ଆପଣଙ୍କ ମୋବାଇଲରୁ ତଥ୍ୟ ଚୋରି କରିବାକୁ ଚାଇନାର ଯୋଜନା । ଏସବୁ ଆପକୁ କରନ୍ତୁ ଡିଲିଟ । ସେନାକୁ ବି କରାଗଲା ସତର୍କ
ଚୀନର ମୋବାଇଲ୍ ଆପଗୁଡ଼ିକ ଏବେ ଭାରତର ସୁରକ୍ଷା ସ୍ଥିତି ପାଇଁ ବିପଦର କାରଣ ହୋଇଛି । ଚୀନ୍ ୪୨ଟି ମୋବାଇଲ୍ ଆପ୍ ମାଧ୍ୟମରେ ଗୁଇନ୍ଦାଗିରି ଚଳାଇଥିବାରୁ ଭାରତୀୟ ସେନାର ଅଧିକାରୀ ଏବଂ ଯବାନ ଏହି ଆପ୍ ବ୍ୟବହାର ନ କରିବାକୁ କଡ଼ା ନିର୍ଦ୍ଦେଶ ଜାରି କରାଯାଇଛି । ମୋବାଇଲରୁ ଚୀନ୍ ଆପଗୁଡ଼ିକୁ ତୁରନ୍ତ ହଟାଇବା ପାଇଁ ସେନାକୁ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଆପଗୁଡ଼ିକ ମାଧ୍ୟମରେ ଚୀନ୍ ଭାରତୀୟ ସେନାର ଅବସ୍ଥିତି, ଯବାନଙ୍କ ବ୍ୟକ୍ତିଗତ ତଥ୍ୟ ଏବଂ କାର୍ଯ୍ୟପନ୍ଥା ସଂପର୍କରେ ସୂଚନା ସଂଗ୍ରହ କରୁଛି । ସେନାର ସମସ୍ତ ଅଧିକାରୀଙ୍କୁ ସ୍ମାର୍ଟଫୋନ୍ ଏବଂ କମ୍ପ୍ୟୁଟରରୁ ବିପଜ୍ଜନକ ଚୀନା ଆପ୍ ତୁରନ୍ତ ହଟାଇ ଏ ବାବଦରେ ସୁରକ୍ଷିତ ରହିବାକୁ କୁହାଯାଇଛି । ବିଶେଷ କରି ଚୀନ୍ ସୀମାରେ ନିୟୋଜିତ ଥିବା ଭାରତୀୟ ଯବାନଙ୍କୁ ଏହି ନିର୍ଦ୍ଦେଶ ତତ୍କାଳ କାର୍ଯ୍ୟକାରୀ କରିବାକୁ କୁହାଯାଇଛି ।
ୟୁସି ବ୍ରାଉଜର୍, ୟୁସି ନ୍ୟୁଜ୍ ଏବଂ ଟ୍ରୁ କଲର୍ ଭଳି ଆପକୁ ହଟାଇ ଦେବାକୁ କୁହାଯାଇଛି । ଏହି ଆପଗୁଡ଼ିକୁ ହଟାଇବା ସହ ଫୋନକୁ ଫର୍ମାଟ କରିବା ପାଇଁ ମଧ୍ୟ ପରାମର୍ଶ ଦିଆଯାଇଛି । ଏହି ଆପ୍ ମାଧ୍ୟମରେ ଚୀନ୍ ଭାରତୀୟ ଯବାନଙ୍କ ସଂପର୍କରେ ତଥ୍ୟ ପାଉଥିବା ନେଇ ସନ୍ଦେହ ବଳବତ୍ତର ହେବାପରେ ଗୁଗଲ ମଧ୍ୟ ତା’ର ପ୍ଲେ ଷ୍ଟୋରରୁ ୟୁସି ବ୍ରାଉଜରକୁ ହଟାଇ ଦେଇଥିଲା । ତେବେ ପୁଣି ଥରେ ଏହା ପ୍ଲେ ଷ୍ଟୋରରେ ଉପଲବ୍ଧ ହେଉଥିବା ଜଣାପଡ଼ିଛି । ୟୁସି ବ୍ରାଉଜରରେ ଡେଟା ସୁରକ୍ଷା ଉଲ୍ଲଂଘନ ହେଉଥିବା ପ୍ରମାଣ ମିଳିଥିବାରୁ ଏ ଦିଗରେ ବ୍ୟବହାରକାରୀମାନେ ସତର୍କ ରହିବାକୁ କୁହାଯାଇଛି ।