ଜଗନ୍ନାଥଙ୍କ କାର୍ଟୁନ ଇମେଜ୍ ସେୟାର କଲା ଲୁଧିଆନା ଇସ୍କନ: ଫଟୋରେ ଶ୍ରୀବିଗ୍ରହଙ୍କୁ ବ୍ୟଙ୍ଗାତ୍ମକ ଭାବେ ପରିବେଷଣ କରାଯିବା ନେଇ ବିବାଦ
କନକ ବ୍ୟୁରୋ: ମହାପ୍ରଭୁ ଶ୍ରୀଜଗନ୍ନାଥଙ୍କ ଅଣସର ନୀତିକୁ ନେଇ ସୋସିଆଲ ମିଡିଆରେ ଭାଇରାଲ ହେଲା ବ୍ୟଙ୍ଗଚିତ୍ର । ଲୁଧିଆନାର ଇସ୍କନ ସଂସ୍ଥା ପକ୍ଷରୁ ମହାପ୍ରଭୁଙ୍କ ଅଣସର ନୀତିର ବ୍ୟଙ୍ଗ ଚିତ୍ର ପୋଷ୍ଟ କରାଯାଇଛି । ଗୋଟେ ପଟେ ମହାପ୍ରଭୁ ଥର୍ମୋମିଟର ପାଟିରେ ଦେଇଥିବାବ ଦର୍ଶାଯାଇଛି । ଅନ୍ୟ ଏକ ଫଟୋରେ ଶ୍ରୀବିଗ୍ରହ ଶୀତ ପୋଷାକ ପିନ୍ଧି ଶୋଇଥିବା ଦର୍ଶାଯାଇଛି । ଫଟୋରେ ଜଗନ୍ନାଥଙ୍କ ହାତ ଥିବା ଦର୍ଶା ଯାଇଛି । ଏହି ଫଟୋଗୁଡିକ ପୋଷ୍ଟ ହେବା ପରେ ଏହାକୁ ନେଇ ବିବାଦ ମୁଣ୍ଡ ଟେକିଛି ।
Kanak News is now on WhatsApp
Join and get latest news updates delivered to you via WhatsApp
ପୁରୀର ସେବାୟତ ତଥା ବୁଦ୍ଧିଜୀବୀମାନେ ଏହାକୁ ବିରୋଧ କରିବା ସହ ଲୁଧିଆନା ଇସ୍କନ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି । ପୁରୀ ଜିଲ୍ଲାପାଳ ମଧ୍ୟ ଘଟଣାକୁ ଗୁରୁତର ସହ ନେଇଛନ୍ତି । ମହାପ୍ରଭୁଙ୍କ ବ୍ୟଙ୍ଗଚିତ୍ରକୁ ନେଇ ତଦନ୍ତ ପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଜିଲ୍ଲାପାଳ ସମର୍ଥ ବର୍ମା କହିଛନ୍ତି । ସେପଟେ ମହାପ୍ରଭୁଙ୍କ ବ୍ୟଙ୍ଗଚିତ୍ର କରାଯିବା ଘଟଣାକୁ ଆଦୌ ବରଦାସ୍ତ କରାଯିବ ନାହିଁ ବୋଲି ଭୁବନେଶ୍ୱର ଇସ୍କନ ସହ ସଭାପତି କହିଛନ୍ତି ।