ଜାତୀୟ ଫିଲ୍ମ ମ୍ୟୁଜିୟମରେ ଓଡ଼ିଆ ଫିଲ୍ମକୁ ଅଣଦେଖା ପ୍ରସଙ୍ଗ । ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲା ଓଡ଼ିଶା ଫିଲ୍ମ ଉନ୍ନୟନ ନିଗମ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ହସ୍ତକ୍ଷେପ ଲୋଡିଛି-ଓଡ଼ିଶା ଫିଲ୍ମ ଉନ୍ନୟନ ନିଗମ
କନକ ବ୍ୟୁରୋ : ମୁମ୍ବାଇ ସ୍ଥିତ ଜାତୀୟ ଫିଲ୍ମ ମ୍ୟୁଜିୟମରେ ଓଡ଼ିଆ ଫିଲ୍ମ ସ୍ମାରକୀ ସ୍ଥାନ ନପାଇବା ପ୍ରସଙ୍ଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ହସ୍ତକ୍ଷେପ ଲୋଡିଛି-ଓଡ଼ିଶା ଫିଲ୍ମ ଉନ୍ନୟନ ନିଗମ । ପ୍ରଧାନମନ୍ତ୍ରୀଙ୍କୁ ଚିଠି ଲେଖି ମ୍ୟୁଜିୟମରେ ସ୍ଥାନ ଦେବାକୁ ଦାବି କରାଯାଇଛି । ପୁରସ୍କାର ପ୍ରାପ୍ତ ଓଡ଼ିଆ ଫିଲ୍ମ, ଓଡ଼ିଆ ଫିଲ୍ମ ନିର୍ମାତଙ୍କ ସଂପର୍କରେ ସୂଚନା ଏବଂ ଓଡ଼ିଆ ସିନେ କଳାକାରଙ୍କ ସଂପର୍କରେ ଏହି ମ୍ୟୁଜିୟମରେ ସ୍ଥାନ ଦେବା ନେଇ ଏହି ଚିଠିରେ ଲେଖାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ଓଡ଼ିଆ ଫିଲ୍ମ ଶିଳ୍ପ ୮୨ ବର୍ଷ ଅତିକ୍ରମ କରିସାରିଛି, ହେଲେ ଜାତୀୟ ସଂଗ୍ରହାଳୟରେ ଓଡ଼ିଆ ଫିଲ୍ମ ସ୍ଥାନ ନପାଇବାକୁ ନେଇ ଓଡ଼ିଶାରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ଗତ ୧୯ ତାରିଖରେ ଏହି ମ୍ୟୁଜିୟମ୍ ଉଦଘାଟନ କରିଥିଲେ ପ୍ରଧାନମନ୍ତ୍ରୀ ।