ଦୁଇ ଚକିଆ ଯାନ କିଣିଲେ ମହିଳାଙ୍କୁ ସବସିଡ଼୍ ଦେବେ ଏଆଇଏଡ଼ିମକେ ସରକାର ! ପ୍ରଧାନମନ୍ତ୍ରୀ ମୋଦି କରିବେ ଯୋଜନାର ଶୁଭାରମ୍ଭ
କନକ ବ୍ୟୁରୋ : ଦୁଇଜକିଆ ଯାନ କିଣିଲେ ମହିଳାଙ୍କୁ ମିଳିବ ସବସିଡ଼୍ । ତାମିଲନାଡ଼ୁରେ ଆରମ୍ଭ ହେଉଛି ଯୋଜନା । ଆଜି ପ୍ରଧାନମନ୍ତ୍ରୀ ମୋଦି, ଏଆଇଏଡ଼ିମକେ ସରକାରଙ୍କ ତରଫରୁ ଏହି ଯୋଜାନର ଶୁଭାରମ୍ଭ କରିବେ । ମହିଳାମାନେ ଦୁଇ ଚକିଆ ଯାନ କିଣିଲେ ତାଙ୍କୁ ୨୫ ହଜାର ଟଙ୍କାର ସବସିଡ଼୍ ପ୍ରଦାନ କରାଯିବ । କର୍ମଜୀବି ମହିଳାଙ୍କ ପାଇଁ ହିଁ ଏହି ଯୋଜନା ଆରମ୍ଭ ହେଉଛି । ଏହି ଯୋଜନାକୁ ତାମିଲନାଡ଼ୁର ପୂର୍ବତନ ମୁଖ୍ୟମନ୍ତ୍ରୀ ଜୟଲଳିତାଙ୍କ ଜନ୍ମଦିନରେ ଆରମ୍ଭ କରାଯାଉଛି । ସୂଚନା ଅନୁସାରେ ଜୟଲଳିଳା ପୂର୍ବରୁ ବିଧାନସଭାରେ ଏହି ଯୋଜନା ଆରମ୍ଭ କରିବା ପାଇଁ ପ୍ରତିଶ୍ରୁତି ଦେଇଥିଲେ । ତେବେ ଏହି ଯୋଜନାର ନାମ ରଖାଯାଇଛି ‘ଅମ୍ମା ଟୁ–ହ୍ୱିଟଲର ସ୍କିମ୍’ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଏହି ଯୋଜନା ଅନୁସାରେ କର୍ମଜୀବି ମହିଳାମାନେ ହିଁ ଦୁଇ ଚକିଆ ଯାନ କିଣିଲେ, ରାଜ୍ୟ ସରକାର ୨୫୦୦୦ ସବସିଡ଼ି ପ୍ରଦାନ କରିବେ । ତାମିଲନାଡ଼ୁର ପୂର୍ବ ମୁଖ୍ୟମନ୍ତ୍ରୀ ଜୟଲଳିତାଙ୍କ ୭୦ ତମ ଜୟନ୍ତୀରେ ଆଜି ଏହି ଯୋଜନାର ଶୁଭାରମ୍ଭ ହେବ । ପ୍ରଧାନମନ୍ତ୍ରୀ ମୋଦି ଏହି ଯୋଜନା ଶୁଭାରମ୍ଭ କରିବା ଉଦ୍ଦେଶ୍ୟରେ ଆଜି ଚେନ୍ନାଇ ଗସ୍ତରେ ଯିବାର କାର୍ଯ୍ୟକ୍ରମ ରହିଛି । ସେ ସେଠାରେ ମହିଳାଙ୍କ ପାଇଁ ହୋଇଥିବା ଏହି ମହତ୍ୱାକାକ୍ଷୀର ଯୋଜାନର ଶୁଭାରମ୍ଭ କରିବେ ।