ଭଦ୍ରକରେ ପୁଣି ୪ କରୋନା ଆକ୍ରାନ୍ତ ଚିହ୍ନଟ । ସମସ୍ତ ପଜିଟିଭ୍ ପୁରୁଷ ଥିବାବେଳେ ପଶ୍ଚିମବଙ୍ଗ ଫେରନ୍ତା ବୋଲି ସ୍ପଷ୍ଟ କଲେ ସରକାର । ରାଜ୍ୟରେ ୯୪, ଭଦ୍ରକରେ ୧୬ ଛୁଇଁଲା ଆକ୍ରାନ୍ତଙ୍କ ସଂଖ୍ୟା ।
କନକ ବ୍ୟୁରୋ: ରାଜ୍ୟରେ ଆଉ ୪ ନୂଆ କରୋନା ପଜିଟିଭ ଚିହ୍ନଟ । ଏହି ୪ କରୋନା ଆକ୍ରାନ୍ତ ଭଦ୍ରକ ଜିଲ୍ଲାର ହୋଇଥିବାବେଳେ ୪ ଜଣ ପୁରୁଷ ରହିଛନ୍ତି । ତେବେ ଏହି ଆକ୍ରାନ୍ତଙ୍କ ବୟସ ୪୦ ବର୍ଷ, ୨୯ ବର୍ଷ ୪୧ ବର୍ଷ ଏବଂ ୨୪ ବର୍ଷ ହୋଇଥିବା ସରକାର ସ୍ପଷ୍ଟ କରିଛନ୍ତି । ଆଉ ସବୁଠାରୁ ବଡ଼ କଥା ହେଲା ୪ ଆକ୍ରାନ୍ତଙ୍କ ମଧ୍ୟରୁ ଦୁଇ ଜଣଙ୍କ ଘର ତିହିଡ଼ି ଓ ଅନ୍ୟ ଦୁଇଜଣଙ୍କ ଘର ଧାମନଗର ଅଞ୍ଚଳର ଜଣାପଡ଼ିଛି । ତେବେ ସମସ୍ତ ଆକ୍ରାନ୍ତ ପଶ୍ଚିମବଙ୍ଗ ଫେରନ୍ତା ବୋଲି ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ଟ୍ୱିଟ୍ କରି ସ୍ପଷ୍ଟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
2nd Health Update, 24th April, 2020
Four New Positive Cases in Bhadrak
40 Yrs Male, 29 Yrs Male, 41 Yrs Male & 24 Yrs Male
Two each from Tihidi and Dhamnagar Blocks.
(All West Bengal Returnees)
Contact tracing and followup action is being done.
Total Positive Cases: 94
— I & PR Department, Odisha (@IPR_Odisha) April 24, 2020
ଅନ୍ୟପଟେ ପୂର୍ବରୁ ଆଜି ସକାଳେ ଭଦ୍ରକରୁ ଜଣେ କରୋନା ପଜିଟିଭ୍ ଚିହ୍ନଟ ହୋଇଥିଲେ ବର୍ତ୍ତମାନ ଏହି ନୂଆ ୪ ଆକ୍ରାନ୍ତଙ୍କୁ ମିଶାଇ ଭଦ୍ରକରେ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୧୬ରେ ପହଁଚିଛି । ଅନ୍ୟପଟେ ରାଜ୍ୟରେ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୯୪କୁ ଛୁଇଁଛି । ତେବେ ଏହି ୪ ନୂଆ କରୋନା ଆକ୍ରାନ୍ତଙ୍କ କନଟାକ୍ଟ ଟ୍ରେସିଂ ପ୍ରକ୍ରିୟା ଆରମ୍ଭ ହୋଇଛି । ବର୍ତ୍ତମାନ ସୁଦ୍ଧା ସକ୍ରିୟ ସଂକ୍ରମିତଙ୍କ ସଂଖ୍ୟା ୬୦ ରହିଥିବା ବେଳେ ୩୩ ଜଣ ଭାଇରସ୍ ସଂକ୍ରମଣରୁ ସୁସ୍ଥ ହୋଇଛନ୍ତି ଏବଂ ଜଣଙ୍କର ମୃତ୍ୟୁ ହୋଇଛି ।