟ ସଂଘ ସହ ବେଜିଂର ଉତ୍ତେଜନା ଲାଗି ରହିଛି । ଏହାସହ ଅତିଥି ଭାବେ ଆମନ୍ତ୍ରିତ ହୋଇଥିବା ଭାରତ ସହ ବି ଚୀନର ସୀମା ବିବାଦ ଚରମ ସୀମାରେ ରହିଛି ।