ଜଙ୍ଗଲ ଭିତରେ ଗ୍ରାମାଞ୍ଚଳ ଡାକସେବା । ନେଟୱର୍କ ଖୋଜିଖୋଜି ଜଙ୍ଗଲ ଭିତର ପୋଲ ଉପରେ କାମ କରୁଛନ୍ତି କର୍ମଚାରୀ
ସମ୍ବଲପୁର କୁଚିଣ୍ଡାରୁ ଆସିଲା ଅଭାବନୀୟ ଚିତ୍ର
କନକ ବ୍ୟୁରୋ: ଜଙ୍ଗଲ ଭିତର ପୋଲ ଉପରେ ଚାଲିଛି ଗ୍ରାମାଂଚଳ ଡାକସେବା । ପ୍ରତିଦିନ ଡାକସେବାର କାର୍ଯ୍ୟର ହିସାବ ଦେବା, ଆୟବ୍ୟୟ ସମେତ ବିଭିନ୍ନ ରେକର୍ଡ ଅନଲାଇନରେ ଦେବା ପାଇଁ ବିଜ୍ଞପ୍ତି ଜାରି କରିଛନ୍ତି କେନ୍ଦ୍ର ସରକାର । କିନ୍ତୁ ଗ୍ରାମାଂଚଳ ଗୁଡିକରେ ଇଂଟରନେଟା ସେବାରେ ବ୍ୟାହତ ରହୁଥିବାରୁ ରାସ୍ତାକଡରେ ପିଓଏସ୍ ମେସିନ ଧରି କାମ କରୁଛନ୍ତି ପୋଷ୍ଟ ଅଫିସ କର୍ମଚାରୀ । ଏପରି ଚିତ୍ର ଦେଖିବାକୁ ମିଳିଛି ସମ୍ବଲପୁର ଜିଲ୍ଲା କୁଚିଣ୍ଡାରେ ।
Kanak News is now on WhatsApp
Join and get latest news updates delivered to you via WhatsApp
ସିରିଡ ପଂଚାୟତର ମହିଳା ଡାକସେବକ ଏହିସବୁ କାର୍ଯ୍ୟପାଇଁ ପ୍ରତ୍ୟେକ ଦିନ ଅଫିସ ଛାଡି ନେଟୱର୍କ ପାଇଁ ଗାଁରୁ ପ୍ରାୟ ୭ରୁ ୮ କିଲୋମିଟର ଦୂରକୁ ଯାଇଥାଆନ୍ତି । କେତେବେଳେ ରାସ୍ତା କଡର ଯାତ୍ରୀ ବିଶ୍ରାମଗାରରେ କାର୍ଯ୍ୟ କରିଥାଆନ୍ତି ତ କେତେବେଳେ ଜଙ୍ଗଲ ମଝିରେ ଥିବା ପୋଲ ଉପରେ । ଯେଉଁଠି ନେଟୱର୍କ ଆସେ ସେଇଠି ପିଓଏସ ମେସିନ ଧରି କାର୍ଯ୍ୟ କରନ୍ତି କର୍ମଚାରୀ । କାରଣ ଏହି ଡାକଘରଟି ଜଙ୍ଗଲ ମଝିରେ ଥିବାରୁ କାଗଜପତ୍ର କାର୍ଯ୍ୟ ଅଫିସରେ ଏବଂ ଅନଲାଇନ କାର୍ଯ୍ୟ ରାସ୍ତା କଡରେ ନେଟୱର୍କ ଖୋଜି କରିବାକୁ ପଡିଥାଏ ।