କୋଭିଡ୍ ରୋଗୀଙ୍କ ସଂସ୍ପର୍ଶରେ ଆସିଥିଲେ ବି, କରିବାକୁ ପଡିବନି କୋଭିଡ୍ ଟେଷ୍ଟ । ଜାଣନ୍ତୁ, ଆଇସିଏମଆରର ନୂଆ ଗାଇଡଲାଇନ୍?
କନକ ବ୍ୟୁରୋ: ଦେଶରେ ଓମିକ୍ରନ୍ କାରଣରୁ ଏବେ କରୋନା ସଂକ୍ରମଣ ଦ୍ରୁତ ଗତିରେ ବଢିବାକୁ ଲାଗିଛି । ଯାହାକୁ ଦେଖିବା ପରେ ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ ରିସର୍ଚ୍ଚ ଅଥବା ଆଇସିଏମଆର୍ କୋଭିଡ୍ ପରୀକ୍ଷାକୁ ନେଇ ନୂଆ ଗାଇଡଲାଇନ୍ ଧାର୍ଯ୍ୟ କରିଛି । ଏହି ନୂଆ ଗାଇଡଲାଇନ୍ ଅନୁସାରେ, ଏବେ ଯେକୌଣସି ଲୋକଙ୍କୁ କୋଭିଡ୍ ଟେଷ୍ଟ କରିବାର ଆବଶ୍ୟକତା ନାହିଁ । ଏମିତିକି ଆପଣ ଯଦି କୋଭିଡ୍ ରୋଗଙ୍କ ସଂସ୍ପର୍ଶରେ ଆସିଛନ୍ତି, ଆଉ ଆପଣଙ୍କର କିଛି ବି ଲକ୍ଷଣ ପ୍ରକାଶ ପାଉନି ତେବେ ମଧ୍ୟ ଆପଣଙ୍କୁ କୋଭିଡ୍ ଟେଷ୍ଟ କରିବାର କୌଣସି ଆବଶ୍ୟକତା ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଆଇସିଏମଆରର ଏହି ନୂଆ ଗାଇଡଲାଇନରେ କୁହାଯାଇଛି, କୋଭିଡ୍ ରୋଗୀଙ୍କ ସଂସ୍ପର୍ଶରେ ଆସିଥିବା ସେହି ଲୋକମାନେ ନିଜର କୋଭିଡ୍ ଟେଷ୍ଟ କରିବା ଉଚିତ୍ ଯେଉଁମାନଙ୍କର ବୟସ ୬୦ ବର୍ଷରୁ ଅଧିକ । ତା ସହିତ ଯେଉଁ ଲୋକମାନେ ଗୁରୁତର ରୋଗରେ ପୀଡିତ ସେମାନେ ମଧ୍ୟ କୋଭିଡ୍ ରୋଗୀଙ୍କ ସଂସ୍ପର୍ଶରେ ଆସିବା ପରେ ନିଜର କୋଭିଡ୍ ଟେଷ୍ଟ କରାଇ ନିଅନ୍ତୁ ବୋଲି ଆଇସିଏମଆର ପକ୍ଷରୁ କୁହାଯାଇଛି । ତେବେ ଜଣେ ସାଧାରଣ ଲୋକ ଯଦି କୋଭିଡ ରୋଗୀଙ୍କ ସଂସ୍ପର୍ଶରେ ଆସିବା ପରେ ବି କୌଣସି ଲକ୍ଷଣ ପ୍ରକାଶ ପାଉନି ତେବେ ତାଙ୍କୁ ଟେଷ୍ଟ କରାଇବାର କୌଣସି ଆବଶ୍ୟକତା ନାହିଁ ବୋଲି କୁହାଯାଇଛି ।
ତା ସହିତ ଯଦି କୌଣସି ବ୍ୟକ୍ତିଙ୍କର କାଶ ହେଉଛି, ଗଳା ଖରାପ ହେଉଛି କିମ୍ବା ନିଶ୍ୱାସ ପ୍ରଶ୍ୱାସ ନେବାରେ କଷ୍ଟ ହେଉଛି, ତେବେ ସେମାନେ ତୁରନ୍ତ କୋଭିଡ୍ ଟେଷ୍ଟ କରାଇ ନେବା ଉଚିତ୍ । ତା ସହିତ ବିଦେଶ ଯାତ୍ରା ପୂର୍ବରୁ ଓ ପରେ ମଧ୍ୟ କୋଭିଡ୍ ଟେଷ୍ଟ କରାଇବାକୁ ଆଇସିଏମଆର ନିୟମ ଲାଗୁ କରିଛନ୍ତି । ସବୁୁ ଗୁରୁତ୍ୱପୂର୍ଣ୍ଣ କଥା ହେଉଛି, ଆପଣ ଜଣେ ରୋଗୀଙ୍କ ସଂସ୍ପର୍ଶରେ ଆସିଥିଲେ ବି ଯଦି କୌଣସି ଲକ୍ଷଣ ପ୍ରକାଶ ପାଉନି, କିମ୍ବା ଆପଣଙ୍କ ବୟସ ୬୦ରୁ ବର୍ଷରୁ କମ୍ ତେବେ ଆପଣ ବିନା କୌଣସି ଚିନ୍ତାରେ କୋଭିଡ୍ ଟେଷ୍ଟ ନକରାଇ ରହିପାରିବେ । ଏଥିପାଇଁ ଆସିଏମଆର ନିଜର ଗାଇଡଲାଇନରେ ଉଲ୍ଲେଖ କରିଛନ୍ତି ।
ଅନ୍ୟପଟେ କରୋନା ଟେଷ୍ଟିର ଏହି ନୂଆ ନିୟମକୁ ନେଇ ବିଶେଷଜ୍ଞମାନେ ପ୍ରଶ୍ନ କରିଛନ୍ତି । ଏହାଦ୍ୱାରା ମେଡିକାଲ ଉପରେ ଚାପ କମ୍ ପଡିବ ଏବଂ କୋଭିଡ୍ ରୋଗୀଙ୍କୁ ଅଧିକ ଧ୍ୟାନ ଦିଆଯାଇପାରିବ ବୋଲି କୁହାଯାଉଛି, ହେଲେ ସଂକ୍ରମଣକୁ ରୋକିବାକୁ ଏହା ସଠିକ୍ ଢଙ୍ଗ ନୁହେଁ ବୋଲି ଅନେକ ବିଶେଷଜ୍ଞ ମତ ପ୍ରକାଶ କରିଛନ୍ତି ।