ପାହାଡ଼ ଖୋଳି ବାହାରିଲା ୩୯ ଜଣଙ୍କ ଶବ : ମୋସୁଲରେ ଭାରତୀୟ ଶ୍ରମିକଙ୍କ ହତ୍ୟାର ହୃଦୟବିଦାରକ କାହାଣୀ
କନକ ବ୍ୟୁରୋ : ପାହାଡ଼ ଖୋଳି ବାହାର କରାଗଲା ୩୯ ଜଣ ଭାରତୀୟଙ୍କ ଶବ । ମୋସୁଲରେ ୩୯ ଜଣ ଭାରତୀୟ ଶ୍ରମିକଙ୍କୁ ହତ୍ୟାକରାଯାଇଥିଲା । ଅପହୃତ ୩୯ ଜଣ ଭାରତୀୟ ଶ୍ରମିକଙ୍କୁ ଆଇଏସଆଇଏସ୍ ଆତଙ୍କବାଦୀ ମାରିଛନ୍ତି ବୋଲି କହିଛନ୍ତି ବୈଦେଶିକ ମନ୍ତ୍ରୀ ସୁଷମା ସ୍ୱରାଜ । ଇରାକର ମୋସୁଲରେ ୩୯ ଜଣ ଭାରତୀୟ ଶ୍ରମିକଙ୍କୁ ଅପହରଣ କରାଯାଇଥିଲା । ଆଜି ବୈଦେଶିକ ମନ୍ତ୍ରୀ ସୁଷମା ସ୍ୱରାଜ ରାଜ୍ୟସଭାରେ ଏନେଇ ସ୍ପଷ୍ଟ ସୂଚନା ରଖିଛନ୍ତି । ମୃତ୍ୟୁବରଣ କରିଥିବା ଭାରତୀୟଙ୍କୁ ଆଇଏସଆଇଏସ ଆତଙ୍କବାଦୀମାନେ ୨୦୧୪ରେ ଅପହରଣ କରିଥିଲେ । ମୋସୁଲ ଆଇଏସଆଇଏସ୍ କବଜାରେ ରହିବା ପରେ ଜୁନ ୨୦୧୪ରେ ୩୯ ଭାରତୀୟ ଶ୍ରମିକଙ୍କୁ ଅପହରଣ କରିଯାଇଥିବାର ଖବର ଆସିଥିଲା ।
Kanak News is now on WhatsApp
Join and get latest news updates delivered to you via WhatsApp
ଆଉ ଉକ୍ତ ଶ୍ରମିକଙ୍କ ମଧ୍ୟରୁ ହରଜିତ ସିଂ ନାମକ ବ୍ୟକ୍ତି ଆଇଏସଆଇଏସ କବଳରୁ ବାହାରି ଆସିବାରେ ସଫଳ ହୋଇଥିଲା । ଭାରତ ଆସି ହରଜିତ ଦାବି କରିଥିଲେ ସମସ୍ତ ୩୯ ଜଣ ଭାରତୀୟ ଶ୍ରମିକଙ୍କୁ ଗୁଳି ମାରି ହତ୍ୟା କରିଦିଆଯାଇଛି । ଯେଉଁ ୩୯ ଜଣ ଭାରତୀୟଙ୍କୁ ଆଇଏଆଇଏ ଆତଙ୍କବାଦୀମାନେ ଅପହରଣ କରିଥିଲେ, ସେଥିମଧ୍ୟରୁ ୨୨ ଜଣ ପଞ୍ଜାବର ଗୁରଦାସପୁର, ଅମୃତସର, ହୋସିଆରପୁର, କପୁରଥାଲା ଓ ଜଲଂନ୍ଧରରୁ ଥିଲେ ବୋଲି ଜଣାପଡ଼ିଛି । ବିଗତ ବର୍ଷ ଜେନେରାଲ ବିକେ ସିଂ ଉକ୍ତ ଭାରତୀୟଙ୍କ ଅନୁସନ୍ଧାନ ପାଇଁ ମୋସୁଲ ଯାଇଥିଲା ।
ବୈଦେଶିକ ମନ୍ତ୍ରୀ ସୁଷମା ସ୍ୱରାଜ କହିଛନ୍ତି, ଅପହୃତ ହୋଇଥିବା ଭାରତୀୟଙ୍କୁ ଆଇଏସଆଇଏସ୍ ମାରିଛନ୍ତି । ଡିଏନଏମ ସାମ୍ପଲ ଜରିଆରେ ଶବଗୁଡ଼ିକର ଚିହ୍ନଟ ହୋଇଛି । ୩୯ ଜଣରୁ ୩୮ ଜଣଙ୍କ ଡିଏନଏ ମ୍ୟାଚ ହୋଇଛି । ୩୯ ନମ୍ବର ବ୍ୟକ୍ତିଙ୍କ ବିଷୟରେ ଯାଂଚ ଜାରି ରହିଛି । ସୁଷମା କହିଛନ୍ତି, ପାହାଡ଼ ଖୋଳିବା ପରେ ଭାରତୀୟଙ୍କ ଶବକୁ ବାହାର କରାଯାଇଥିଲା । ଜେନେରାଲ ବିକେ ସିଂ ସେଠାକୁ ଯାଇ ପ୍ରମାଣ ଖୋଜିବାରେ ବହୁତ ପରିଶ୍ରମ କରିଥିଲେ । ସର୍ବପ୍ରଥମେ ସନ୍ଦୀପ ନାମକ ଜଣେ ବ୍ୟକ୍ତିଙ୍କ ଡିଏନଏ ମ୍ୟାଚ ହୋଇଥିଲା ।
ତେବେ ଏହି ହୃଦୟବିଦାରକ ଘଟଣା ପରେ ବିକେ ସିଂ ଇରାକ୍ ଯାଇ ଶବଗୁଡ଼ିକର ଆଣିବାର ବ୍ୟବସ୍ଥା କରାଯିବ । ତେବେ ସେଠାରେ ଅନେକ ପକାର ଚିହ୍ନ ମିଳିଛି, ଯାହାର ଡିଏନଏ ଯାଂଚ ହେଉଛି । ବୈଦେଶିକ ମନ୍ତ୍ରୀ ଆଜି କହିଛନ୍ତି ୩ ବର୍ଷ ପର୍ଯ୍ୟନ୍ତ ଉକ୍ତ ଭାରତୀୟଙ୍କ ଅନୁସନ୍ଧାନ ଚାଲିଥିଲା ।