ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନେଲେ କରୋନା ଟିକା : କୋଭାକ୍ସିନ ଟିକା ନେଲେ ମୁଖ୍ୟମନ୍ତ୍ରୀ
କନକ ବ୍ୟୁରୋ : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନେଲେ କୋଭିଡ ଟିକାର ପ୍ରଥମ ଡୋଜ । ଆଜି ବିଧାନସଭାରେ ଥିବା ଡିସପେନସାରୀରେ ଟିକା ନେଇଛନ୍ତି । ଆଜି ସକାଳେ ବିଧାନସଭା ଡିସପେନସାରରୀ ପହଂଚି କୋଭାକ୍ସିନ ଟିକା ନେଇଛନ୍ତି ନବୀନ ପଟ୍ଟନାୟକ । ଟିକା ନେବା ପରେ ଟିକା ନିଜ ଟୁଇଟର ହ୍ୟାଣ୍ଡଲରେ ଟିକା ନେଉଥିବା ଫଟୋକୁ ସେୟାର କରି ଟୁଇଟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
Happy to share that I took my first dose of #COVID19 vaccine today. Grateful to our scientists, health workers for their race against time to deliver the vaccines to people.
Appeal to all eligible people to come forward and get vaccinated for a #CovidFreeOdisha. pic.twitter.com/aqqKSeb2ME
— Naveen Patnaik (@Naveen_Odisha) March 1, 2021
ଟୁଇଟରେ ମୁଖ୍ୟମନ୍ତ୍ରୀ ଲେଖିଛନ୍ତି, ଟିକାର ପ୍ରଥମ ଡୋଜ ନେଇ ସେ ଖୁସି ଅଛନ୍ତି । ଖୁବ ଶୀଘ୍ର ଟିକା ପ୍ରସ୍ତୁତ କରିଥିବାରୁ ବୈଜ୍ଞାନିକ, ସ୍ୱାସ୍ଥ୍ୟକର୍ମୀଙ୍କୁ ଧନ୍ୟବାଦ ଜଣାଇଛନ୍ତି । ଏଥିସହ କୋଭିଡ ମୁକ୍ତ ଓଡିଶା ପାଇଁ ଆହ୍ୱାନ ଦେଇଛନ୍ତି ମୁଖ୍ୟମନ୍ତ୍ରୀ । ଦ୍ୱିତୀୟ ପର୍ଯ୍ୟାୟ ଟିକାକରଣରେ ଯୋଗ୍ୟ ବ୍ୟକ୍ତିମାନେ ଟିକା ନେବା ପାଇଁ ଆଗେଇ ଆସିବାକୁ ଅପିଲ କରିଛନ୍ତି ନବୀନ ପଟ୍ଟନାୟକ । ଦେଶ ତଥ୍ୟା ରାଜ୍ୟରେ ଦ୍ୱିତୀୟ ପର୍ଯ୍ୟାୟ ଟିକାକରଣ ଚାଲିଥିଲେ ମଧ୍ୟ ଲୋକଙ୍କ ମନରେ ଏବେ ବି ଟିକାକୁ ନେଇ ସନ୍ଦେହ ରହିଛି । ତେଣୁ ମୁଖ୍ୟମନ୍ତ୍ରୀ ଟିକା ନେବା ଘଟଣା ଦ୍ୱିତୀୟ ପର୍ଯ୍ୟାୟ ଟିକାକରଣରେ ଯୋଗ୍ୟ ବ୍ୟକ୍ତିଙ୍କୁ ଉତ୍ସାହିତ କରିବ ।