ବିଜେପିକୁ ମାରିଲା ବିଜେଡି ! ପଂଚାୟତ ଭୋଟ୍ ପୂର୍ବରୁ ଗଡିଲା ମୁଣ୍ଡ
କନକ ବ୍ୟୁରୋ : ପଂଚାୟତ ନିର୍ବାଚନ ପୂର୍ବରୁ ଢେଙ୍କାନାଳରେ ବଡ ଧରଣର ରାଜନୈତିକ ହିଂସା । ଜଣେ ବିଜେପି କର୍ମୀଙ୍କୁ ଜଣେ ବିଜେଡି କର୍ମୀ ହତ୍ୟା କରିବା ନେଇ ଅଭିଯୋଗ ଆସିବା ପରେ ଅଶାନ୍ତ ହୋଇଉଠିଛି ଢେଙ୍କାନାଳ । ମୁହାମୁହିଁ ହୋଇଛନ୍ତି ଦୁଇ ବିରୋଧୀ । ଢେଙ୍କାନାଳର ତରଭାରେ ଉତେଜନା ପରିସ୍ଥିତି ଲାଗି ରହିଛି । ଉତ୍ୟକ୍ତ ଗ୍ରାମବାସୀ ଏକ ଟ୍ରାକ୍ଟରରେ ମଧ୍ୟ ନିଆଁ ଲଗାଇଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ମୃତ ବିଜେପି କର୍ମୀ ସଲମାନ ରାଉତଙ୍କ ସମର୍ଥକ ମାନେ ମୃତଦେହକୁ ରାସ୍ତା ଉପରେ ରଖି ବିକ୍ଷୋଭ କରିଛନ୍ତି ।ଢେଙ୍କାନାଳ ସହର ଠାରୁ ମାତ୍ର ୧୦ କିଲୋମିଟର ଦୂର ତରଭାର ଏକ ରାଜନୈତିକ ହତ୍ୟାକାଣ୍ଡକୁ ନେଇ ସାରା ରାଜ୍ୟରେ ଚାଞ୍ଚଲ୍ୟ । ବିଜେପି କର୍ମୀ ସଲମନ ରାଉତଙ୍କୁ ମାରିଲା କିଏ ।
ରାତିଟିଏର ସସପେନସ ଓ ଛକାପଞ୍ଝା ପରେ ପୋଲିସ ଗିରଫ କରିଛି ମୁଖ୍ୟ ଅଭିଯୁକ୍ତକୁ । ସେ ଖଳନାୟକ ହେଲା ତରଭାର ବ୍ୟୋମକେଶ ବିଶ୍ୱାଳ । ଢେଙ୍କାନାଳ ଜିଲ୍ଲା ତରଭାରେ ଘର ଓ ପେଶାରେ କନେଷ୍ଟବଳ । ହେଲେ ନିଶା ରାଜନୀତି । କାରଣ ସେ ଆସିଛି ଏକ ରାଜନୈତିକ ପରିବାରରୁ । ଯାହାର ବାପା ଦାଦା ସମସ୍ତେ ଅଛନ୍ତି ରାଜନୀତିର ପଦପଦବୀରେ । କେବଳ ସେତିକି ନୁହଁ ସମସ୍ତେ ଶାସକ ଦଳର । କେଣୁ ତରଭାରେ ଚାଲେ ବିଶ୍ୱାଳ ପରିବାରର ରାଜ୍ ।
ଆଉ ମୃତ ସଲମନ ହେଉଛନ୍ତି ବିଜେପିର ପକ୍କା ସମର୍ଥକ । ବୃତ୍ତି-ଟ୍ରାଭେଲ ଏଜେନ୍ସି । ଭୁବନେଶ୍ୱର କ୍ୟାବ ଆସୋସିଏସନର ଉପସଭାପତି । ନିର୍ବାଚନ ପ୍ରଚାର ପାଇଁ ସେ ଆସିଥିଲେ ନିଜ ଗାଁ ତରଭାକୁ । ଆଉ ଗତକାଲି ପୋଷ୍ଟର ମରାକୁ ନେଇ ବ୍ୟୋମକେଶ ସଲମନ ମୁହାଁମୁହିଁ ହୋଇଥିଲେ । ବଚସା ଉଗ୍ରରୂପ ନେବା ପରେ ଗର୍ଜିଥିଲା ବନ୍ଧୁକ । ଆଉ ପଞ୍ଚାୟତ ରାଜନୀତିରେ ଯୋଡି ହୋଇଗଲା କଳଙ୍କ ।
ଏଇ ହତ୍ୟାକାଣ୍ଡ ନେଇ ରାଜନୀତି ଜୋର ଧରିଛି । ବିଜେପି ଭୁବନେଶ୍ୱରରେ ବିକ୍ଷୋଭ ପ୍ରଦର୍ଶନ କରିବା ସହ ବିଜେଡିକୁ କାଠଗଡାରେ ଛିଡା କରିଛି । ସେପଟେ ବ୍ୟବଚ୍ଛେଦ ପରେ ମୃଥଦେହକୁ ନେଇ ତରଭାରେ ପହଞ୍ଚିଥିଲେ ବିଜେପି ନେତା । ଯାହାକୁ ନେଇ ତରଭାରେ ଉତ୍ତେଜନା ସୃଷ୍ଟି ହୋଇଛି ।
ସେପଟେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହି ହତ୍ୟାକାଣ୍ଡ ପାଇଁ ପରୋକ୍ଷରେ ଶାସକ ଦଳକୁ ଦାୟୀ କରିଛନ୍ତି । ଟ୍ୱିଟ୍ କରି ଧର୍ମେନ୍ଦ୍ର କହିଛନ୍ତି, ବିରୋଧୀଙ୍କ ଉପରେ ଶାସକ ଦଳର ଏଭଳି ହିଂସା ଆଚରଣ ଗଣତନ୍ତ୍ର ପାଇଁ ବିପଦ । ନିଜ ଟ୍ୱିଟରେ ଧର୍ମେନ୍ଦ୍ର ଆହୁରି ମଧ୍ୟ ଲେଖିଛନ୍ତି, ପୂର୍ବରୁ ଏଭଳି ରାଜନୈତିକ ହିଂସାକାଣ୍ଡ ଘଟୁନଥିଲା । ଚଳିତ ପଂଚାୟତ ନିର୍ବାଚନରେ ରାଜନୈତିକ ହତ୍ୟାକାଣ୍ଡ ଅଧିକ ଘଟୁଛି । ବିଜେପି ଏହାର ରାଜନୈତିକ ଜବାବ ଦେବ ।