କନକ ବ୍ୟୁରୋ: କଂଗ୍ରେସ ଅଧ୍ୟକ୍ଷ ପଦ ପାଇଁ ନିର୍ବାଚନରେ ବରିଷ୍ଠ ନେତା ମଲ୍ଲିକାର୍ଜୁନ ଖଡଗେ ନାମାଙ୍କନ ଭରିଛନ୍ତି । ତାଙ୍କ ମୁକାବିଲା କେରଳର ଲୋକସଭା ସାଂସଦ ତଥା ବରିଷ୍ଠ ନେତା ଶଶି ଥରୁରଙ୍କ ସହ ହେବ । ତେବେ ଏହା ପୂର୍ବରୁ ରାଜନୈତିକ ମାହୋଲକୁ ଗରମ କରିଛନ୍ତି ଶଶି । ସେ କହିଛନ୍ତି, ସାର୍ବଜନୀନ ସ୍ଥାନରେ ଡିବେଟ ପାଇଁ ଆହ୍ୱାନ ଦେଇଛନ୍ତି । ଏହା ପଛରେ ସେ ତର୍କ ରଖିଛନ୍ତି ଯେ ଏହା କରିବା ଦ୍ୱାରା ଦଳରେ ଲୋକଙ୍କ ମଧ୍ୟରେ ଦଳ ପ୍ରତି ଅଧିକ ବିଶ୍ୱାସ ଆସିପାରିବ । ନିକଟରେ ଯେଉଁଭଳି ବ୍ରିଟେନରେ କଞ୍ଜରଭେଟିଭ ପାର୍ଟିରେ ନେତୃତ୍ୱ ପାଇଁ ନିର୍ବାଚନ ହୋଇଥିଲା ସେହିଭଳି ହେବା ଦରକାର ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ନେତା ତଥା ସାଂସଦ ଶଶି ଥରୁର ଏକ ସାକ୍ଷାତକାରରେ କହିଛନ୍ତି, ଏଥିରେ ସେ ଗାନ୍ଧୀ ପରିବାର ଠାରୁ ନେଇ କଂଗ୍ରେସ ସଂଗଠନ ବାବଦରେ ଅନେକ ପ୍ରତିକ୍ରିୟା ରଖିଛନ୍ତି । ସେ ଆହୁରି ମଧ୍ୟ କହିଛନ୍ତି, କଂଗ୍ରେସର ବର୍ତ୍ତମାନର ସ୍ଥିତିର ଜବାବ ପ୍ରଭାବୀ ନେତୃତ୍ୱ ଏବଂ ସଂଗଠନାତ୍ମକ ସୁଧାରରେ ଆସିବ । ଶଶି ଥରୁର କହିଛନ୍ତି, ସଂଗଠନକୁ ଉଚ୍ଚସ୍ତରର ନେତୃତ୍ୱ କରିବାରେ ମୋର ଟ୍ରାକ ରେକର୍ଡ ରହିଛି । ସଂଯୁକ୍ତ ରାଷ୍ଟ୍ର ଜନ ସୂଚନା ବିଭାଗର ପ୍ରଭାରୀ ମହାସଚିବ ଭାବେ ମୁଁ ସାରା ବିଶ୍ୱର ୭୭ କାର୍ଯ୍ୟାଳୟରେ ୮ ଶହରୁ ଅଧିକ କର୍ମୀଙ୍କୁ ସମ୍ଭାଳିଛି । ଏହାକୁ ଦେଖି ମୋତେ ଲୋକେ ଅନୁରୋଧ କରିଥିଲେ ଯେ ମୁଁ ମିଳିତ ଜାତିସଂଘର ନେତୃତ୍ୱ ନିଏ । ଏଥିପାଇଁ ନିର୍ବାଚନ ଲଢିବାକୁ ଅନୁରୋଧ କରିଥିଲେ ।