ବିରୋଧୀ ଦଳମାନଙ୍କ ସହିତ ଚାଲିଛି ସୋନିଆ ଗାନ୍ଧୀଙ୍କ ବୈଠକ, ମମତା ବାନାର୍ଜୀ, ଶରଦ ପାୱାରଙ୍କ ସମେତ ୧୯ ବିରୋଧୀ ଦଳ ସାମିଲ ।
କନକ ବ୍ୟୁରୋ : କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ବିରୋଧୀ ମାନଙ୍କୁ ଏକାଠି କରିବାକୁ ପ୍ରୟାସ କରିଛନ୍ତି । ଏହି କ୍ରମରେ ଆଜି ତାଙ୍କ ଅଧ୍ୟକ୍ଷତାରେ ଏକ ଭର୍ଚୁଆଲ ବୈଠକ ଚାଲିଛି । ଏହି ବୈଠକରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ, ଏନସିପି ନେତା ଶରଦ ପାୱାରଙ୍କ ସମେତ ୧୯ ଟି ବିରୋଧୀଦଳର ନେତା ସାମିଲ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବୈଠକରେ କଂଗ୍ରେସ ସହିତ ଟିଏମସି, ଏନସିପି, ଡିଏମକେ, ଶିବସେନା, ଜେଏମଏମ୍, ସିପିଆଇ, ସିପିଆଇ(ଏମ),ନ୍ୟାସନାଲ କନଫରେନ୍ସ, ଆରଜେଡି, ଆଇୟୁଡିଏଫ, ବିସିକେ, ଏଲଜେପି, ଜେଡିଏସ, ଆରଏଲଡି, ଆରଏସପି, କେରଳ କଂଗ୍ରେସ ମନି, ପିଡିପି, ଆୟୁଏମଏଲ ସାମିଲ ହୋଇଛନ୍ତି ।
ବୈଠକରେ ଶରଦ ପାୱାର, ଉଦ୍ଧବ ଠାକରେ, ହେମନ୍ତ ସୋରେନ, ଏମକେ ଷ୍ଟାଲିନ୍, ମହବୁବା ମୁଫ୍ତି, ଫାରୁକ ଅବ୍ଦୁଲ୍ଲା, ବଦରୁଦ୍ଦିନ ଅଜମଲ ସମେତ ଅନେକ ନେତା ସାମିଲ ହୋଇଛନ୍ତି । ଅନ୍ୟପଟେ ସୋନିଆ ଗାନ୍ଧୀଙ୍କ ସହ ରାହୁଲ ଗାନ୍ଧୀ ବି ଏହି ବୈଠକରେ ସାମିଲ ହୋଇଛନ୍ତି ।
A total of 19 parties are participating in the meeting – Congress, TMC, NCP, DMK, Shiv Sena, JMM, CPI, CPI(M), National Conference, RJD, AIUDF, Viduthalai Chiruthaigal Katchi, Loktantrik Janta Dal, JD(S), RLD, RSP, Kerala Congress (M), PDP and IUML
— ANI (@ANI) August 20, 2021
କହିରଖୁ କି ସୋନିଆ ଗାନ୍ଧୀ ଦେଶ ଆଗରେ ଥିବା ପ୍ରମୁଖ ମୁଦ୍ଦା ଉପରେ ବିରୋଧୀମାନଙ୍କ ସାଥିରେ ନେଇ ସରକାରଙ୍କୁ ଘେରିବାକୁ ଚେଷ୍ଟା କରିବା କ୍ରମରେ ଏହି ବୈଠକ କରୁଛନ୍ତି । ଏହାସହ ମୋଦୀ ସରକାର ଓ ବିଜେପି ବିରୋଧରେ ଆଗାମୀ ସାଧାରଣ ନିର୍ବାଚନରେ ବିରୋଧୀମାନଙ୍କୁ ଏକାଠି କରି ନିର୍ବାଚନ ଲଢିବାକୁ କଂଗ୍ରେସ ଚେଷ୍ଟା ଚଳାଇଛି ବୋଲି ବି ଆଲୋଚନା ହେଉଛି ।
ସଂସଦରେ ଚଳିତ ମୌସୁମୀ ଅଧିବେଶନରେ ବିରୋଧୀମାନେ ପେଗାସସ୍, କୃଷକ ଆନ୍ଦୋଳନ ଓ ଦରବୃଦ୍ଦିକୁ ନେଇ ସରକାରଙ୍କ ବିରୋଧରେ ବିରୋଧୀମାନେ ଏକଜୁଟ ହୋଇଥିବା ଦେଖିବାକୁ ମିଳିଥିଲା । ଏଥିରେ କଂଗ୍ରେସ ନେତା ରାହୁଲ ଗାନ୍ଧୀ ବିରୋଧୀଙ୍କ ନେତୃତ୍ୱ ନେଉଥିବା ଦେଖିବାକୁ ମିଳିଥିଲା ।