ମହିଳାଙ୍କ ଶାରୀରିକ ଗଠନ ୩୬-୨୪-୩୬ ହେବା ଉଚିତ୍ ! ବିବାଦରେ ସିବିଏସଇ ଦ୍ୱାଦଶ ଶ୍ରେଣୀ ସିଲାବସ୍
କନକ ବ୍ୟୁରୋ : ସ୍କୁଲ ଛାତ୍ର ପଢୁଛନ୍ତି ମହିଳାଙ୍କ ଶରୀର ଗଠନର ପାଠ । କୋମଳମତି ଛାତ୍ର ଶିଖୁଛନ୍ତି ମହିଳାଙ୍କ ଶରୀର ଗଠନ କେମିତି ହେବା ଉଚିତ । ଆଉ ମହିଳାଙ୍କ ଶରୀରର ସବୁଠୁ ଭଲ ଗଠନ କଣ । ସିବିଏସଇ ଟେକ୍ସଟ୍ ବୁକ୍ ପାଠ୍ୟକ୍ରମରେ ରହିଛି ଏଭଳି ବିଷୟ । ବହିର ନାଁ ରହିଛି ‘ହେଲଥ ଆଣ୍ଡ୍ ଫିଜିକାଲ ଏଜୁକେସନ୍’ ।
Kanak News is now on WhatsApp
Join and get latest news updates delivered to you via WhatsApp
ସିବିଏସଇ ଦ୍ୱାଦଶ ଶ୍ରେଣୀ ପାଇଁ ଉଦ୍ଦିଷ୍ଟ ଏହି ବହିରେ ରହିଛି ମହିଳାଙ୍କ ସବୁଠାରୁ ଭଲ ଶରୀର ଗଠନ ହେଉଛି ୩୬-୨୪-୩୬ । ଆଉ ବିଶ୍ୱ ସୁନ୍ଦରୀ କିମ୍ବା ବ୍ରହ୍ମାଣ୍ଡ ସୁନ୍ଦରୀ ପ୍ରତିଯୋଗିତାରେ ଏଭଳି ଗଠନକୁ ବିଚାରକୁ ନିଆଯାଇଥାଏ ବୋଲି ମଧ୍ୟ ପୁସ୍ତକରେ ଉଲ୍ଲେଖ ରହିଛି । ଦିଲ୍ଲୀସ୍ଥିତ ‘ନିୟୂ ସରସ୍ୱତୀ ହାଉସ’ ପକ୍ଷରୁ ପ୍ରକାଶିତ ଏହି ପୁସ୍ତକଟିର ଲେଖକ ହେଉଛନ୍ତି ଡକ୍ଟର ଭିକେ ବର୍ମା ।
ତେବେ ସିବିଏସଇ ପାଠ୍ୟକ୍ରମରେ ଏହି ପୁସ୍ତକକୁ ସାମିଲ ନେଇ ବିବାଦ ଜୋର ଧରିଛି । ସ୍କୁଲ ଛାତ୍ରଛାତ୍ରୀଙ୍କୁ ଏଭଳି ବିଷୟ ଶିକ୍ଷା ଦେବାକୁ ସୋସିଆଲ ମିଡିଆରେ ସମାଲୋଚନା କରାଯାଇଛି । ଛୋଟ ପିଲାଙ୍କୁ ଏହା ଭୁଲ ଦିଗରେ ପରିଚାଳିତ କରିପାରେ ବୋଲି ଆଶଙ୍କା ପ୍ରକାଶ କରିଛନ୍ତି ଅଭିଭାବକ ଓ ବୁଦ୍ଧିଜୀବୀ । ତେଣୁ ସିବିଏସଇ ପାଠ୍ୟକ୍ରମରୁ ଏହି ପୁସ୍ତକକୁ ବାଦ୍ ଦେବାକୁ ସୋସିଆଲ ମିଡିଆରେ ଦାବି ହୋଇଛି ।