କନକ ବ୍ୟୁରୋ : ଅମିତ ଶାହାଙ୍କ ମିଶନ ୧୨୦କୁ ଦୋହରାଇଲେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ । ସ୍ମୃତି କହିଛନ୍ତି, ଓଡିଶା ବାସୀଙ୍କ ବିପୁଳ ସମର୍ଥନ ଲାଭ କରି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହାଙ୍କ ଲକ୍ଷ୍ୟ ପୁରଣ କରିବ ଦଳ । ଓଡିଶାରେ ଶିକ୍ଷା, ସ୍ୱାସ୍ଥ୍ୟ ଓ ଆଇନ ଶୃଂଖଳା ବିପର୍ଯ୍ୟସ୍ତ । ଓଡିଶାବାସୀ ସ୍ୱଚ୍ଛ ଶାସନ ଚାହୁଁଛନ୍ତି, ଏବଂ ବିଜେପି ଏହା ଦେଇ ପାରିବ ।
Kanak News is now on WhatsApp
Join and get latest news updates delivered to you via WhatsApp
ବିଜେପିର ମିଶନ ୧୨୦ ନେଇ ଯୋଜନା ବିଷୟରେ ସାମ୍ବାଦିକ ପ୍ରଶ୍ନ କରିବାରୁ ସାମ୍ବାଦିକଙ୍କ ସାଧାରଣ ଜ୍ଞାନ ଏବଂ ଦଳୀୟ ଯୋଜନା ସର୍ବସମୁଖରେ କୁହାଯାଏ ନାହିଁ ବୋଲି କହି କଥାକୁ ଏଡାଇ ଯାଇଥିଲେ କେନ୍ଦ୍ରମନ୍ତ୍ରୀ । ଆଗକୁ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ଓଡ଼ିଶା ଗସ୍ତରେ ଆସୁଥିବା ବେଳେ ସ୍ମୃତିଙ୍କ ଏହି ବୟାନ ଏବେ ରାଜନୈତିକ ମହଲରେ ଆଲୋଚନାର ବିଷୟ ପାଲଟିଛି । ମିଶନ ୧୨୦ ପାଇଁ ଅମିତ ଶାହା କେଉଁ ଷ୍ଟ୍ରାଟେଜି ନେଇ ଆପଣାଉଛନ୍ତି ଏବେ ତାହା ଉପରେ ସମସ୍ତଙ୍କ ନଜର ରହିବ । ଆଜି ୧୯୭୫ ମସିହା ଜୁନ୍ ୨୫ ତାରିଖର ଜରୁରୀକାଳିନ ପରିସ୍ଥିତିକୁ ବିରୋଧ କରି ବିଜେପି ଦେଶବ୍ୟାପି ପାଳନ କରୁଛି କଳାଦିବସ । ଏହି କ୍ରମରେ ରାଜ୍ୟ ବିଜେପି ପକ୍ଷରୁ ପାଳନ କରାଯାଉଛି କଳାଦିବସ । ଏହି କାର୍ଯ୍ୟକ୍ରମରେ ଯୋଗ ଦେଇଛନ୍ତି କେନ୍ଦ୍ରମନ୍ତ୍ରୀ । ସେହିପରି ସହିଦ ନଗର ସ୍ଥିତ ବୁଣାକାର ସେବା କେନ୍ଦ୍ର ବୁଲି ଦେଖିଛନ୍ତି ।୨୦ ଲକ୍ଷରୁ କମ ଆୟ କରୁଥିବା ବୁଣାକରଙ୍କୁ ଜିଏସଟି ଲାଗୁହେବନି ବୋଲି ସ୍ମୃତି ଇରାନୀ କହିଛନ୍ତି ।