ଦିବ୍ୟାଙ୍ଗଙ୍କୁ ଯୌନ ନିର୍ଯାତନା ମାମଲା । ଆସିଲା ଯୌନ ଶୋଷଣର ସାଂଘାତିକ ଅଭିଯୋଗ । ସୁରେଶ ଫେରାର, ବନ୍ଧା ହେଲେ ମଧୁମଂଜରୀ ଧଳ
କନକ ବ୍ୟୁରୋ: ଏୟାରପୋର୍ଟ ଥାନାରୁ ମହିଳା ଅଭିଯୁକ୍ତକୁ ଘୋଷାଡି ଘୋଷାଡି ନେଲା ପୋଲିସ । ମହିଳା ଜଣକ ଏଭଳି କିଛି କାମ କରିଛନ୍ତି ଯେଉଁଥିପାଇଁ ପୋଲିସ ତାଙ୍କୁ ଗିରଫ କରି କୋର୍ଟ ଚାଲାଣ କରିଛି । ମହିଳା ଜଣଙ୍କ ହେଉଛନ୍ତି ନିଖିଳ ଉକ୍ରଳ ଶାରିରିକ ଭିନ୍ନକ୍ଷମ କଲ୍ୟାଣ ମହାସଂଘର ଫେରାର ସମ୍ପାଦକ ସୁରେଶ ବେହେରାଙ୍କ ସହଯୋଗୀ ମଧୁମଂଜରୀ ଧଳ ।
Kanak News is now on WhatsApp
Join and get latest news updates delivered to you via WhatsApp
ଉଭୟ ମିଶି ଭିନ୍ନକ୍ଷମ ମହିଳାଙ୍କୁ ଯୌନ ନିର୍ଯାତନା ସହ ଯୌନଶୋଷଣରେ ଲିପ୍ତ ହେବା ପାଇଁ ବାଧ୍ୟ କରୁଥିବାର ସାଂଘାତିକ ଅଭିଯୋଗ ଆସିଛି । ଏହାପରେ ଏହି ଘଟଣାରେ ସୁରେଶ ଫେରାର ଥିବା ବେଳେ ତାର ସହଯୋଗୀ ମଧୁକୁ ବାନ୍ଧିଛି ଏୟାରପୋର୍ଟ ଥାନା ପୋଲିସ । ଏହି ମହିଳାଙ୍କ ବିରୋଧରେ ଲାଗିଛି ସଙ୍ଗିନ ଓ ସାଂଘାତିକ ଦଫା । ଆଇପିସିର ଦଫା ୩୪୧-କାହାକୁ ଅଟକାଇବା, ୨୯୪-ଗାଳିଗୁଲଜ, ୩୫୪-ଅସଦାଚରଣ , ୫୦୬-ହତ୍ୟା ଧମକ, ୫୦୯-ଅଶ୍ଲିଳ ଇଙ୍ଗିତ, ୧୦୯-ସନ୍ଦେହପୂର୍ଣ୍ଣ କାର୍ଯ୍ୟକଳାପ, ୧୨୦-ବି -ଅପରାଧିକ ଷଡଯନ୍ତ୍ର ଦଫାରେ ତାକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।
ତେବେ ସୁରେଶ ଗଲା କୁଆଡେ ତାର ଖୋଜ ଖବର ପାଉନି ପୋଲିସ । ମୁଖ୍ୟ ସହେଯାଗୀକୁ ଗିରଫ କରିବା ଏବଂ ଥାନାରେ ମାଳ ମାଳ ଅଭିଯୋଗ ଆସିବା ପରେ ଏବେ ସୁରେଶକୁ ଧରିବା ପୋଲିସ ପାଇଁ ଚ୍ୟାଲେଂଜ ହୋଇଛି । ନୂଆପଡା ସିନାପାଲ୍ଲୀ ଅଂଚଳର ଜଣେ ଦିବ୍ୟାଙ୍ଗ ଯୁବତୀ ଏହି ଅନୁଷ୍ଠାନରେ ବିୟୁଟି ପାର୍ଲର ଇନଷ୍ଟ୍ରକଟର ପଦରେ ଚାକିରି କରିଥିଲେ । ତତକାଳୀନ ସମ୍ପାଦକ ସୁରେଶ ବେହେରା ତାଙ୍କୁ ଅସଦାଚରଣ କରିଥିବା ଅଭିଯୋଗ ହୋଇଥିଲା ।