ଆରମ୍ଭ ହେଲା ଘୋଷଯାତ୍ରା ପ୍ରସ୍ତୁତି । ପରମ୍ପରା ଅନୁସାରେ ମାଘମାସରେ ରଥ ନିର୍ମାଣ ପାଇଁ ପ୍ରଥମେ ପୁରୀରେ ପହଞ୍ଚିଥାଏ ରଥକାଠ
ଆରମ୍ଭ ହେଲା ଘୋଷଯାତ୍ରା ପ୍ରସ୍ତୁତି
କନକ ବ୍ୟୁରୋ : ଦଶପଲ୍ଲାର ଆରାଧ୍ୟ ଦେବ ପ୍ରଭୂ ମହାବୀରଙ୍କ ନିକଟରେ ପୂଜାର୍ଚ୍ଚନା ପରେ ଆଜି ଶ୍ରୀକ୍ଷେତ୍ର ଅଭିମୁଖେ ବାହାରିବ ଚଳିତ ବର୍ଷର ପ୍ରଥମ ରଥକାଠ। ଏ ନେଇ ଦଶପଲ୍ଲା ବନାଂଚଳ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ହୋଇଛି। ଗତକାଲି ସଂଧ୍ୟାରେ ୩ଗୋଟି ଟ୍ରକ୍ ଯୋଗେ ଚଢେୟାପଲ୍ଲୀ ଓ ବାଣିଗୋଛା ସେକ୍ସନରୁ ମୋଟ ୯୦ ଖଣ୍ତ ଅସନ ଓ ଧଉରା କାଠ ବୋଝେଇ ହୋଇ ଦଶପଲ୍ଲାରେ ପହଞ୍ଚିଛି। ସେଥିମଧ୍ୟରୁ ୨୦ ଓ ୧୨ ଫୁଟର ୫୭ ଖଣ୍ତ ଅସନ ଓ ଧଉରା ୨ଗୋଟି ଟ୍ରକ୍ ଯୋଗେ ରଥଖଳାକୁ ପଠାଯିବା ପାଇଁ ରହିଥିବା ବେଳେ ୧୨ ଫୁଟର ୩୩ ଖଣ୍ତ ଧଉରା କଟକସ୍ଥିତ ସ-ମିଲ୍କୁ ପଠାଯିବା ପାଇଁ ସ୍ଥିର ହୋଇଥିବା ବନାଞ୍ଚଳ ଅଧିକାରୀ ସୋମନାଥ ନାୟକ ସୂଚନା ଦେଇଛନ୍ତି।
Kanak News is now on WhatsApp
Join and get latest news updates delivered to you via WhatsApp
ତେବେ ପ୍ରତ୍ୟେକ ଥର ରଥଯାତ୍ରା ପାଇଁ ଦଶପଲ୍ଲା ବନ୍ୟାଞ୍ଚଳରୁ ହିଁ କାଠ ଯାଇଥାଏ । ପରମ୍ପରା ଅନୁସାରେ ମାଘମାସରେ ହିଁ ଘୋଷଯାତ୍ରା ପାଇଁ ପ୍ରସ୍ତୁତି ଆରମ୍ଭ ହୋଇଥାଏ । ତେଣୁ ସବୁଥର ପରି ଚଳିତ ଥର ମଧ୍ୟ ମାଘମାସରେ ରଥଯାତ୍ରା ପାଇଁ ପ୍ରସ୍ତୁତି ଆରମ୍ଭ ହେବ । ମିଳିଥିବା ସୂଚନା ଅନୁସାରେ ପୁରୀରେ ପ୍ରତ୍ୟେକ ବର୍ଷ ନୂତନ ରଥ ନିର୍ମାଣ କରାଯାଇଥାଏ । ତେଣୁ ସମ୍ପୂର୍ଣ୍ଣ ରଥ କାମ ଅକ୍ଷୟ ତୃତୀୟାଠାରୁ ଆରମ୍ଭ ହେଉଥିଲେ ମଧ୍ୟ କାଠ ଚିରା ଆଦି କାମ ମାଘ ମାସଠାରୁ ହିଁ ଆରମ୍ଭ ହୋଇଥାଏ ।