କନକ ବ୍ୟୁରୋ : କୋଭିଡ୍ ଟିକା ନେବାକୁ ମନା କଲେ ବ୍ରାଜିଲ୍ ରାଷ୍ଟ୍ରପତି ଜାୟାର ବୋଲସୋନାରୋ । ସେ ଟିକା ନେବେ ନାହିଁ ବୋଲି ସ୍ପଷ୍ଟ କରିଛନ୍ତି । ବ୍ରାଜିଲ ରାଷ୍ଟ୍ରପତି କହିଛନ୍ତି, ଟିକା ନେବାର କୌଣସି ଆବଶ୍ୟକତା ନାହିଁ । ତାଙ୍କ ପାଖରେ ରୋଗ ପ୍ରତିରୋଧକ ଶକ୍ତି ଅଧିକ ରହିଛି । ଟିକା କାହିଁକି ନେବେ ବୋଲି ପ୍ରଶ୍ନ କରିଛନ୍ତି । ବ୍ରାଜିଲ୍ର ଶେଷ ନାଗରିକ ଭାବେ କରୋନା ଟିକା ନେବେ ବୋଲି ପୂର୍ବରୁ ଘୋଷଣା କରିଥିଲେ ବ୍ରାଜିଲ୍ ରାଷ୍ଟ୍ରପତି ଜାୟାର ବୋଲସୋନାରୋ । ଏବେ ଟିକା ନେବେ ନାହିଁ ବୋଲି ଏକ ସାକ୍ଷାତକାରରେ ସ୍ପଷ୍ଟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କରୋନାରୁ ଲଢିବା ପାଇଁ ତାଙ୍କ ଶରୀରରେ ଅଧିକ ଆଂଟିବଡି ରହିଛି ବୋଲି ବାରମ୍ବାର ଦାବି କରିଛନ୍ତି ବ୍ରାଜିଲ୍ ରାଷ୍ଟ୍ରପତି । ସେ କହିଛନ୍ତି ଟିକା ନେବାର ଅର୍ଥ କିଛି ପାଇବା ପାଇଁ ଲଟେରୀରେ ଟଙ୍କା ଖର୍ଚ୍ଚ କରିବା । ୨୧ କୋଟିରୁ ଅଧିକ ଜନସଂଖ୍ୟା ବିଶିଷ୍ଟ ବ୍ରାଜିଲରେ ବର୍ତମାନ ସୁଦ୍ଧା ପାଖାପାଖି ୧୦ କୋଟି ଲୋକ କରୋନା ଟିକା ନେଇ ସାରିଲେଣି । ପାଖାପାଖି ୫ କୋଟି ଲୋକ କୋଭିଡ୍ ଟିକାର ଗୋଟିଏ ଡୋଜ୍ ନେଇଛନ୍ତି । ଦେଶରେ କୋଭିଡ୍ ଯୋଗୁ ୬ ଲକ୍ଷରୁ ଅଧିକ ଲୋକଙ୍କ ମୃତ୍ୟୁ ହୋଇଛି । ଆମେରିକା ପରେ ଦ୍ୱିତୀୟ ଦେଶ ଭାବେ ବ୍ରାଜିଲରେ କରୋନାରେ ଅଧିକ ଲୋକଙ୍କ ଜୀବନ ଯାଇଛି ।