ମୃତ୍ୟୁର ୭ ମାସ ପରେ ମଧ୍ୟ ଅନଲାଇନ୍ ଥିଲେ ମହିଳା ! ସତ ପ୍ରଘଟ ହେବା ପରେ ପୋଲିସ୍ ମଧ୍ୟ ହେଲେ ଚକିତ ।
ଉତ୍ତରପ୍ରଦେଶର ଗୋରଖପୁରରେ ଚକିତ କରିଦେବା ଭଳି ଘଟଣା ଏବେ ସାମ୍ନାକୁ ଆସିଛି । ଏଠାରେ ଚର୍ଚ୍ଚିତ ଡାକ୍ତର ଡି.ପି ସିଂହଙ୍କ ପୂର୍ବପତ୍ନୀ ରାକ୍ଷୀ ଶ୍ରୀବାସ୍ତବଙ୍କୁ ହତ୍ୟାର ଆରୋପରେ ୟୁପି ଏସଟିଏଫ୍ ଗିରଫ କରିଛି । ପଚରାଉଚରା ସମୟରେ ଅଭିଯୁକ୍ତ କହିଥିଲେ ଯେ ସାତ ମାସ ପୂର୍ବରୁ ପ୍ରଥମେ ସେ ରାକ୍ଷୀଙ୍କୁ ନେପାଳର ପୋଖରାରେ ଏକ ପାହାଡରୁ ଘାଟି ତଳକୁ ପେଲି ହତ୍ୟା କରିଥିଲେ । କେବଳ ଏତିକି ନୁହଁ ପୋଲିସ୍ କୁ ଯେଭଳି ସନ୍ଦେହ ନ ହୁଏ ଏଥିପାଇଁ କିଛି ମାସ ପର୍ଯ୍ୟନ୍ତ ସୋସିଆଲ୍ ମିଡିଆ ଆକାଉଣ୍ଟ୍ ରୁ ମଧ୍ୟ ଅପଡେଟ୍ କରି ଆସୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ଅଭିଯୁକ୍ତଙ୍କ କହିବାନୁସାରେ ସେ ପାଞ୍ଚଥର ରାକ୍ଷୀଙ୍କୁ ମାରିବାକୁ ଚେଷ୍ଟା କରି ବିଫଳ ହେବା ପରେ ଷଷ୍ଠ ଥର ସେ ସଫଳ ହୋଇଥିଲେ । ପ୍ରଥମେ ପୋଲିସ୍ ରାକ୍ଷୀଙ୍କ ଦ୍ୱିତୀୟ ସ୍ୱାମୀଙ୍କୁ ଏନେଇ ପଚରାଉଚରା କରିଥିଲେ କିନ୍ତୁ ଏନେଇ କିଛି ପ୍ରମାଣ ହାତକୁ ନ ଆସିବା ପରେ ସେ ଡି.ପି ସିଂହଙ୍କୁ ପ୍ରଶ୍ନ କରିଥିଲେ । ଏନେଇ ରାକ୍ଷୀଙ୍କ ମୋବାଇଲ୍ କୁ ଟ୍ରାକ୍ କରିଥିବା ବେଳେ ସେ ମୃତ୍ୟୁ ପୂର୍ବରୁ ନେପାଳରେ ଥିବା କଥା ସାମ୍ନାକୁ ଆସିଥିଲା । ଏହାପରେ ନେପାଳ ପୋଲିସ୍ କୁ ଯୋଗାଯୋଗ କରିବା ପରେ ରାକ୍ଷୀଙ୍କ ମୃତ୍ୟୁ ଖବର ମିଳିିଥିଲା । ସେ ମନିଷଙ୍କ ସହ ନେପାଳ ଯାଇଥିଲେ ଏବଂ କେବଳ ମନିଷ୍ ଘରକୁ ଫେରିଥିଲେ ରାକ୍ଷୀ ଆଉ ଫେରିନଥିଲେ ।