କନକ ବ୍ୟୁରୋ: ନିୟମ ମାନିଲେ ରାଜ୍ୟ ମୁଖିଆ । ନିଜେ ନିୟମ ମାନିଲେ ସିଟ୍ ବେଲ୍ଟ ଲଗାଇ ଗାଡ଼ି ଚାଳକଙ୍କୁ ସଚେତନ କରାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନୂଆ ମୋଟର ଯାନ ଆଇନ ଲାଗୁ ହେବା ପରେ ଗାଡ଼ି ଚାଳକଙ୍କ ଭିତରେ ଏକ ପ୍ରକାର ଭୟର ବାତାବରଣ ସୃଷ୍ଟି ହୋଇଥିବାବେଳେ ଏନେଇ ଖୋଦ୍ ସଚେତନ କରାଇଛନ୍ତି ମୁଖ୍ୟମନ୍ତ୍ରୀ । ଆଉ ନିଜେ ବସିଥିବା କାରର ସିଟ୍ ବେଲ୍ଟ ଲଗାଇଥିବା ନଜର ଆସି ଆଇନରୁ ଉଦ୍ଧ୍ୱର୍ କେହି ନୁହେଁ ବୋଲି ବାର୍ତ୍ତା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ନୂଆ ଟ୍ରାଫିକ୍ ନିୟମ ଲାଗୁ ପରେ ମୋଟା ଅଙ୍କର ଜରିମାନାକୁ ନେଇ ଅସନ୍ତୋଷ ଥିବା ଜନତାଙ୍କ ପାଇଁ ୩ ମାସର ମହଲତ ଦେଇଥିଲେ ନବୀନ । ସେ ୩ ମାସ ମଧ୍ୟରେ ସମସ୍ତେ ଗାଡ଼ି କାଗଜପତ୍ର ନିୟମିତ କରିବା ଲାଗି ଆହ୍ଵାନ ଦେଇଛନ୍ତି। ଏଥିସହ ରାଜ୍ୟ ପୋଲିସ ପକ୍ଷରୁ ସଚେତନତା ଅଭିଯାନ ଆରମ୍ଭ ହୋଇଛି ।
Leading by example, CM @Naveen_Odisha showing the right way for safety on roads. Thank you sir. #RoadSafety#MVAct2019@CMO_Odisha @STAOdisha pic.twitter.com/jfUUcFE3Nm
— ବାଣିଜ୍ଯ ଓ ପରିବହନ ବିଭାଗ । Commerce & Transport (@CTOdisha) September 14, 2019
ଟ୍ରାଫିକ ନିୟମ ମାନିବାରେ ଖୋଦ୍ ମୁଖ୍ୟମନ୍ତ୍ରୀ କିନ୍ତୁ ପଛରେ ନାହାନ୍ତି । ଆଜି ରାଜ୍ୟ ବାଣିଜ୍ୟ ଓ ପରିବହନ ବିଭାଗ ପକ୍ଷରୁ ମୁଖ୍ୟମନ୍ତ୍ରୀଙ୍କର ଏକ ଫଟୋ ଟୁଇଟ କରାଯାଇଛି, ଯେଉଁଥିରେ ମୁଖ୍ୟମନ୍ତ୍ରୀ ସିଟ୍ ବେଲ୍ଟ ବାନ୍ଧି ନିଜ ଗାଡ଼ିରେ ଯାତ୍ରା କରୁଥିବା ଦେଖିବାକୁ ମିଳୁଛି । ଏହି ଟୁଇଟରେ ଲେଖାଯାଇଛି କି ସଡ଼କ ନିରାପତ୍ତାର ଉଦାହରଣ ପ୍ରସ୍ତୁତ କରିଛନ୍ତି ମୁଖ୍ୟମନ୍ତ୍ରୀ ।