ଦିଲ୍ଲୀ: ଆଜି ପ୍ରବାସୀ ଓଡିଆ ସମ୍ମିଳନୀରେ ଯୋଗ ଦେବେ ମୁଖ୍ୟମନ୍ତ୍ରୀ ନବୀନ ଏବଂ ରାଷ୍ଟ୍ରପତିଙ୍କ ମଧ୍ୟାହ୍ନ ଭୋଜନରେ ହେବେ ସାମିଲ
କନକ ବ୍ୟୁରୋ : ଦିନ ୨ ଟାରୁ ୩ ଟା ଯାଏଁ ଏକ ଘଂଟା କାଳ ରାଷ୍ଟ୍ରପତି ଭବନରେ ରହିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହାପରେ ସେ ପ୍ରବାସୀ ଓଡିଶା ସମ୍ମିଳନୀରେ ଯୋଗ ଦେବାକୁ ଯିବେ । ତେବେ ନବୀନଙ୍କୁ ରାଷ୍ଟ୍ରପତି ଭବନ ଡକରାକୁ ନେଇ ଚର୍ଚ୍ଚା ଜୋର ଧରିଛି । ତେବେ ଡକରା ନେଇ ନବୀନ କହିଛନ୍ତି, ସେ ରାଷ୍ଟ୍ରପତିଙ୍କ ଡାକରା ପାଇ ଦିଲ୍ଲୀ ଯାଇଛନ୍ତି, ଉଦ୍ଦେଶ୍ୟ ସମ୍ପର୍କରେ କିଛି ଜାଣିନାହିଁ ।
Kanak News is now on WhatsApp
Join and get latest news updates delivered to you via WhatsApp
ତେବେ ଆସନ୍ତା ଜୁଲାଇ ମାସରେ ରାଷ୍ଟ୍ରପତି ନିର୍ବାଚନ ଥିବାରୁ ପ୍ରଣବ ମୁଖାର୍ଜୀ ନବୀନଙ୍କୁ ନିମନ୍ତ୍ରଣ କରିଥିବା ଚର୍ଚ୍ଚା ହେଉଛି । ଦ୍ୱିତୀୟଥର ପାଇଁ ପ୍ରଣବ ମୁଖାର୍ଜୀ ରାଷ୍ଟ୍ରପତି ହେବାକୁ ଇଚ୍ଛୁକ ଥିବା ବିଭିନ୍ନ ମହଲରେ ଆଲୋଚନା ହେଉଛି ଏବଂ ନିର୍ବାଚନରେ ଏଆଇଏଡିଏମକେ, ବିଜେଡି, ଟିଏମ୍ସି ଗୁରୁତ୍ୱପୂଣ୍ଣð ଭୂମିକା ନେବେ । ଫଳରେ ମଧ୍ୟାହ୍ନ ଭୋଜନ ଆଳରେ ପ୍ରଣବ-ନବୀନ ଆଲୋଚନା କରିବା ଶୁଣାଯାଉଛି ।
ଦିଲ୍ଲୀ ଗସ୍ତ ଅବସରରେ କେନ୍ଦ୍ର ଶକ୍ତି ମନ୍ତ୍ରୀ ପିୟୁଷ ଗୋଏଲଙ୍କୁ ଭେଟିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ରାଜ୍ୟର ବିଭିନ୍ନ ଗ୍ରାମାଂଚଳରେ କିଭଳି ଆବଶ୍ୟକ ବିଦ୍ୟୁତ୍ ସେବା ପହଁଚିପାରିବ ନେଇ କେନ୍ଦ୍ରମନ୍ତ୍ରୀଙ୍କ ସହ ଆଲୋଚନା କରିଛନ୍ତି ନବୀନ ।