ସାଂଘାତିକ ହେଉଛି ସ୍ୱାଇନ୍ ଫ୍ଲୁ ! ପୁଣି ୨ମୁଣ୍ଡ ଗଡ଼ିବା ସହ ମୃତ୍ୟୁ ସଂଖ୍ୟା ୨୬ରେ ପହଁଚିଛି
କନକ ବ୍ୟୁରୋ : ରାଜ୍ୟରେ ସ୍ୱାଇନ୍ ଫ୍ଲୁ ସ୍ଥିତି ସାଂଘାତିକ ହେବାରେ ଲାଗିଛି । ଯେତେ ଯାହା କଲେ ବି ବୋଲ ମାନୁନି । ପ୍ରତ୍ୟକ ଦିନ ମୃତକଙ୍କ ସଂଖ୍ୟା ବଢ଼ିବାରେ ଲାଗିଛି । ପୁଣି ଦୁଇ ଜଣଙ୍କ ମୃତ୍ୟୁ ସହ ସ୍ୱାଇନ୍ ଫ୍ଲୁ ମୃତକଙ୍କ ସଂଖ୍ୟା ୨୬ରେ ପହଁଚିଛି । ଗତକାଲି ମୃତ୍ୟୁବରଣ କରିଥିବା ଦୁଇ ଜଣଙ୍କ ମଧ୍ୟରୁ ଜଣେ କଳିଙ୍ଗ ହସ୍ପିଟାଲରେ ଚିକିତ୍ସିତ ହେଉଥିବାବେଳେ ଅନ୍ୟ ଜଣେ କିମସ୍ ହସ୍ପିଟାଲରେ ଚିକିତ୍ସିତ ହେଉଥିଲେ ।
Kanak News is now on WhatsApp
Join and get latest news updates delivered to you via WhatsApp
କଳିଙ୍ଗ ହସ୍ପିଟାଲରେ ଚିକିତ୍ସିତ ହେଉଥିବା ବ୍ୟକ୍ତି ଜଣଙ୍କ ୮୬ ବର୍ଷର ବୃଦ୍ଧ ହୋଇଥିବାବେଳେ କିମସରେ ୫୫ ବର୍ଷିୟ ମହିଳା ଚିକିତ୍ସିତ ହେଉଥିଲେ । ସ୍ୱାସ୍ଥ୍ୟ ବିଭାଗର ସୂଚନା ଅନୁଯାୟୀ ଗତକାଲି ୨୯ଟି ସାମ୍ପୁଲ ପରୀକ୍ଷା ପାଇଁ ଯାଇଥିବାବେଳେ ସେଥିରୁ ୯ଟିରେ ପଜିଟିଭ୍ ବାହାରିଛି । ଏ ପର୍ଯ୍ୟନ୍ତ ୮୩୯ଟି ସାମ୍ପୁଲ ପରୀକ୍ଷା ହୋଇଥିବାବେଳେ ୨୯୦ଟି ସାମ୍ପୁଲ ପଜିଟିଭ୍ ବାହାରିଛି । ଏଥିରେ ଏସସିବି ମେଡିକାଲ କଲେଜ ଓ ହସ୍ପିଟାଲରେ ୨ଜଣ, ଆପୋଲୋରେ ୨ଜଣ, ସମ୍ ହସ୍ପିଟାଲରେ ଦୁଇ ଜଣ,କିମ୍ସରେ ଦୁଇ ଜଣ, କର କ୍ଲିନିକରେ ଜଣେ, ଅଶ୍ୱିନୀ ହସ୍ପିଟାଲରେ ଜଣେ ରୋଗୀଙ୍କର ସ୍ୱାଇନ୍ ଫ୍ଲୁ ନମୁନା ପଜିଟିଭ୍ ବାହାରିଛି ।
ଗତକାଲି ୯ଟି ସାମ୍ପୁଲ୍ ପଜିଟିଭ୍ ବାହାରିଥିବାବେଳେ ଏଥିରେ ୬ଜଣ ପୁରୁଷ ଏବଂ ୩ଜଣ ମହିଳା ଅଛନ୍ତି । ପୁରୁଷଙ୍କ ମଧ୍ୟରେ ଜଣେ ୩ ବର୍ଷର ଶିଶୁ ଅଛି । ସେହିପରି ବାକି ୫ଜଣଙ୍କର ବୟସ ୪୦,୪୫,୫୨,୫୭ ଓ ୮୦ ବର୍ଷ ବୋଲି ଜଣାପଡ଼ିଛି । ସାମ୍ପୁଲ୍ ପଜିଟିଭ୍ ଥିବା ମହିଳାଙ୍କ ବୟସ ୩୬, ୩୮ ଓ ୫୫ ବର୍ଷ ବୋଲି ଜଣାପଡ଼ିଛି । ଗତକାଲି ସ୍ୱାଇନ୍ ଫ୍ଲୁ ପଜିଟିଭ୍ ବାହାରିଥିବା ଲୋକଙ୍କ ମଧ୍ୟରୁ କେନ୍ଦୁଝରର ୨ଜଣ, ଜଗତସିଂହପୁରର ୨ଜଣ, ଖୋର୍ଦ୍ଧାରେ ୨ଜଣ, ନୟାଗଡ଼ରେ ଜଣେ, ଗଞ୍ଜାମରେ ଜଣେ ଏବଂ ସୁନ୍ଦରଗଡ଼ର ଜଣେ ଅଛନ୍ତି ବୋଲି ଜଣାପଡ଼ିଛି ।