ଚାଇନାର ‘ଚିକେନ ପ୍ୟାରେଣ୍ଟିଙ୍ଗ’ ନିଶା: ଶିଶୁଙ୍କୁ ଦିଆଯାଉଛି କୁକୁଡା ରକ୍ତ
କନକ ବ୍ୟୁରୋ: ନିଜକୁ ଶକ୍ତିଶାଳୀ ଓ ବିଚକ୍ଷଣ କରିବାକୁ ଚାଇନାରେ ଲୋକେ ବିଚିତ୍ର କାଣ୍ଡ କରୁଥିବା ଅନେକ ନଜିର ରହିଛି । ଏବେ ଚୀନର ଆଉ ଏକ କାରନାମା ଯାହା ଆପଣଙ୍କୁ ଚମକାଇ ଦେବ । ସୁପରକିଡ୍ ବନାଇବାକୁ ଏଠିକାର ଶିଶୁଙ୍କୁ ଦିଆଯାଉଛି କୁକୁଡା ରକ୍ତର ଇଂଜେକ୍ସନ୍ ।
Kanak News is now on WhatsApp
Join and get latest news updates delivered to you via WhatsApp
ଚୀନ, ଏମିତି ଏକ ଦେଶ ଯିଏ କିଛି ଭିନ୍ନ କରି ଦେଖାଇବା ନିଶାରେ ଅଜବଅଜବ ଘଟଣା ଘଟାଉଥିବା ସମସ୍ତେ ଜାଣିଥିବେ । ଦୁନିଆଁକୁ ଟକ୍କର ଦେବାକୁ ଚୀନ ସବୁବେଳେ ଏମିତି କିଛି କରେ ଯାହା ଅତି ବିଚିତ୍ର ।ଏଠିକାର ଖାଇବା ପିଇବା କଥା ତ ନକହିବା ଭଲ । ନିଜକୁ ଧୂର୍ତ୍ତ , ବିଚକ୍ଷଣ ଓ ଶକ୍ତିଶାଳୀ କରିବାକୁ ଏଠିକାର ଲୋକେ କେତେବେଳେ ପୋକ ଖାଇଲେଣି ତ ଆଉ କେତେବେଳେ ସାପକୁ ସୁପ କରି ପିଇଲେଣି । ଆଉ କେବେ ଘୁଷୁରି, କୁମ୍ଭୀରଙ୍କୁ ଗୋଟା ପୋଡି ରୋଷ୍ଟ କରି ଖାଆନ୍ତି । ଜିଅନ୍ତା ଅକ୍ଟୋପସକୁ ଖାଇବାର ଅନେକ ଦୃଶ୍ୟ ଆପଣ ସୋସିଆଲ ମିଡିଆରେ ଦେଖିଥିବେ । କୁକୁର, ବାଦୁଡି କେହି ବି ଏମାନଙ୍କ ମେନୁରୁ ବାଦ ପଡନ୍ତି ନାହିଁ । ଏବେ ନିକଟରେ ଆଉ ଏକ ଖବର ସୋସିଆଲ ମିଡିଆରେ ବ୍ୟାପିବାରେ ଲାଗିଛି । ତାହା ହେଉଛି ଚାଇନାର ‘ଚିକେନ୍ ପ୍ୟାରେଣ୍ଟିଙ୍ଗ ‘ ।
ଚାଇନାରେ ପିଲାମାନଙ୍କୁ କୁକୁଡା ରକ୍ତର ଇଂଜେକ୍ସନ୍ ‘ ଦ କିୟୋର ଅଲ୍ ଥିରାପି ଫର୍ ଚାଇନିଜ୍ କିଡ୍ସ’ ଲଗାଇବାକୁ ଅଭିଭାବକଙ୍କ ଭିତରେ ଲାଗିଛି ପ୍ରତିଯୋଗିତା । ଆପଣଙ୍କୁ ଏହା ଶୁଣିବାକୁ ଅଡୁଆ ଲାଗୁଥିଲେ ବି ସତ । ସିଙ୍ଗାପୋର ପୋଷ୍ଟର ଏକ ରିପୋର୍ଟ ମୁତାବକ, କୁକୁଡା ରକ୍ତରେ ବହୁ ପରିମାଣରେ ଷ୍ଟେରଏଡ୍ ରହିଛି, ଯାହାଦ୍ୱାରା ପିଲାମାନେ ସୁପରକିଡ୍ କରାଯାଇପାରିବ । ଏଥିରେ ଥିବା ଷ୍ଟେରଏଡ୍ ପିଲାମାନଙ୍କୁ କ୍ରୀଡା କ୍ଷେତ୍ରରେ ଉତ୍ତମ ପ୍ରଦର୍ଶନ ପାଇଁ ବିଶେଷ ସହାୟକ ହୋଇଥାଏ । ଆଉ ଏକ ଗଣମାଧ୍ୟମ ରିପୋର୍ଟ ମୁତାବକ, ପିଲାମାନଙ୍କୁ କୁକୁଡା ରକ୍ତ ଇଂଜେକ୍ସନ ଦିଆଗଲେ ସେମାନଙ୍କର ଅନେକ ଶାରୀରିକ ସମସ୍ୟା ଦୂର ହେବା ସହ ସେମାନେ ଚୁସ୍ତି ଫୁର୍ତ୍ତି ହୋଇପାରନ୍ତି । ପିଲାମାନଙ୍କ ଠାରେ ଜୀବନସାରା ଚନ୍ଦାପଣ ସମସ୍ୟା ହେଖାଦିଏ ନାହିଁ । ତେବେ ଦେଖିବାକୁ ରହିଲା ଚାଇନାର ଏହି ନିଶା କେତେ ସଫଳ ହେଉଛି ।