ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍: ଆଜିଠାରୁ ବେଶ ସରଗରମ ହେବ ଶାସକ ବିଜେଡିର ଆଭ୍ୟନ୍ତରୀଣ ରାଜନୀତି । ରାଜ୍ୟସଭା ପାଇଁ ଆଜି ବିଜ୍ଞପ୍ତି ପ୍ରକାଶ ପାଇବା ପରେ କିଏ ଯିବ ରାଜ୍ୟସଭା, କାହା ମୁଣ୍ଡରେ ପୁଣି ସିରପା ବାନ୍ଧିବେ ନବୀନ । ଏନେଇ ଚାଲିଥିବା ଆଲୋଚନା ଅଧିକ ଜୋର ଧରିବ । ରାଜ୍ୟର ୩ଟି ଆସନ ପାଇଁ ନିର୍ବାଚନ ହେବ । ପ୍ୟାରୀମୋହନ ମହାପାତ୍ର, ବୈଷ୍ଣବ ପରିଡା ଓ ଭୂପିନ୍ଦର ସିଂହଙ୍କର କାର୍ଯ୍ୟକାଳ ଶେଷ ହେଉଛି । ତେବେ ଦିଲ୍ଲୀ ଗସ୍ତରୁ ଆଜି ନବୀନ ଫେରିବା ପରେ ରାଜ୍ୟସଭା ଟିକେଟ ନେଇ ବରିଷ୍ଠ ନେତାଙ୍କ ସହ ଆଲୋଚନା କରି ପାରନ୍ତି ବୋଲି ଚର୍ଚ୍ଚା ହେଉଛି ।
Kanak News is now on WhatsApp
Join and get latest news updates delivered to you via WhatsApp
ବୈଷ୍ଣବ ପରିଡା ବ୍ୟକ୍ତିଗତ ଭାବେ ମୁଖ୍ୟମନ୍ତ୍ରୀଙ୍କୁ ଭେଟି ପୁଣି ଥରେ ରାଜ୍ୟସଭା ଯିବାକୁ ନିଜର ଆଗ୍ରହ ପ୍ରକାଶ କରିଛନ୍ତି । ଅନ୍ୟପଟେ ରାଜ୍ୟସଭାରେ ଲମ୍ବା ସମୟ ମିଳିବା ଆବଶ୍ୟକ ଦର୍ଶାଇ ପୁଣି ଥରେ ଗୋଟିଏ ଆସନରେ ପାର୍ଲିଆମେଂଟ ଯିବାକୁ ଚାହିଁ ବସିଛନ୍ତି ଭୂପିନ୍ଦର ସିଂହ । ସେପଟେ ରାଜ୍ୟସଭା ରେସ ତାଲିକା ଦଳ ଭିତରେ ବଢି ବଢି ଚାଲିଛି । ଏଥିରେ ଦଳର ମୁଖପାତ୍ର ପ୍ରତାପ ଦେବ, ଯୋଜନା ବୋର୍ଡ ଉପାଧ୍ୟକ୍ଷ ଏନ.ଭାସ୍କର ରାଓ ଆଦି ଥିବା ନେଇ ଚର୍ଚ୍ଚା ଜୋର ଧରିଛି ।