ଖୁବଶୀଘ୍ର ଆସିବ ଇଲେକ୍ଟ୍ରିକ୍ କାର ଦୁନିଆର ସବୁଠାରୁ ଶସ୍ତା କାର୍ ! ଗାଡ଼ିର ଲମ୍ବ ମାତ୍ର ୨.୩ ମିଟର, ଜଣେ ବସିପାରିବା ସହ ରହିଛି ଅତ୍ୟାଧୁନିକ ଫିଚର୍ସ ।
କନକ ବୁରୋ: ଗ୍ରେଟର ନୋଏଡାଠାରେ ୭ ତାରିଖଠାରୁ ଆରମ୍ଭ ହୋଇଥିବା ଅଟୋ ଏକ୍ସପୋ ୨୦୨୦ ଉଦଯାପିତ ଅବସରରେ ସମସ୍ତଙ୍କ ମନ ଜିତିପାରିଥିଲା ଏକ ସିଟ ବିଶିଷ୍ଟ କାର ପ୍ରଦର୍ଶିତ କରାଯାଇଛି । ରେନଲଟ ପକ୍ଷରୁ ପ୍ରଦର୍ଶିତ ଏହି କାରର ନାମ ଟ୍ୱିଜି ଦିଆଯାଇଥିବାବେଳେ ଏଥିରେ କେବଳ ଜଣେ ହିଁ ବସିପାରିବେ । ଏହି କାରଟି ସମ୍ପୂର୍ଣ୍ଣ ଭାବେ ଇଲେକ୍ଟ୍ରିକ ହୋଇଥିବାବେଳେ ଏହାର ଲମ୍ବା ୨୩୩୮ ମିଲିମିଟର ହୋଇଥିବାବେଳେ ଚଉଡ଼ା ୧୩୮୧ ମିଲିମିଟର ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଗାଡ଼ିଟିରେ ଲିଥିୟମ ବ୍ୟାଟେରୀ ଦିଆଯାଇଥିବାବେଳେ ସର୍ବାଧିକ ୮୦ କିଲୋମିଟର ବେଗରେ ଏହି ଗାଡିଟି ଯାଇପାରିବ ବୋଲି କମ୍ପାନୀ ପକ୍ଷରୁ କୁହାଯାଇଛି । ସୁରକ୍ଷା ଦୃଷ୍ଟିକୋଣରୁ ଏହି ଗାଡ଼ିରେ ଏୟାର ବ୍ୟାଗ ସହ ହ୍ୟାଣ୍ଡରେଷ୍ଟ ଇଣ୍ଡିଜରେଟେଡ଼ ସିଷ୍ଟମ ମଧ୍ୟ ଦିଆଯାଇଛି । ସେହିପରି ମୋବାଇଲ ଚାରଜିଙ୍ଗ ସୁବିଧା ସହ ବ୍ଲୁଟୁଥର ମଧ୍ୟ ବ୍ୟବସ୍ଥା ରହିଛି, ଥରେ ଚାର୍ଜ କଲେ ଟ୍ୱିଜି ୧୦୦ କିଲୋମିଟର ଯାଏଁ ଯାଇପାରିବ । ତେବେ ଏହି ଜଣିକିଆ ସିଟ ବିଶିଷ୍ଟ କାର କେବେ ଲଞ୍ଚ ହେବ ସେ ବାବଦରେ କମ୍ପାନୀ ପକ୍ଷରୁ କିଛି କୁହାଯାଇନାହିଁ ।
ଏଠାରେ ସୂଚନା ଥାଉ କି ଭାରତର ଇଲେକ୍ଟ୍ରିକ୍ ଯାନ (ଇଭି) ସ୍ବପ୍ନ ଖୁବ୍ଶୀଘ୍ର ପୂରଣ ହେବାକୁ ଯାଉଛି । କାରଣ ଏଠାରେ ଗାଡ଼ି ବିକ୍ରି କରୁଥିବା ପ୍ରାୟ ସମସ୍ତ ପ୍ରମୁଖ କଂପାନି ଇଲେକ୍ଟ୍ରିକ୍ ଯାନ ନିର୍ମାଣ କରିବା ଲାଗି ନିଜକୁ ପ୍ରସ୍ତୁତ କରିସାରିଛନ୍ତି । ଏହାର ଝଲକ ଅଟୋ ଏକ୍ସପୋ ୨୦୨୦ରେ ଦେଖିବାକୁ ମିଳିଛି । ଏକ୍ସପୋରେ ଭାଗ ନେଇଥିବା କଂପାନିଗୁଡ଼ିକ ସେମାନଙ୍କ ଇଲେକ୍ଟ୍ରିକ୍ ଯାନ ମଡେଲଗୁଡ଼ିକୁ ପ୍ରଦର୍ଶନ କରିବା ପ୍ରତି ଅଧିକ ଧ୍ୟାନ ଦେଉଥିବା ଦେଖିବାକୁ ମିଳିଛି । ପ୍ରମୁଖ ଗାଡ଼ି ନିର୍ମାତା ସେମାନଙ୍କ ଇଲେକ୍ଟ୍ରିନ ଯାନ ଯୋଜନା ବିଷୟରେ ଘୋଷଣା କରିଛନ୍ତି।