ବେଆଇନ ଅର୍ଥ କାରବାର ମାମଲା । ମହାରାଷ୍ଟ୍ର ପୂର୍ବତନ ଗୃହମନ୍ତ୍ରୀଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟର ନୋଟିସ । ୨ ସହଯୋଗୀ ଗିରଫ୍
କନକ ବ୍ୟୁରୋ : ୧୦୦ କୋଟି ଟଙ୍କା ଲାଞ୍ଚ ମାମଲାରେ ଅଭିଯୁକ୍ତ ମହାରାଷ୍ଟ୍ରର ପୂର୍ବତନ ଗୃହମନ୍ତ୍ରୀ ଅନୀଲ ଦେଶମୁଖଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ନୋଟିସ କରିବା ସହ ଶନିବାର ଦିନ ଯାଂଚ ଏଜେନ୍ସି ନିକଟରେ ହାଜର ହେବାକୁ ନିର୍ଦ୍ଦେଶ ଦେଇଥିଲେ । ହେଲେ ଆଜି ଦେଶମୁଖଙ୍କ ଓକିଲ ଇଡିରେ ହାଜର ହୋଇ ତାରିଖ ମାଗିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଏହି ମାମଲାରେ ଇଡି ଶୁକ୍ରବାର ରାତିରେ ଦେଶମୁଖଙ୍କ ବ୍ୟକ୍ତିଗତ ସଚିବ ସଞ୍ଜୀବ ପଲାଣ୍ଡ ଓ ସହାୟକ କୁନ୍ଦନ ସିନ୍ଦେଙ୍କୁ ଗିରଫ୍ କରିଛି । ଏହା ପୂର୍ବରୁ ଇଡି ଦେଶମୁଖଙ୍କ ମୁମ୍ବାଇ ଓ ନାଗପୁର ସ୍ଥିତ ଦେଶମୁଖଙ୍କ ବାସଭବନରେ ଚଢାଉ କରିଥିଲା । ଏହାପରେ ଇଡି ପକ୍ଷରୁ ପଲାଣ୍ଡ ଓ ସିନ୍ଦେଙ୍କୁ ଇଡି କାର୍ଯ୍ୟାଳୟକୁ ନିଆଯାଇଥିଲା । ସେମାନଙ୍କୁ ଆଜି ମୁମ୍ବାଇର ସ୍ୱତନ୍ତ୍ର ପିଏମଏଲଏ କୋର୍ଟରେ ହାଜର କରାଯିବ । ସେଠାରେ ସେମାନଙ୍କୁ ରିମାଣ୍ଡରେ ନେବାକୁ ଇଡି କୋର୍ଟଙ୍କୁ ଅନୁମତି ମାଗିବ ।
Mumbai: Lawyers of ex-Maharashtra Home Minister Anil Deshmukh reach Enforcement Directorate office with an application, seeking some other date for his appearance before the agency.
He was summoned by ED today for questioning in connection with an alleged money laundering case. pic.twitter.com/4Wdtluz2oN
— ANI (@ANI) June 26, 2021
କହିରଖୁ କି ମୁମ୍ବାଇର ପୂର୍ବତନ ପୋଲିସ ଆୟୁକ୍ତ ପରମବୀର ସିଂ ଦେଶମୁଖଙ୍କ ବିରୋଧରେ ଲାଂଚ ନେଇଥିବା ଅଭିଯୋଗ କରିଥିଲେ । ଏହାକୁ ନେଇ କୋର୍ଟ ଏବାବଦରେ ଯାଂଚ କରିବାକୁ ଯାଂଚ ଏଜେନ୍ସିକୁ ନିର୍ଦ୍ଦେଶ ଦେଇଥିଲେ । ଏଭଳି ଅଭିଯୋଗ ଆସିବା ପରେ ଏପ୍ରିଲ ମାସରେ ଅନୀଲ ଦେଶମୁଖ ମହାରାଷ୍ଟ୍ର ଗୃହମନ୍ତ୍ରୀ ପଦରୁ ଇସ୍ତଫା ଦେଇଥିଲେ ।
ଆଣ୍ଟିଲିଆରେ ଜିଲୋଟିନ ଷ୍ଟିକ ରଖିବା ମାମଲାରେ ସଚିନ ବାଜେଙ୍କ ନାମ ଆସିବା ପରେ ମୁମ୍ବାଇର ପୂର୍ବତନ ପୋଲିସ ଆୟୁକ୍ତ ପରମବୀର ସିଂଙ୍କୁ ସେବା ନିବୃତ୍ତ କରାଯାଇଥିଲା । ଏହାପରେ ଶ୍ରୀ ସିଂ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଚିଠି ଲେଖି ଦେଶମୁଖଙ୍କ ନାମରେ ଅଭିଯୋଗ କରିଥିଲେ । ସେ ଚିଠିରେ ଲେଖିଥିଲେ କି ଦେଶମୁଖ ବାଜେଙ୍କୁ ମୁମ୍ବାଇର ରେଷ୍ଟୁରାଣ୍ଟ ଓ ବାରରୁ ମାସିକ ୧୦୦ କୋଟି ଟଙ୍କା ଅସୁଲ କରି ତାଙ୍କୁ ଦେବାକୁ ଦେଶମୁଖ ଚାପ ପକାଉଥିଲେ ।