ଈସାଈ କିମ୍ବା ଇସ୍ଲାମ ଧର୍ମ ପରିବର୍ତ୍ତନ କରୁଥିବା ଦଳିତ ମାନଙ୍କୁ ମିଳିବନି ସଂରକ୍ଷଣ ସୁବିଧା । ସଂରକ୍ଷିତ ଆସନରୁ ଲଢି ପାରିବେନି ନିର୍ବାଚନ
କନକ ବ୍ୟୁରୋ : ଅନୁସୂଚିତ ଜାତିକୁ ନେଇ ରାଜ୍ୟସଭାରେ ବଡ ବୟାନ ରଖିଛନ୍ତି ଆଇନମନ୍ତ୍ରୀ ରବିଶଂକର ପ୍ରସାଦ । ଆଜି ରାଜ୍ୟସଭାରେ ଶ୍ରୀ ପ୍ରସାଦ କହିଛନ୍ତି କି ଯଦି ଅନୁସୂଚିତ ଜାତିର କୌଣସି ବ୍ୟକ୍ତି ଈସାଈ କିମ୍ବା ଇସ୍ଲାମ ଧର୍ମ ଗ୍ରହଣ କରେ ତେବେ ତାକୁ ସଂରକ୍ଷଣ ସୁବିଧାରୁ ବଞ୍ଚିତ କରାଯିବ । ଏହା ସହ ସେମାନେ ସଂରକ୍ଷଣ ସଂସଦୀୟ କିମ୍ବା ବିଧାନସଭା ଆସନରୁ ନିର୍ବାଚନ ଲଢି ପାରିବେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଆଜି ରାଜ୍ୟସଭାରେ ବିଜେପି ସାଂସଦ ଯିବିବେଲ ନରସିଂହ ରାଓଙ୍କ ପ୍ରଶ୍ନର ଉତ୍ତର ଦେଇ ରବିଶଂକର ପ୍ରସାଦ କହିଥିଲେ ଯେଉଁମାନେ ହିନ୍ଦୁ, ଶିଖ ଓ ବୌଦ୍ଧ ଧର୍ମ ଗ୍ରହଣ କରିଛନ୍ତି ସେମାନେ ଅନୁସୂଚିତ ଜାତି ପାଇଁ ସଂରକ୍ଷିତ ଥିବା ଆସନରୁ ନିର୍ବାଚନ ଲଢି ପାରିବେ । ଉପରୋକ୍ତ ଧର୍ମରେ ସାମିଲ ହୋଇଥିବା ଲୋକଙ୍କୁ ସଂରକ୍ଷଣର ସୁବିଧା ମିଳିବ ।
ଏହା ସହ ସଂରକ୍ଷିତ ସାମ୍ବିଧାନିକ କ୍ଷେତ୍ରରୁ ନିର୍ବାଚନ ଲଢିବା ନେଇ ଥିବା ମାପଦଣ୍ଡ ବାବଦରେ ଶ୍ରୀ ପ୍ରସାଦ କହିଛନ୍ତି କି ସମ୍ବିଧାନରେ ଥିବା ଅନୁସୂଚିତ ପାରା ୩ ଅନୁଯାୟୀ କୌଣସି ବ୍ୟକ୍ତି ଯଦି ହିନ୍ଦୁ, ଶିଖ୍ କିମ୍ବା ବୌଦ୍ଧ ଧର୍ମ ବ୍ୟତିତ ଅନ୍ୟ ଧର୍ମକୁ ନେଇ ଦାବି କରେ ତାହେଲେ ତାକୁ ଅନୁସୂଚିତ ଜାତିର ସଦସ୍ୟ ଭାବେ ଗ୍ରହଣ କରାଯାଇ ପାରିବ ନାହିଁ ।
ଏଭଳି ଏକ ମାମଲାକୁ ନେଇ ୨୦୧୫ ମସିହାରେ ଅଦାଲତ ତାଙ୍କ ମତ ରଖିଥିଲେ । ଅଦାଲତ କହିଥିଲେ କି ଯଦି କୌଣସି ବ୍ୟକ୍ତି ହିନ୍ଦୁ ଧର୍ମ ଛାଡି ଇସାଇ ଧର୍ମ ଗ୍ରହଣ କରେ ତେବେ ତା ପାଇଁ ଆର୍ଥିକ ଓ ସାମାଜିକ ସମସ୍ୟା ଉପୁଜିଥାଏ । ଏଭଳି ପରିସ୍ଥିତିରେ ତାଙ୍କୁ କୌଣସି ସୁରକ୍ଷା ଦେବାର ଆବଶ୍ୟକତା ନାହିଁ । ରବିଶଙ୍କର ସ୍ପଷ୍ଟ କରିଛନ୍ତି କି ଇସ୍ଲାମ ଓ ଈସାଈ ଧର୍ମ ଗ୍ରହଣ କରୁଥିବା ଦଳିତ ଓ ହିନ୍ଦୁ ଧର୍ମ ଗ୍ରହଣ କରୁଥିବା ଦଳିତ ମାନଙ୍କ ମଧ୍ୟରେ ପାର୍ଥକ୍ୟ ରହିଛି ।