ଆମ୍ ଆଦମୀ ପାର୍ଟିରେ ବଡୁଛି ଯୁବ ନେତାଙ୍କ ଭିଡ । ରାଘବ ଚଢାଙ୍କ ଉପସ୍ଥିତିରେ ଦଳରେ ଯୋଗ ଦେଲେ ଦିଲ୍ଲୀ ସୁନ୍ଦରୀ ମାନସୀ ସେହଗଲ
କନକ ବ୍ୟୁରୋ : ଦିନକୁ ଦିନ ଦେଶରେ ସର୍ବପୁରାତନ ରାଜନୈତିକ ଦଳ କଂଗ୍ରେସର ଗଡ ଭାଙ୍ଗୁଥିବା ବେଳେ ଆମ୍ ଆଦମୀ ପାର୍ଟି ପ୍ରତି ଲୋକଙ୍କର ଆଗ୍ରହ ବଢିବାରେ ଲାଗିଛି । ଦଳର କାର୍ଯ୍ୟକ୍ରମ ଓ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଆଦର୍ଶରେ ଅନୁପ୍ରାଣିତ ହୋଇ ଦଳରେ ଯୋଗ ଦେଇଛନ୍ତି ମିସ୍ ଇଣ୍ଡିଆ (ଦିଲ୍ଲୀ)୨୦୧୯ ମାନସୀ ସେହଗଲ । ସେ ସୋମବାର ଦିନ ଦଳର ଯୁବନେତା ତଥା ବିଧାୟକ ରାଘବ ଚଢାଙ୍କ ଉପସ୍ଥିତିରେ ଦଳରେ ଯୋଗ ଦେଇଛନ୍ତି । ଏହି ଅବସରରେ ରାଘବ ଚଢା କହିଛନ୍ତି କି ମାନସୀ ଜଣେ ଶୃଙ୍ଖଳିତ କର୍ମୀ ଭାବେ ଦଳରେ କାର୍ଯ୍ୟ କରିବେ ବୋଲି ଆଶା କରାଯାଉଛି । ଏହାସହ ଆଗାମୀ ଦୁଇବର୍ଷ ମଧ୍ୟରେ ଦେଶର ୬ ଟି ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଯାଉଛି । ତେଣୁ ମାନସୀଙ୍କ ଦଳରେ ଯୋଗ ଦେବା ଦଳ ପାଇଁ ଲାଭବାନ ହେବ ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ସୂଚନା ମୁତାବକ ଆସନ୍ତା ଦୁଇବର୍ଷ ମଧ୍ୟରେ ଉତ୍ତରପ୍ରଦେଶ, ଉତ୍ତରାଖଣ୍ଡ, ଗୋଆ, ପଞ୍ଜାବ, ହିମାଚଳ ପ୍ରଦେଶ ଓ ଗୁଜୁରାଟରେ ହେବାକୁ ଥିବା ବିଧାନସଭା ନିର୍ବାଚନରେ ଦଳ ପ୍ରର୍ଥୀ ଦେବ । ଏହାକୁ ନଜରରେ ରଖି ଦଳରେ ଯୁବ ନେତା ମାନଙ୍କର ସଂଖ୍ୟା ବୃଦ୍ଧି କରାଯିବା ଦରକାର । ଯେଉଁମାନେ କି ଅନ୍ୟମାନଙ୍କ ପାଇଁ ଉଦାହରଣ ହୋଇପାରିବେ । ଏହାସହ ଅନ୍ୟଦଳରୁ ନେତା ଆଣି ଆମ୍ ଆଦମୀ ପାର୍ଟିରେ ମିଶାଇବା ପରିବର୍ତ୍ତେ ଦଳ ପାଇଁ ନୂଆ ଓ ଯୁବ ଚେହେରା କୁ ଅଗ୍ରାଧିକାର ଦେବା କଥା କହିଛନ୍ତି ବିଧାୟକ ରାଘବ ଚଢା ।