ଗୋବିନ୍ଦଙ୍କ ବିରୋଧରେ ଆସିଲା ସାଂଘାତିକ ଅଭିଯୋଗ: ଟ୍ରାକ୍ଟର ଚପାଇ ଝିଅକୁ ହତ୍ୟା କରିଥିବା କହିଲେ ବଲାଙ୍ଗିରର ମୋତିଲାଲ ନାଏକ
କନକ ବ୍ୟୁରୋ: ମମିତା ହତ୍ୟା ମାମଲାରେ ଗିରଫ ଗୋବିନ୍ଦ ସାହୁ ନାଁରେ ପୁଣିଏକ ସାଂଘାତିକ ଅଭିଯୋଗ । ଅଷ୍ଟମ ଶ୍ରେଣୀରେ ପଢୁଥିବା ରାଜେଶ୍ୱରୀ ନାୟକଙ୍କୁ ୨୦୦୦ ମସିହା ଅଗଷ୍ଟ ୮ ତାରିଖରେ ଗୋବିନ୍ଦ ହତ୍ୟା କରିଥିବା ଅଭିଯୋଗ ଆଣିଛନ୍ତି ତାଙ୍କ ବାପା । ବଲାଙ୍ଗୀରର ମୋତିଲାଲ ନାୟକ କହିଛନ୍ତି ଭାଇ ମୀନ ସାହୁକୁ ଲଗାଇ ଝିଅ ରାଜେଶ୍ୱରୀଙ୍କୁ ଟ୍ରାକ୍ଟର ଚଢାଇ ଅତି ନିର୍ମମ ଭାବେ ହତ୍ୟା କରିଥିଲା ଗୋବିନ୍ଦ ।
Kanak News is now on WhatsApp
Join and get latest news updates delivered to you via WhatsApp
ଏନେଇ ସେ କେ ଗାଁ ଥାନାରେ ଏତଲା ଦେଇଥିଲେ ମଧ୍ୟ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିଲା ବୋଲି କହିଛନ୍ତି ମୋତିଲାଲ । ୧୯୯୭ ପଂଚାୟତ ନିର୍ବାଚନରେ ମୋତିଲାଲଙ୍କ ଭାଇ ସମିତି ସଭ୍ୟ ଭାବେ ବିଜୟୀ ହୋଇଥିଲେ । ଆଉ ପରାଜିତ ହୋଇଥିଲେ ଗୋବିନ୍ଦ ସାହୁର ସମର୍ଥିତ ପ୍ରାର୍ଥୀ ନୃପରାଜ ସିଂହ । ଏହି ପରାଜୟରେ ଉତକ୍ଷିପ୍ତ ହୋଇ ପଂଚାୟତ ସମିତି ଷ୍ଟ୍ରଙ୍ଗରୁମରେ ଥିବା ଭୋଟ୍ ବାକ୍ସକୁ ପେଟ୍ରୋଲ ଢାଳି ପୋଡି ଦଇଥିଲା ଗୋବିନ୍ଦ ।
ଏଥିସହ ମୋତିଲାଲ ଓ ତାଙ୍କ ପରିବାର ଉପରେ ରାଗ ରଖି ଝିଅକୁ ହତ୍ୟା କରିଥିଲା ବୋଲି କହିଛନ୍ତି ମୋତିଲାଲ ନାୟକ । ଗୋବିନ୍ଦ ସାହୁ ଜଣେ ଛୋଟିଆ ଠିକାଦାର ଭାବେ ପ୍ରଥମେ କାମ ଆରମ୍ଭ କରିଥିବାବେଳେ ଜେଇମାନଙ୍କୁ ବିଭିନ୍ନ ବାଟରେ ବ୍ଲାକମେଲ କରୁଥିଲା ବୋଲି ସେ ସାଂଘାତିକ ଅଭିଯୋଗ କରିଛନ୍ତି ।