କୋଇଲା ରୟାଲଟି ବୃଦ୍ଧି ନେଇ ଓଡ଼ିଶାର ଦାବିକୁ ରୋକଠୋକ ମନାକଲା କେନ୍ଦ୍ର : ରାଜ୍ୟସଭାରେ ପ୍ରଶ୍ନ କରିଥିଲେ ବିଜେଡ଼ି ସାଂସଦ ସସ୍ମିତ ପାତ୍ର
ଉତରରେ ବିଭାଗୀୟ ମନ୍ତ୍ରୀ କହିଲେ, ୨୦୧୪ରେ ଗଠିତ ଅନୁଧ୍ୟାନକାରୀ କମିଟିର ସୁପାରିଶକୁ ଗ୍ରହଣ କରିଛନ୍ତି ସରକାର
କନକ ବ୍ୟୁରୋ : କୋଇଲା ରୟାଲଟି ବୃଦ୍ଧି ନେଇ ଓଡିଶାର ପ୍ରସ୍ତାବକୁ ରୋକଠୋକ ମନା କରିଦେଇଛନ୍ତି କେନ୍ଦ୍ର ସରକାର । ଏ ସଂପର୍କିତ ସମସ୍ତ ସମ୍ଭାବନାକୁ ପ୍ରତ୍ୟାଖ୍ୟାନ କରିଦେଇଛନ୍ତି ବିଭାଗୀୟ ମନ୍ତ୍ରୀ । ଗତକାଲି ରାଜ୍ୟସଭାରେ କୋଇଲା ରୟାଲଟି ବୃଦ୍ଧି ନେଇ କେନ୍ଦ୍ର ସରକାର ପଦକ୍ଷେପ ଗ୍ରହଣ କରୁଛନ୍ତି କି ବୋଲି ପ୍ରଶ୍ନ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବିପୁଳ ପରିମାଣର କୋଇଲା ଯୋଗାଇ ଦେଉଥିବା ଓଡିଶା ଭଳି ରାଜ୍ୟ ପାଇଁ ରୟାଲଟି ବୃଦ୍ଧି କରାଯିବାର କୌଣସି ଯୋଜନା ରହିଛି କି ବୋଲି ପ୍ରଶ୍ନ କରିଥିବାବେଳେ ଏହାର ଉତର ରଖିଛନ୍ତି କେନ୍ଦ୍ର କୋଇଲା, ଖଣି ଓ ସଂସଦୀୟ ବ୍ୟାପାର ମନ୍ତ୍ରୀ ପ୍ରହଲ୍ଲାଦ ଯୋଶୀ । ମନ୍ତ୍ରୀଙ୍କ ଉତର ଏଭଳି ସଂକେତ ଦେଇଛି ଯାହା ଓଡିଶା ସମେତ କୋଇଲା ଯୋଗାଇ ଦେଉଥିବା ରାଜ୍ୟଗୁଡିକ ପାଇଁ ଉଦ୍ଦିଷ୍ଟ ।