ନଦୀବନ୍ଧ ମରାମତି କାମରେ ଦୁର୍ନୀତି । ପୁରୀ ଜିଲ୍ଲା ନିମାପଡାରୁ ଆସିଲା ଅଭିଯୋଗ
କନକ ବ୍ୟୁରୋ: ନଦୀବନ୍ଧ ମରାମତିରେ ଦୁର୍ନୀତି । କୁଶଭଦ୍ରା ନଦୀବନ୍ଧରେ ମୋରମ୍ ଛିଞ୍ଚି କୋଟି କୋଟି ଟଙ୍କା ହରିଲୁଟ ହୋଇଛି । ପୁରୀ ଜିଲ୍ଲା ନିମାପଡାରୁ ନାହପୁର ଯାଏଁ ନଦୀବନ୍ଧ ମରାମତି କାମ ଅତି ନିମ୍ନମାନର କରି ସରକାରୀ ଟଙ୍କା ଚଳୁ କରିଥିବା ଅଭିଯୋଗ କରିଛନ୍ତି ନଦୀକୂଳିଆ ବାସିନ୍ଦା । ନିୟମ ମୁତାବକ ନଦୀବନ୍ଧରେ ୮ ଇଂଚର ମୋରମ ପଡିବା କଥା, ହେଲେ ଏଠାରେ ଇଂଚେ ଦୁଇ ଇଂଚି ମୋରମ ପକାଇଥିବା ଅଭିଯୋଗ ହୋଇଛି । ସ୍ଥାନୀୟ ଲୋକଙ୍କ କହିବା କଥା, ନଦୀବନ୍ଧ ମରାମତି ଚାଲୁଥିବା ବେଳେ ଜଳସଂପଦ ବିଭାଗର ଅଧିକାରୀ ଆସୁନଥିବାରୁ ଠିକାଦାର ମନ ଇଛା କାମ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନିମ୍ନମାନର ରାସ୍ତା କାମକୁ ନେଇ ସ୍ଥାନୀୟ ଲୋକେ ନିମାପଡା ଜଳସଂପଦ ବିଭାଗ ନିର୍ବାହୀ ଯନ୍ତ୍ରୀ. ଗୋପ ଜଳସଂପଦ ବିଭାଗର ସହକାରୀ ଯନ୍ତ୍ରୀ ସଂଗ୍ରାମ କେଶରୀ ମହାନ୍ତିଙ୍କୁ ଅବଗତ କରାଇଛନ୍ତି । ହେଲେ ସେମାନେ ଏହାକୁ ଗୁରୁତର ସହ ନେଉନଥିବାରୁ ସ୍ଥାନୀୟ ଅଂଚଳରେ ଅସନ୍ତୋଷ ଦେଖିବାକୁ ମିଳିଛି । ଲୋକେ ଭିଜିଲାନ୍ସ ତଦନ୍ତ ଦାବି କରିଛନ୍ତି । ଅନ୍ୟପଟେ କୁଶଭଦ୍ରା ନଦୀବନ୍ଧ ମରାମତି ଘଟଣାରେ ହୋଇଥିବା ଘୋଟାଲା ସଂପର୍କରେ ବିଭାଗୀୟ ଅଧିକାରୀ ଗଣମାଧ୍ୟମ ଆଗରେ ମୁହଁ ଖୋଲିବାକୁ ରାଜି ହେଉନାହାନ୍ତି ।