ସାରା ରାଜ୍ୟରେ ଅନ୍ନଦାତାଙ୍କ ଉପେକ୍ଷାର ସାଘାଂତିକ ଅଭିଯୋଗ । ୧୨ ଦିନିଆ ଟୋକନ ଅବଧି ପାଇଁ ବ୍ରିକି ହୋଇ ପାରିଲାନି ରବି ଧାନ । ମଣ୍ଡିରେ ଓ ଘରେ ପଡ଼ି ହୋଇଗଲାଣି ଗଜା
କନକ ବ୍ୟୁରୋ: ମଣ୍ଡିରେ ପଡି ରହିଛି ବସ୍ତା ବସ୍ତା ଧାନ । ହେଲେ ଧାନ କିଣିବାକୁ କେହି ଆସୁ ନାହାନ୍ତି । କଳାହାଣ୍ଡି ଜିଲ୍ଲା ଜୁନାଗଡ ବ୍ଲକ ଦାସୀ ଗାଁ ମଣ୍ଡିରେ ୧୦୭ ଚାଷୀଙ୍କ ପ୍ରାୟ ୮ ହଜାର ୩ଶହ ୮୮ କ୍ୱିଂଟାଲ ଧାନ ବିକ୍ରି ହୋଇନପାରି ମଣ୍ଡିରେ ପଡି ରହିଛି । ଅଧାରୁ ଅଧିକ ଚାଷୀଙ୍କ ଟୋକନ ଲ୍ୟାପ୍ସ ହୋଇଥିବା ବେଳେ ବହୁ ଚାଷୀଙ୍କ ପଞ୍ଜିକରଣ ହିସାବରେ ଟୋକନ ଆସିନାହିଁ । ଫଳରେ ଧାନ ବିକ୍ରି କରିପାରୁ ନାହାନ୍ତି ଦାସୀ ଗାଁ ଅଂଚଳର ଚାଷୀ । ଏନେଇ ଜିଲ୍ଲା ପ୍ରଶାସନକୁ ଜଣାଇଥିଲେ ମଧ୍ୟ କେହି ଶୁଣୁନଥିବା ଅଭିଯୋଗ କରିଛନ୍ତି ଚାଷୀ
Kanak News is now on WhatsApp
Join and get latest news updates delivered to you via WhatsApp
ସେହିପରି କୋରାପୁଟ ଜିଲ୍ଲାରେ ମଧ୍ୟ ଏଭଳି ଅବ୍ୟସ୍ଥା ଦେଖିବାକୁ ମିଳିଛି । ଗଦା ହୋଇ ପଡିଛି ଶହ ଶହ କ୍ୱିଟାଂଲ ଧାନ । କେତେକ ଖୋଲା ମେଲାରେ ବର୍ଷାରେ ଭିଜୁଛି, ତ ଆଉ କେତେକ ପଲିଥିନ ଛାତ ତଳେ ଗଦା ହୋଇ ରହିଛି । ଚାଷୀ ଘରେ ଧାନ ଗଦା କରି ରଖିଛି । ରବି ଧାନ ବିକ୍ରି ପାଇଁ ଟୋକନ ଜାରି କଲେ ସରକାର । ଜିଲ୍ଲା ଯୋଗାଣ ବିଭାଗ ଧାନ କିଣିବା କଥା । ହେଲେ ଉଭୟଙ୍କ ଭିତରେ ତାଳମେଳର ଅଭାବରୁ କେବଳ ହୀନସ୍ତା ହେଉଛନ୍ତି ଅନ୍ନଦାତା ।
ସେହିପରି ଗତ ୨୩ ତାରିଖରୁ ସମ୍ବଲପୁର ଜିଲ୍ଲାରେ ବନ୍ଦ ହୋଇଯାଇଛି ମଣ୍ଡି । ଏପଟେ କିନ୍ତୁ ମଣ୍ଡିରେ କିମ୍ବା ଘରେ ଗଦା ହୋଇ ରହିଛି ଚାଷୀର ଧାନ । ଏ ହେଉଛି ଜିଲ୍ଲାର ପରମାଣପୁର, ତବଲା ଓ ଶେରସୁଆଁତଳ ଅଂଚଳରେ ଥିବା ବିଭିନ୍ନ ଗାଁର ଚିତ୍ର । ବିକ୍ରି ହୋଇନପାରି ଚଳିତ ରବୁ ରୁତୁର ଧାନ ଘରେ ପଡି ରହିଥିବାବେଳେ ମଣ୍ଡିରେ ମଧ୍ୟ ଗଦା ହୋଇଛି ।
ସେହିପରି ବରଗଡରେ ମଧ୍ୟ ବିଭିନ୍ନ ସମସ୍ୟା ଯୋଗୁଁ ମଣ୍ଡିରେ ଧାନ ପଡିରହିଛି । ମୋସୁମୀ ବର୍ଷାରେ ଧାନସବୁ ପଡି ପଡି ଗଜା ହୋଇଗଲାଣି । ଧାନ ଉଠାଇବା ଦାବିରେ ବିଭିନ୍ନ ସମୟରେ ଚାଷୀ ଆନ୍ଦୋଳନକୁ ଓହ୍ଲାଇଛନ୍ତି । ସରକାର ଓ ପ୍ରାଶାସନିକ କଳ ପ୍ରତିଶ୍ରୁତି ପରେ ପ୍ରତିଶ୍ରୁତି ଦେଉଛନ୍ତି । ହେଲେ ତାହା କାମରେ ପ୍ରତିଫଳନ ହେଉନଥିବା ଅଭିଯୋଗ କରିଛନ୍ତି ଚାଷୀ । ନିଜ ଅମଳ ବିକି ପାରୁନଥିବା ଚାଷୀଙ୍କ ଭିତରେ ପ୍ରବଳ ଅସନ୍ତୋଷ ଦେଖିବାକୁ ମିଳିଛି ।