କଟକରେ ଚାଞ୍ଚଲ୍ୟ: ୨୪ ଘଣ୍ଟା ମଧ୍ୟରେ ୩ ହତ୍ୟା; ଆଜି ଓଏମପି ଓଭରବ୍ରିଜ ତଳୁ ବେକ କଟା ଅବସ୍ଥାରେ ମିଳିଲା ୨ଜଣଙ୍କ ମୃତଦେହ
ଜଣକର ଗୁରୁତର ଅବସ୍ଥାରେ ଏସସିବିରେ ମୃତ୍ୟୁ; ଗତକାଲି ରାଣୀହାଟରୁ ମିଳିଲା ଜଣକ ମୃତଦେହ
କନକ ବ୍ୟୁରୋ: ସିଲିଭର ସିଟିରେ ବିପର୍ଯ୍ୟସ୍ତ ହୋଇପଡିଛି ଆଇନ୍ ଶୃଂଖଳା । ଲଗାତର ଦୁଇ ଦିନ ଭିତରେ ତିନିଟି ତିନିଟି ହତ୍ୟାକଣ୍ଡ ଘଟି ଯାଇଛି କଟକ ସହରରେ । ଗତକାଲି ଦୁର୍ବୃତ୍ତ ମାନେ ରାଣୀହାଟ ତାଳଦଣ୍ଡା କେନାଲ ନିକଟରେ ଜଣେ ଯୁବକଙ୍କୁ ଗଳାକାଟି ହତ୍ୟା କରିଥିବା ବେଳେ ଆଜି ପୁଣି ଓଏମପି ଓଭରବ୍ରଜି୍ ନିକଟରେ ହୋଇଛି ଆଉ ଦୁଇଟି ହତ୍ୟାକାଣ୍ଡ । ତେବେ ଜଣଙ୍କର ବେକ କଟା ମୃତଦେହ ମିଳିଥିବା ବେଳେ ଅନ୍ୟଜଣଙ୍କୁ ଗୁରୁତର ଅବସ୍ଥାରେ ଏସସିବିରେ ଭର୍ତ୍ତି କରାଯାଇଥିଲା, ପରେ ସେଠାରେ ତାଙ୍କର ମୃତ୍ୟୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ କଟକ ଭଳି ଏକ ଜନବହୁଳ ସହରରେ ଗୋଟିଏ ପରେ ଗୋଟିଏ ହତ୍ୟାକାଣ୍ଡ ଘଟିବା ଆଇନଶୃଂଖଳା ପରିସ୍ଥିତି ଉପରେ ଏକ ବଡ ପ୍ରଶ୍ନବାଚୀ ସୃଷ୍ଟି କରିଛି । ସେପଟେ, ଏନେଇ ପୁଲିସ୍ କମିଶନର ସତ୍ୟଜିତ ମହାନ୍ତି କହିଛନ୍ତି କି, ବିଳମ୍ବିତ ରାତିରେ ନିରାଶ୍ରୟମାନେ ଶୋଇଥିବା ସ୍ଥାନରେ ସୁରକ୍ଷା ବ୍ୟବସ୍ଥା କଡ଼ାକଡ଼ା କରାଯିବ । ଆବଶ୍ୟକ ପଡ଼ିଲେ ସ୍ଥାନୀୟ ଲୋକଙ୍କ ସହାୟତାରେ ନିରାଶ୍ରୟଙ୍କୁ ଯେକୌଣସି ଏକ ବଡ଼ ସ୍ଥାନରେ ଆଶ୍ରୟ ଦିଆଯିବ ବୋଲି କହିଛନ୍ତି ପୋଲିସ କମିଶନର ।