ଏକାସଙ୍ଗରେ ଖାଆନ୍ତୁ ନାହିଁ ଏହି ସବୁ ଖାଦ୍ୟ ! ଶରୀର ହୋଇପାରେ ରୋଗାକ୍ରାନ୍ତ
ସାଧାରଣତଃ ଖାଇବା ସମୟରେ ଆମେ କାହା ସହିତ କ’ଣ ଖାଇବା ଆବଶ୍ୟକ ତାହା ଉପରେ ଧ୍ୟାନ ଦେଇ ନଥାଉ । ହେଲେ ଆମର ଏହି ଅସାବଧାନତା ଅନେକ ରୋଗକୁ ଡାକି ଆଣିଥାଏ । ଏବେ ନଜର ପକାନ୍ତୁ କେଉଁ ଖାଦ୍ୟକୁ କାହା ସାଙ୍ଗରେ ଖାଇବେ ନାହିଁ । ନଚେତ୍ ଅସମୟରେ ଶରୀର ଅସୁସ୍ଥ ହୋଇଥାଏ ।
Kanak News is now on WhatsApp
Join and get latest news updates delivered to you via WhatsApp
ତରଭୂଜ ଏବଂ ପାଣି : ସାଧାରଣତଃ ତରଭୂତ ମଧ୍ୟରେ ୯୦ ପ୍ରତିଶତ ପାଣି ରହିଥାଏ । ତେଣୁ ଏହାକୁ ଖାଇବା ପରେ ଯଦି ଆପଣ ପାଣି ପିଅନ୍ତି ତ ତେବେ ଏହା ଆପଣଙ୍କ ଶରୀରର ପାଚନ ରସକୁ ପତଳା କରିଦିଏ ।
ଚା’ ଏବଂ ଦହି : ସାଧାରଣତଃ ଲୋକମାନେ ସର୍ବଦା ଏକାସଂଗରେ ତରବରରେ ଚା’ ଏବଂ ଦହିର ସେବନ କରିଥା’ନ୍ତି । ଏହା ସ୍ୱାସ୍ଥ୍ୟ ଲାଗି ହାନିକାରକ ଅଟେ । କାହିଁକିନା ଚା’ ଏବଂ ଦହି ଉଭୟ ‘ଏସିଡ଼୍’ ହୋଇଥିବାରୁ; ଏହାକୁ ଏକାସଂଗରେ ଖାଇଲେ ହଜମ କ୍ରିୟାରେ ବାଧା ପହଞ୍ଚେ ।
ଦହି ଏବଂ ଫଳ : ଆୟୁର୍ବେଦ ଅନୁଯାୟୀ ଦହି ଏବଂ ଫଳର ଏକାସଂଗରେ ଆହାର ଶରୀର ପାଇଁ ବିପଦ ଆଣିଥାଏ । ଏହା ଏକାସଂଗରେ ଶରୀର ମଧ୍ୟକୁ ଯାଇ ଆପଣଙ୍କ ଶରୀରର ‘ମେଟାବୋଲିଜିମ୍’ ପ୍ରକ୍ରିୟା ଉପରେ ଖରାପ ପ୍ରଭାବ ପକାଏ ।
ଲେମ୍ବୁ ଏବଂ କ୍ଷୀର : ଭୁଲବଶତଃ ହେଉପଛେ ଯଦି ଆପଣ ଲେମ୍ବୁର ରସ ଟୋପାଟିଏ ବି ଯଦି କ୍ଷୀରରେ ପଡ଼ିଯାଏ ,ତେବେ ଅବସ୍ଥା କ’ଣ ହୁଏ ,ତାହା ଖୁବ୍ କମ୍ ଲୋକଙ୍କୁ ଜଣା । ଯଦି ଆପଣ ଉଭୟ ଲେମ୍ବୁ-କ୍ଷୀରକୁ ଏକାସଂଗରେ ଖାଆନ୍ତି , ତେବେ ଉପରେ ଖରାପ ପ୍ରଭାବ ପକାଇଥାଏ । ତେଣୁ ଆପଣ ଏହାକୁ ଆଦୌ ହେଲେ ବି ଏକାସଂଗରେ ଖାଆନ୍ତୁ ନାହିଁ ।
ମାଂସ ଏବଂ କ୍ଷୀର : ଏକଥା ସମସ୍ତଙ୍କୁ ଜଣା ମାଂସ ଏବଂ କ୍ଷୀରର ଏକାସଂଗରେ ସେବନ ମଧ୍ୟ ଶରୀର ପ୍ରତି କ୍ଷତିକାରକ ହୋଇଥାଏ ।